金剛陳蕊蕊台灣培慾 Avis拖新歡Yumi示威

忽然1周 第942期

由台灣來香港六年的金剛,事業發展不俗,兩輯《街坊廚神》叫好叫座,《巾幗梟雄3》亦榮升男二。咪睇金剛外表戇直,其實溝女甚有一手,不但先後冧掂港姐張嘉兒及「神獸天使」蔡慧欣,四個月前更暗嗒味之天使「柑桔」(陳蕊蕊),兩人早前仲秘遊台灣見家長。

之前死口唔認拍拖的金剛,上周二(6日)更被本刊斷正與柑桔在港撐枱腳後,帶女方返歸過夜。證據確鑿下,情場浪子金剛仍死撐兩人只係住同一座大廈,幾經逼供才甜絲絲認戀情;反而柑桔卻直認:「我哋係發展中。」睇嚟女方有心杜絕飛來蜢,金剛想作反都幾難。

台灣預支蜜月 金剛帶柑桔返家培慾
飽暖返歸
食咗一個鐘,金剛一馬當先,急住帶柑桔返屋企再玩過。

並非高大靚仔的金剛,憑住唔鹹唔淡的廣東話及油腔滑調,殺出一條溝女血路。雖然緋聞女友車輪轉,但他依然夜蒲溝女,樂此不疲。「金剛身邊大把女,所以佢從來唔會認拍拖,以免阻住搵食。之前同豬扒港姐(張嘉兒)一齊,佢都成日周圍蒲,冇女綁得佢住,朋友都讚佢係『食家』,不過依家就明顯俾生果女柑桔收伏咗。」知情者說。
原來,金剛去年因《五覺大戰》與節目的監製錢國偉熟稔,兩個不時孖住蒲。而跟錢搵食的柑桔,今年初火速與金剛搭上。「金剛第一次見 Yuri(柑桔)時,已經生螆貓入眼,猛講爛 gag?女, Yuri亦好受落,兩個仲即場交換電話?。 Yuri同金剛拍咗拖幾個月,知男友爛蒲,梗係想有個名份,但金剛就話怕戀情影響事業,所以死口唔認拍拖!」

金剛陳蕊蕊臺灣培慾 周秀娜舊愛拖新歡示威
6/8男煮女拍
金剛晚上十時到佐敦接柑桔,之後車女友到尖沙嘴食韓國燒烤。佢忙於煮食,柑桔就影低金剛下廚個樣。

台灣預支蜜月 金剛帶陳蕊蕊返家培慾
又食又拎
睇真啲,金剛手上仲有一袋外賣袋(白圈),睇嚟佢同柑桔諗住返屋企慢慢嘆。

台灣預支蜜月 金剛帶陳蕊蕊返家培慾
過夜狂歡
金剛車柑桔返位於紅磡海韻軒的單位。至凌晨時分,本刊記者仍不見柑桔離開。

金剛租住的海韻軒是服務式住宅,坐擁維港景色,月租由一萬五千元起。

台灣預支蜜月 金剛帶陳蕊蕊返家培慾
網上傳情
上月柑桔同金剛被發現多次在 Instagram傳情,當時金剛仍口硬話兩人只是朋友。但在記者逼供下,他不禁流露一副冧樣。

台灣預支蜜月 金剛帶陳蕊蕊返家培慾
對柑桔有好感!(真實對白)

台灣預支蜜月 金剛帶陳蕊蕊返家培慾
我哋係發展中!(真實對白)

返台見家長

上月中,金剛與陳蕊蕊曾秘遊台灣預支蜜月,女方還挾實男友見家長,進一步落實正印地位。
上周二( 6日)晚上十時,金剛駕車往佐敦山林道接剛練完泰拳的柑桔,兩人便到尖沙嘴共享晚餐。在食肆內兩人雖然保持距離,晚飯後女方卻直上金剛紅磡寓所過夜。
本周一( 12日),本刊就斷正兩人過夜一事向女方求證,柑桔表示:「嗯……普通朋友食飯……我哋同住同一幢大廈,我同家姐住。(幾錢租?)萬零蚊啦,同家人 share都 ok。(你上個月同金剛去台灣預支蜜月喎!)同行有其他朋友?。(只影到你同佢兩個坐頭等!)回程咁啱得我同佢同時間返。(係咪見男方家長?)見過佢家姐……都有見過佢啲朋友(即係拍拖啦!)嗯……發展中啦,要觀察吓。」

台灣預支蜜月 金剛帶陳蕊蕊返家培慾
18/7密遊台灣
金剛和柑桔上月 18日由台北返香港,兩人齊坐頭等,一上機就孖住瞓。

送禮冧女
在台灣旅行期間,金剛又送花又送耳環俾柑桔,她即時在 Instagram大騷收禮物相。

愛砌才會贏

同日,記者趁金剛錄影《獎門人》時訪問他,金剛甜絲絲冧爆讚柑桔:「 Yuri係好女仔,又靚又爽朗,同我一樣鍾意砌高達,大家夾到!(你車佢上你屋企過夜?)我哋住同一幢 service apartment。(你帶佢返台灣見家長喎。)同大班朋友去,係一齊返香港。咁都俾你哋見到?我係對 Yuri有好感……祝福我啦!」冧到出面!
金剛講到出口同女方一樣愛砌嘢,夾到咁,難怪閱女無數的金剛都俾佢食住!

