忽然1周 第941期
年紀大機器壞。精神飽滿、聲如洪鐘的李香琴（琴姐），早前被本刊拍得需要靠輪椅代步，更到理工大學的康復治療診所睇病，情況令人擔心。
其實今年81歲的琴姐，除了半年內在家跌倒三次，引致身體變差外，據知她五年前一次過種七隻牙，有指當時牙醫注射過量麻醉藥，令琴姐記憶力慢慢衰退，試過有一段時間連最親的家人好友都唔認得。 7月29日，本刊就拍得滿頭白髮的琴姐，秘密到中環睇腦神經內科。
29/7 中環睇腦
早上 10時，琴姐到中環睇腦神經內科醫生。滿頭白髮的她，由工人扶實步入大廈。
不過性格堅毅樂觀的琴姐，全力對抗老人病。近日她精神狀態逐漸轉佳，除閒時相約無綫高層樂易玲傾復工大計外，周二（6日）更嘗試唔靠輪椅由工人扶實行路，用意志力克服身體障礙。
09年，當時已屆77歲高齡的琴姐，據知因為肌肉鬆弛，牙齒有脫落危機，於是找牙醫種牙。她當年曾說：「我種咗七隻牙，每一隻好似一粒一卡嘅鑽石價錢。」10年，她拍攝《公主嫁到》意外暈倒，即使要留醫觀察，她亦笑說：「我花咗廿幾萬去種牙，好彩今次冇整壞啲牙！」
坐輪椅搭電梯
坐着輪椅的琴姐由工人推入電梯，其間工人問她醫生樓層時，她停了 5秒便答 13樓。
慢行上車於診所逗留 1小時的琴姐，坐輪椅到保母車旁，由司機及工人傍住慢步上車。
31/7 扮靚見樂易玲
下午 1時 30分，琴姐離開何文田寓所，到附近的維景酒店飲茶。當日琴姐搽了鮮紅唇膏，明顯經過悉心打扮。
有傾有講
席間除了琴姐的親友，還有無綫高層樂易玲，其間樂小姐多次邀琴姐復工，o氹得她笑笑口。
工人餵食
當日琴姐由工人餵食點心，坐足兩小時才離開。
工人測試記性
琴姐對這七隻假牙如珠如寶，有傳那次手術，導致她記憶力慢慢衰退。知情人士透露：「琴姐喺屋企跌親咁多次，搞到佢對腳成日冇晒力，要搵輪椅代步。雖然佢年紀大，但佢平時咁精靈，記對白又叻，點會突然腦退化得咁嚴重。其實 09年佢去種牙嗰陣，牙醫驚佢痛，麻醉藥落得重手咗，自此以後琴姐記憶力愈嚟愈差，就連識咗五六十年嘅老朋友都唔認得，真係陰功。」
幾年下來，琴姐腦退化跡象愈趨嚴重，令到其家人十分擔心，於是年初開始帶琴姐去睇腦神經內科醫生，除了定時 check實大腦神經外，更靠藥物保持記憶力。 7月 29日，琴姐由何文田寓所外出，坐七人車抵達中環。冇見一排的琴姐，滿頭白髮，由司機及一名工人攙扶落車。琴姐緊握工人雙手，一步一步慢慢行去坐輪椅。短短幾步路程，琴姐不時皺着眉，令人心酸。之後，工人推住輪椅送她到達美國銀行大廈搭電梯。記者發現工人不時與琴姐講話，藉此測試琴姐記性。
工人：知唔知我哋去邊層呀？
琴姐：知……知…… 13樓嘛！
工人：知唔知去睇邊個醫生呀？
琴姐：知……知……蔡醫生呀！
今年 2月，本刊拍得琴姐到理工大學做治療，當時她落車要由司機抱落輪椅，情況令人擔心。
琴姐腦退化消息曝光後，樂易玲（右一）即約她出外飲茶，之後她更接受《東張西望》電話訪問，指自己永不言休。
樂易玲誘復出
雖然琴姐近年周身病痛，但她對症下藥、遍尋名醫搵根治方法，另外只要精神稍為轉佳，她就會出動搵圈中好友茶敍。
7月 31日，琴姐化上淡妝，搽了唇膏，戴埋珍珠耳環，相約無綫製作資源部總監樂易玲飲茶。其間樂易玲講起電視城近況時，琴姐亦識俾反應咔咔笑。不過記者發現琴姐全程由工人餵食，幸而她胃口亦甚佳，吃了蒸腸粉、素餃等一些較清淡的點心。
