倫敦直擊 甘比帶隊阿徐傍實 躁鬱陳奕迅秘住劉鑾雄巨宅養病

忽然1周 第941期

陳奕迅一連25場的《EASON’ S LIFE演唱會》,於上周五(2日)圓滿結束,其間他患重感冒帶病上陣,故之前的24場少說話多唱歌,在尾場他更罕有地狂鬧歌迷。

語無倫次的Eason,事後坦認有躁鬱病徵,但他沒去求醫。周日(4日)晚,他與老婆徐濠縈及囡囡康堤飛去英國度假兼養病。本刊獨家直擊,發現Eason入住的巨宅屬大劉劉鑾雄名下,甘比更帶埋女兒秀樺一同飛去英國,盡地主之誼招呼Eason一家。雖然人在外國,又有妻女傍實,但Eason明顯未能放下戒備,在人多擠逼的地方,他都眉頭緊鎖,看來他的人群恐懼症都幾嚴重。

倫敦直擊 甘比帶隊阿徐傍實 躁鬱Eason秘住大劉巨宅養病
中午時份,剛瞓醒的Eason才從大宅外出,再去附近的餐廳「Zuma」會合大隊。他下車時還吃着蘋果,莫非係佢嘅早餐?

向來言行怪異的陳奕迅,在個唱上自爆患有躁鬱症及人群恐懼症。上周五(2日)完成個唱,有病Eason冇向淺中醫,反而周日(4日)即與老婆徐濠縈及囡囡康堤飛往英國養病兼度假。

倫敦直擊 甘比帶隊阿徐傍實 躁鬱陳奕迅秘住劉鑾雄巨宅養病
上周五( 2日)演唱會尾場,抑壓多時的 Eason終於爆煲,手指指直斥歌迷只掛住照相放上網,又搶去歌迷手機扮掟落地。事後在慶功宴上,他承認自己患上躁鬱症及人群恐懼症,不過就話自己唔使睇醫生。
倫敦直擊 甘比帶隊阿徐傍實 躁鬱陳奕迅秘住劉鑾雄巨宅養病
倫敦直擊 甘比帶隊阿徐傍實 躁鬱陳奕迅秘住劉鑾雄巨宅養病
周日( 4日), Eason一家三口在香港機場 check in準備赴英,當時阿徐不時四圍望,怕被人認出。

秘密起程

周日晚 10時左右, Eason與徐濠縈、囡囡康堤出現香港機場,準備 check in飛往英國。徐濠縈非常小心,為免行蹤被揭發,不時四周張望是否有記者在場。康堤則顯得非常興奮, check in後繑實爸爸跳跳紮過海關。
經過 12小時機程, Eason一家三口飛抵倫敦,入住位於當地豪宅區內 Eaton Square(伊頓廣場)的一幢白色巨宅。記者翻查資料,發現巨宅竟然屬大劉劉鑾雄擁有, 09年大劉以 4.2億買入,現市值逾 6億。周二( 6日)早上 9時,徐濠縈與甘比一起步出巨宅,同行還有她們的女兒康堤及秀樺,卻未見 Eason蹤影。四人同坐七人專車,由兩名穿西裝的外籍保鑣護駕下,到達位於市中心的科學館「 Science Museum」,她們在門外再會合數名朋友後才一起參觀科學館。
個多小時後,眾人離開科學館,到位於 Raphael Street的 Zuma日本餐廳午膳。半小時後才見 Eason咬住蘋果,乘坐一架黑色 Benz到達,他由另外兩名外籍保鑣傍住,精神非常飽滿。

倫敦直擊 甘比帶隊阿徐傍實 躁鬱陳奕迅秘住劉鑾雄巨宅養病
英國時間周二( 6日)早上 9時,同以白色打扮的徐濠縈和甘比步出大劉名下的伊頓廣場大宅。阿徐帶同女兒陳康堤,甘比身邊亦有女兒劉秀樺,兩位小朋友自然有個伴。
倫敦直擊 甘比帶隊阿徐傍實 躁鬱陳奕迅秘住劉鑾雄巨宅養病
登上甘比安排的平治七人車後,第一時間到「 Science Museum」參觀不同類型的科學展品。現場所見, 8歲康堤對太空場館新奇展品相當有興趣,獨自離大隊四圍望,反而 4歲的秀樺就顯得不耐煩。
倫敦直擊 甘比帶隊阿徐傍實 躁鬱陳奕迅秘住劉鑾雄巨宅養病
之後阿徐走到隔籬的太空區,其間竟然與友人踎在地下。如果喺香港,佢一定唔會咁做。

阿徐等人到達餐廳,康堤一支箭先落車,還刻意等埋甘比才入內,當時阿徐仍在車內。想不到康堤同甘比咁 friend,阿徐會否呷醋?


