忽然1周 第932期
今年 37歲的梁詠琪，自 11年下嫁西班牙籍老公 Sergio後已聲言不設防，早前更有指她連環推掉內地登台騷，嫌錢腥原來只為急於造人。
發足力年半，但梁詠琪個肚始終唔爭氣，令她不得不遍尋坊間谷胎大法。心急有餡的梁詠琪，眼見老死李克勤三年抱兩，於是搵克勤教路。經克勤力薦下，梁詠琪近日就多次到九龍城秘搵生仔中醫調經養卵。上周四（ 5月 30日），梁孖住老公，晨早流流到九龍城中醫館執藥，真係好心急喎。
梁詠琪婚後不時對外發放恨生仔宣言，她曾說：「我好鍾意小朋友，蛇 BB唔太期望喇，朋友話馬 BB好，我屬龍，龍馬精神好呀！」她更成立經理人公司「 G Major Limited」，培育新晉 model，擺明有意退居幕後，全力造人。
攞定藥單
上周四（ 5月 30日）早上，梁詠琪和老公 Sergio到九龍城中醫館，梁更於手袋中攞定藥單。
狂食燕窩補身
為了造人成功，梁詠琪無懼被人取笑身形暴脹，不停與老公周圍覓食養肥自己，又試過日日食燕窩補身，兼定時做身體檢查。萬事做齊，可惜梁詠琪肚皮依然冇動靜，令她十分擔心。「話晒 Gigi（梁之洋名）都成 37歲，過多兩年唔生就變高齡產婦。而且佢唔想同自己小朋友嘅年齡相距咁大，加上梁媽媽又成日話恨湊孫，唔多唔少都有壓力。佢食咁多補品都冇用，皆因佢以前捱殘身體，虛不受補。」知情者說。
補身冇效，梁詠琪只好大鑼大鼓向身邊好友尋求生仔秘方，她第一時間就諗起李克勤。「克勤老婆盧淑儀身體都屬於虛弱，但佢 05年開始睇中醫，試過一日狂灌五包中藥之後，盧淑儀血氣通行咗好多。佢原本睇開銅鑼灣嘅中醫，但生完大仔就轉咗幫襯九龍城中醫館，繼續調理身體。克勤見 Gigi咁心急，當然幫佢一把啦！」知情者說。
45歲的李克勤與盧淑儀結婚後便火速造人， 07年誕下了大仔李立仁（右）， 10年再生細仔李立司，認真犀利。
發現記者即閃
鬼祟現身
為怕途人認得，梁詠琪以 cap帽黑超遮樣，才與老公雙雙進入醫館。
極速上車
不久，梁詠琪發現記者，立即上車躲避。
老公取藥
而攞藥的重任就交由老公代勞，其間他不時向外四處張望。
上周四（ 5月 30日）早上八時半，記者就發現戴住帽和黑超的梁詠琪，孖住老公 Sergio現身九龍城。梁詠琪先熟練地將座駕泊於中醫館附近，落車後急步行去中醫館。不過，醒目的梁詠琪轉頭便發現記者，之後就慌忙地返回座駕，留低外籍老公於藥館內攞藥，看來她似乎不想自己睇生仔中醫的行蹤曝光。
周二（ 4日），記者親身到過該中醫館，問過幫梁詠琪診症的中醫師劉水強。對於梁是否其病人時，醫師輕輕一笑，但並無否認。之後劉醫師向記者開了一劑包含當歸、生熟地等藥材的中藥，並告誡記者要一星期內服食五劑才有調經效用。他說：「最少要調理半年以上先得，要避免經前經後呢七日，唔好『浪費彈藥』先得。」
梁詠琪：最好生龍鳳胎
周三（ 5日），梁詠琪到尖沙嘴出席活動前，離奇地於微博放了張子母鴨照片，惹來大肚疑雲，網友更紛紛留言恭喜她得米。之後她大方向本刊記者承認近日的確有幫襯九龍城中醫，她說：「我都知有人影咗我?啦……哎吔！係呀，我真係想生 BB，但都要調理好身體先得?！之前好忙，錄唱片又開演唱會，成日打埋啲開聲針，有好重嘅類固醇，所以要食中藥清理身體嘅毒素先，個中醫係李克勤介紹我?！」
談到此中醫成功幫到盧淑儀懷孕，她說：「唔知呀！你哋問佢啦！其實我只係睇咗一個星期之嘛！醫師話冇咁快嘅，欲速則不達，慢慢啦！老公仔女都鍾意，最好生龍鳳胎，一次生兩個仲開心。我同老公鍾意小動物，屋企已經有一隻狗同兩隻貓，但依家為咗生 B，要忍住唔好再收養小動物！你哋唔好俾咁大壓力我啦，咁人哋遲結婚，咪遲生仔囉！」對於微博放子母鴨相暗喻有咗，她扮懵說：「大鴨細鴨，有大有細，係喎！但我真係未有住呀！」
假若梁詠琪成功有餡，即搶先蒙嘉慧佗仔，「好勝 Gigi」真的並非浪得虛名。
梁詠琪積極造人，蒙嘉慧今年終修成正果做真正伊健嫂（左），而邵美琪也與施祖男蜜運中，三位女人各自找到幸福。
微博暗示
今年 4月梁詠琪於微博放了一張抱住小朋友的相，母愛氾濫。周三（ 5日），她又上載一張子母鴨的相，暗喻有餡，更叫網友估下含意，網友紛紛留言恭喜。
隱世生仔聖手
梁詠琪和李克勤老婆盧淑儀幫襯的中醫劉水強，醫館座落於九龍城打鼓嶺道街尾的「長春中西藥房有限公司」。藥房除有賣西藥、日用品等外，舖頭內一角更設有專睇中醫的「長春堂」。周二（ 4日），記者向劉醫師表示心急懷孕，他先為記者把脈，然後說：「三十幾歲從未懷孕，手足冰凍，體質虛寒，一定要先調理身體一段時期，否則不易懷孕。」
最後劉醫師為記者開一劑有多種藥材的藥方，他再說：「要先服食五劑，一星期後再看看體質有冇改善，先決定藥物有冇需要增加同減少，但中間一定不可以停服，以免影響體質的改善。」記者攞了一張有助生仔的藥方，不過世上始終冇包生仔方法，該生仔藥方只作參考，不能作準。
劉水強的字跡甚為潦草。
幸福豪言：最多生 10個
恨生仔恨到出面的梁詠琪，周三（ 5日）出席活動時向記者說：「如果生會限制自己，唔會生 20個咁多，最多生 10個啦！我哋精力旺盛，對科技有信心， 40幾歲都 OK。」