據知當日樂易玲除探望琴姐外，更游說琴姐擔任一個新清談節目嘉賓。知情人士說：「樂小姐每兩三個月就探琴姐一次，佢嗰日仲想叫琴姐快啲復工見觀眾?，不過琴姐就笑笑口，冇正面應承。」記者就此事問過樂易玲，她亦向本刊承認有意游說琴姐復工，她說：「余詠珊有個新節目，想搵琴姐幫下手，不過都係啲輕巧啲嘅 job，唔想佢咁辛苦。（琴姐依家咩情況？）我覺得佢精神咗，講嘢比以前大聲咗?！」
7月 29日，琴姐好友譚炳文現身她寓所樓下。之後記者致電他時，他煞有介事，一時話幾個月冇見對方，轉頭又話個多月前見過面，最終拋下一句：「佢坐輪椅好耐，冇乜嘢！」便匆匆收線。
本刊就琴姐現時情況，問過演藝人協會有關協助琴姐事宜，但會長曾志偉和秘書長陳芷菁，至截稿時仍未回覆。
步行覆診
琴姐逐步擊退老人病，絕對是一件好事。周二（ 6日），琴姐如常到理工大學「膝關節康復專科中心」的康復治療診所覆診。當日她更棄用輪椅，嘗試由工人攙扶下自己步行，記者趁機上前訪問琴姐。
琴姐：琴 記者：記
記：最近身體好嗎？
琴：都好……
記：有冇打下麻將？
琴：有呀……噚晚打。
記：有冇諗住返無綫？
琴：冇呀，唔知……都幾十歲，點知。
雖然琴姐聲音未如健康時般洪亮，但有問必答，看來康復在望。
6/8 堅持自己行
下午 1時多，琴姐到理工大學做治療，落車後，她堅持唔坐輪椅，由上落車位步行 3分鐘到診所。
做完個多小時治療的琴姐，一臉疲態，最後要坐輪椅由工人推到上車位置。
康復治療
診所位於理工大學，為到診者提供一對一的職業、物理治療。更為老人提供神經病學的復康治療。
醫學世家
琴姐幫襯的腦科醫生蔡偉達大有來頭，是已故名人羅旭龢爵士外孫。他出身醫學世家，爸爸蔡永善是香港首位耳鼻喉專科醫生，大伯蔡永業是本港首位華人醫務衞生署署長。
蔡偉達醫生為英國劍橋大學內外全科醫學士，更獲得英國皇家內科醫學院院士等多個銜頭。他曾參與龔如心與王廷歆就王德輝遺囑真偽一案，代表龔如心一方，作為醫生證人。現時蔡偉達於中環開設診所，更於養和醫院、港安醫院和嘉諾撒醫院掛牌。
高齡麻醉風險大
種牙屬於牙科小型及風險較低的手術，醫生一般會替病人局部麻醉，亦有可能進行從手背注射的靜脈麻醉，使病人處於睡眠狀態。不過根據資料，有醫生就曾指出麻醉藥有機會導致短暫出現反應慢、記憶力差等情況，而於年長病人身上注射麻醉藥，更會出現副作用，影響其腦部認知功能。有數據更顯示有一成 80歲以上病人，認知功能變差可長達三個月。
老友慰問
現年 81歲的琴姐，圈中好友甚多，不少藝人都與其緊密聯絡，得知她近況，都紛紛表示擔心。
盧海鵬︰有聽過佢認人麻麻
「我都成半年冇見過佢，之前佢都坐輪椅啦！有聽過佢認人麻麻，最近都有朋友探過佢，又冇話好有進展！」
薛家燕：年紀大例行檢查
「上個月同琴姐飲過茶，因為李鳳聲（粵劇名伶）喺外國返嚟，琴姐鍾意熱鬧咪同佢出街飲茶。佢自己行到，不過就慢啲，我哋仲讚佢好精叻。（佢見腦神經科醫生喎！）哦……應該無乜嘢，我諗係年紀大例行檢查。」
胡楓：佢冇聽電話又唔覆
「我成日都想見佢，呢兩三個月都搵佢唔到，打俾佢冇聽電話又唔覆，可能佢唔想人搵，唔想應酬太多啦！之前見佢都有輕度行動唔方便，不過仲好精靈、好生猛。」
余慕蓮：佢有工人長期服侍
「你問我佢病情，我梗係話好番好多?。呢排好少見佢，佢又有女又有妹陪，仲有個工人長期服侍。有次同關菊英成班出嚟飲茶，琴姐都認得晒我哋。」