甘比全程做嚮導,安排兩架黑色平治接載不特止,還聘請了四名身形魁梧的外籍保鑣,果然照顧周到。

免費住巨宅

據知 Eason玩獨家村唔跟大隊,原來是他到埗後講明要瞓番夠本。知情者透露,「 Eason一早講明呢個 trip要好 hea,佢為咗個演唱會辛苦咗幾個月,終於可以唞氣。阿徐知道老公心意,早前同好友甘比講想去英國,問佢住邊間酒店好?點知甘比都話想喺秀樺開學前飛一轉英國,所以問准大劉後,就邀請阿徐一家入住大劉嗰間巨宅,仲話食宿、行程都包喺佢身上,事前仲請定四個老外保鑣跟身。 Eason話咗唔想個 trip有特定行程,佢好驚去人多嘅地方,況且佢以前喺英國讀書,咩地方都去過晒,參觀名勝一定唔使預佢。所以頭幾日佢要瞓到自然醒,到醫肚時間先會現身。」
當日吃過午飯,眾人行到附近的 Covent Garden Market看街頭表演。現場所見,甘比與康堤雞啄唔斷,感情看似比身為親生母的阿徐還要好。由於圍觀者眾多,又有不少華人面孔, Eason與徐濠縈都不能專心看表演。老公皺晒眉冇表情,老婆就繑埋手,四圍掃射附近的中國人,查看是否有人影相。看完表演,眾人再到附近餐廳 high tea兩小時。之後甘比帶住秀樺及康堤先返回巨宅, Eason與徐濠縈則離大隊去行街街。


當日眾人在餐廳醫肚後,再到出名觀光點 Convert Garden Market,欣賞精采街頭表演(右圖)。躁鬱 Eason來到倫敦,雖然心情得到紓解,但睇騷時仍眉頭深鎖,好難得才笑一笑,反而阿徐就與甘比傾到雞啄唔斷。


今次大劉外甥女(黑衫者)都有同行,負責抱住秀樺四圍去,甘比則不時逗康堤傾偈。

甘比康堤同日生日


平時在港跑慣步的徐濠縈,踏入英國第一天,已經忍唔住落 Hyde Park跑步,還即時上載微博。

經過記者一日的觀察,發現 Eason與甘比全無交流,今次有幸能夠入住大劉的 6億巨宅,都係多得近年徐濠縈與甘比的好友關係。
據知娛樂記者出身的甘比,當年已認識徐濠縈,不過真正熟絡都是近幾年的事。知情者透露:「以前甘比只係記者妹,阿徐同佢熟得去邊吖。自從甘比成為大劉女友後,阿徐間時裝店一有新貨就通知甘比,又幫佢喺外國買限量名牌袋,新店開張仲好識做咁請佢做嘉賓,咁就 friend咗囉!近年甘比同阿徐另一個共同話題,就係女兒升學同教學問題,阿徐喺呢方面都俾咗唔少意見。加上康堤咁啱同甘比同日生日,呢兩年阿徐都幫佢哋一齊搞生日會,舊年仲送咗部 iPhone 5俾甘比做禮物。」甘比與康堤同日生日,難怪兩人特別投契。

補祝 39歲生日

其實 Eason這次全家飛倫敦除了是休養之旅外,更是為了補祝生日。 7月 27日是陳奕迅 39歲生日。當晚他還要在紅館舉行個唱,好友謝霆鋒、何超儀、梁漢文、房祖名等捧住生日蛋糕上台給 Eason驚喜,全場高唱生日歌,場面感動又溫馨。
表面上唱足 25場的 Eason威到盡,但原來他只是得個殼,工作令他五勞七傷,身心都有問題。