為攀上枝頭,一班味之天使都鍾意黐仔,好似王寶寶就黐李思捷,藍莓又同洗米華喺澳門酒店狂歡,連柑桔亦搭上金剛。

專溝大波妹

金剛其貌不揚,不過冧女就真有辦法,而且女友連同 33C柑桔在內,個個身材逼爆。早在 08年仲喺 TVB8做主持,金剛已經溝掂港姐冠軍張嘉兒。後來金剛速食台灣模特兒 Ashlee,一度表示三年內娶她過門,但分手後 Ashlee即唱衰金剛爛滾。到去年拍《五覺大戰》時,「神獸天使」蔡慧欣及梁麗瑩更擺明車馬爭金剛,金剛桃花認真暢旺。

【七國咁亂】「柑桔」認戀Avis、Avis戀Yumi 「柑桔」+Yumi一齊住!

究竟Avis陳偉成同「柑桔」陳蕊蕊有咩關係?Avis新歡Yumi又同「柑桔」有何關係?點解又關金剛事?

前日忽然有人爆料,話陳偉成(Avis)同「柑桔」陳蕊蕊暗撻半年情玩完,「柑桔」仲喺微博度寫自己識錯人:「我都做錯很(多)事,最錯是識了你、信了你,點解你可以咁假,原來你做戲咁叻。」又話:「其實你溝女你嘅事,但不用做到這樣吧,麻煩你績(積)下口德。不要再中傷我。」

巧合嘅係,再前一晚,Avis就喺微博道歉話自己:「做錯了一件事,真心說聲對不起。」難免令人將兩件事聯想埋一齊。但更複雜嘅係,「柑桔」同金剛早於七月已傳撻著,喺爆出「柑桔」同Avis半年情斷後,亦有報道大爆「柑桔」同金剛一齊咗四個月。好複雜,真係好複雜。

消化完未?再嚟,Avis前日受訪時,否認同「柑桔」拍拖,更扯火謂認識對方兩年,但從未單獨見面,更聲稱係「被拍拖」:「人哋做宣傳我冇回應!」又話當日喺微博道歉,對象係生意拍檔,完全唔關「柑桔」事。

得未?再嚟囉喎,Avis有新戀情,咁一定要問娜姐周秀娜回應啦,佢就透過經理人回咗個「曱甴論」,話曱甴生蛋有幾出奇,懶得回應。

好喇,依家條線,就拉去「柑桔」新歡金剛度喇,佢當然係鬧爆Avis啦,仲話到明,如果要搵宣傳,都唔會搵Avis。同時,金剛都承認同「柑桔」係互相了解中,亦唔介意公開。

明晒未?更複雜係,Yumi,即係Avis新歡,噚晚同Avis公開情侶關係時,自爆依家同緊「柑桔」及女子組合MVG成員Ivy同居,Yumi話:「我哋住咗一個月,屋企好少見到蕊蕊(即柑桔)。」換言之,即係如果,如果呀吓,Yumi帶新歡Avis返屋企,咁柑桔又帶新仔金剛返屋企,咁柑桔又聲稱同Avis拍過拖、但Avis又唔認同柑桔拍過拖……兩pair人各自拖手仔返同一個屋企……嘩,咁點呀!!!!!!!!

Avis拖新歡「示威」

周秀娜前度男友陳偉成(Avis)今晚拖著新歡尹蓁晞(Yumi)出席籃球賽,二人表現恩愛,他否認是「示威」,只是不想事情惡化,故和女友商量後決定公開。問Yumi是否第三者?Avis就出言護女友,強調二人單身時才一起。對於男友被數落,Yumi拖實男友手兼說:「我相信他。」

周秀娜前度男友陳偉成(Avis)今晚拖著新歡尹蓁晞出席籃球賽
Avis傳過咁多次緋聞,今次正式第一次帶出嚟見人,似乎打得火熱。

34C Yumi09年曾涉援交 避走台灣發展

34C尹蓁晞過往紀錄都唔太好,好似09年佢就被人影到同一個紋身男喺公園錫嘴之後上酒店,仲有錢銀交收,於是被指係援交女。佢同娜姐嘅關係,唔係依家拍埋同一個男友咁簡單,09年寫真大戰,佢就同師姐趙碩之一齊寸爆娜姐寫真意識不良。

負面新聞纏身嘅Yumi喺香港工作量就唔多,之前仲走咗去台灣發展,仲擔任名主持吳宗憲嘅《周六大天使》做小天使,不過後來被吳宗憲經理人覺得佢借憲哥上位,被飛起出節目。