忽然1周 第939期
《衝上雲霄 II》收視高開,首周最高收視三十五點,劇中主角爆紅, Chilam(張智霖)隨即以五千萬「賣身」 3年俾蕭定一, 52歲吳鎮宇亦被指針灸回春。至於女主角之一的胡杏兒,亦錢途無限,狂掃樓收租。
去年與男友黃宗澤分手後,杏兒以工作治情傷,頻頻返內地拍劇賺人仔。去年拍劇及拍廣告賺 4千萬的她,今年大手筆買了兩個美孚新邨單位收租,連她去年 2千萬的郝德傑山相連單位,及早年買給父母養老的深水埗舊樓,手揸四個物業,市價約 3千 7百萬。
豬籠入水的杏兒雖然榮升小富婆,但連拍《衝上雲霄II》及《巾幗3》,令胡杏兒壓力爆煲,不時失眠及經痛,更要長期睇中醫調經,名副其實財多身子弱。
10/7 秘訪醫館
胡杏兒在美孚新邨睇中醫。出入診所時,她左望右望,似乎不欲被人發現。
睇平中醫
記者到胡杏兒光顧的中醫館「放蛇」,中醫李瑞華被問到胡杏兒有否來調理,他只說:「好多女仔長期失眠都會經痛,呢啲係都市病。」每次醫經痛,六劑藥約$245,算抵。
胡杏兒為拍《巾幗3》搞到壓力爆煲, 3月開始 keep住睇中醫。
逛家品店
睇中醫前,胡杏兒路過一間家品店,睇咗一陣牀單,似乎有心為即將放租的單位添置家品。
貪美孚新邨好租
鍾情美孚胡杏兒鍾情美孚新邨,她早排頻頻到美孚巡視,更連掃兩個大單位放租。
回復單身後,杏兒覺得賺錢先有安全感,故頻頻睇樓。她睇過太古城、沙田第一城及美孚,最後鍾情美孚新邨,貪有地鐵站,交通、購物方便,唔憂冇租客。「杏兒今年頻頻返內地賺人仔,所以買樓都係用屋企人名,有乜事家人可以睇住間屋,傳媒又查唔到地址。佢話有錢會再入貨。」知情者說。
減磅拍劇出事
本月 10日下午,記者發現胡杏兒揸車去美孚新邨。她不斷用手機拍攝樓宇附近環境,估計是作參考之用。影完相後,她到家品店逛了 10分鐘,便揸車到附近睇中醫。
「其實佢(胡杏兒)忍痛同 Bosco(黃宗澤)斬纜後,心情一直跌至谷底。年尾拍《衝上 II》時,又因角色需要急減 10磅,佢係唯一女角貫穿兩輯,壓力係好大。今年三月拍攝《巾幗 3》,外界又將佢同鄧萃雯比較,令佢壓力爆煲,搞到失眠兼經痛。」
本月 11日,胡杏兒出席《衝上 II》宣傳活動時,直認搵中醫調經:「之前拍《巾幗 3》壓力大,係成日失眠,要睇中醫。(係咪月經失調兼經痛?)唉……唔講啦,係女人都有?啦!」
問到買樓一事,她避重就輕話︰「都係細價樓啫。自己唔識投資,放租最安全。( 7月中買咗兩層美孚新邨?)買邊度唔講嘞,有啲係同屋企人夾錢。」其實早前杏兒為單位搵租客時,曾向唔少同行放聲氣,難怪幕後班底都笑她是「樓盤小天后」。
兄妹破冰
「 Cool魔」Chilam和胡杏兒在劇中雖然是兄妹,不過胡杏兒不滿Chilam未有盡兄長責任,一直和他冷戰,後來兩兄妹真情對話,最終言歸於好。
胡杏兒在第五集穿 tube top跑步騷身材,一展減肥成果,令不少網友讚好。
寄情工作
被問及成為「樓盤小天后」時,胡杏兒相當受落,仲笑笑口回應:「都係細價樓啫。」
去年 7月,胡杏兒親證與黃宗澤分手,激動落淚,同時暗指是黃宗澤有第三者令感情破裂,之後她就寄情工作。
劇酬每集三十二萬
小生花旦北望神州,胡杏兒也不例外。今年初在深圳拍 40集的電視劇《紅酒俏佳人》後,胡杏兒現於北京拍攝 35集的《如果不曾愛過你》,以每集 32萬計,單是拍劇一年已賺近三千萬。
月花 11萬供樓
據悉胡杏兒現時買入的四個單位中,俾父母居住的深水埗福安大廈早已供完,而自住的九龍塘郝德傑山單位及兩個美孚單位,則已先付一半做首期。以廿年按揭攤還計算,她現時每月約花 11萬供樓,對胡杏兒來說絕對負擔得起。