自爆躁鬱

為完成個唱, Eason確實壓力爆煲,在個唱第 4場後,他因偷食 20粒蒟蒻搞到胃脹,要漏夜入院「洩氣」。另外又因左腳十字韌帶曾斷裂,要在膝蓋抽 20毫升水消腫;到第 9場他更出現聲沙兼氣咳,頻頻失準。在 7月 17日的個唱上, Eason突然不停向觀眾 say sorry,然後自爆患上躁鬱症,「有啲情緒病應該係……我愈來愈怕見到好多人,我講真,我有人群恐懼症,真係唔係講笑……我有少少叫『 bipolar』(躁鬱症)……我頭先入咗個奇怪世界,完全係唔記得你哋喺度,其實你哋係咪喺度呢?」


甘比與阿徐相識多年,到 10年,甘比才首次在尖沙嘴「 The One」商場開幕派對,介紹大劉與阿徐認識。

自此不少「 The One」的活動,阿徐與甘比孖公仔現身不特止,亦會帶女兒同行,難怪今次大劉願意借出超豪大宅給阿徐一家。《蘋果日報》圖片

甘比帶女遊英,本周三( 7日),大劉則獨自到福臨門午膳。

怒插歌迷

到上周五( 2日)尾場, Eason終於爆發,唱快歌時見台下有不少觀眾企起身投入跳舞,唯獨有少部分觀眾沒有反應, Eason即拋下一句:「原來跛嘅!」唱慢歌時又有 fans大嗌 Eason影響佢情緒,他再怒插對方。去到握手位有 fans掛住用電話對住 Eason影相,他即發老脾搶走歌迷電話作狀要掟在地上。
對於 Eason有躁鬱症,老婆徐濠縈又點會唔知。日前她在電話中回應說:「做呢行情緒時起時落,我會勸佢做運動減壓抒發,冇乜大問題,冇影響日常生活。」為了紓緩 Eason壓力,原來徐濠縈一早 plan好這個倫敦 hea爆休養之旅,呢個老婆真抵錫。希望 hea完返港的 Eason,躁鬱症會完全好番。

6億超豪屋

今次 Eason一家秘密入住,位於英國上流住宅區 Belgravia的伊頓廣場( Eaton Square)樓高 5層連地庫的超豪巨宅,是大劉於 09年尾,以 3,300萬英鎊(即 4.2億港元)購入,今日已升值達 6億港元。內裏設有私人影院、泳池、蒸氣浴室、升降機和傭人宿舍等設施。在伊頓廣場居住的住客非富則貴,如男星羅渣摩亞和對沖基金大亨索羅斯亦居於此。


伊頓廣場甚有歷史價值,前身為比利時大使館。共有 118座住宅,但只有 15座獨立屋是真正在廣場內,能眺望花園靚景,大劉所持的是其中之一。

大劉巨宅內設有高級私人影院,啱晒 Eason和甘比一家大細消閒。

減壓助抗躁鬱症

躁鬱症又稱躁狂抑鬱症,據家庭醫生關嘉美表示,如不幸患上,是有藥物可醫治,同時最好約見心理醫生,雙管齊下。「躁鬱症患者如果真係病發時,會打爛身邊所有嘢,兼且情緒唔受控,嚴重時會有自殺傾向。應該盡量放鬆心情,家人陪患者去旅行減壓就最好。」陳奕迅早在個唱中自認患有躁鬱症,今次難得飛到英國散心紓壓,相信對病情有幫助。

圈中藝人少患躁鬱症

躁鬱症即躁狂加抑鬱,在娛樂圈同樣患上兩種症狀的藝人不多,反而獨立患有躁狂症或抑鬱症卻大有人在。

躁狂症

吳鎮宇 07年被好友張家輝踢爆有躁狂症,而多年來吳鎮宇都因為衰衝動屢次與別人起爭執,年前就為太太出頭而動手打人而惹上官非。《壹週刊》圖片

2011年,有指 F4成員言承旭拍《我的燦爛人生》時入戲太深而患上躁狂症,體重急降十多磅,隊友吳建豪即發短訊慰問。

抑鬱症

張家輝早年曾在網頁內自爆患上抑鬱症,坦言病發時情緒低落、多疑、沒有動力、腳凍和失眠,求醫後在家人的支持下已穩定下來。

去年尾傳出森美私藏女藝人美腿相,爆出他原來有「戀足癖」,並且與困擾他 3年的抑鬱症息息相關。有精神科醫生表示,抑鬱症病人可透過「戀足癖」作減壓,發洩鬱悶。