忽然1周 第942期
46歲張家輝年初為新戲《激戰》操得一身弗爆朱古力肌肉，引來極大迴響。可是風光背後，原來他苦練肌肉期間，因過度禁食和每天狂灌兩公升大隻奶粉，令早年患有抑鬱症的他，再次復發，陷入情緒死胡同。
眼見老公性格變得異常暴躁，據知關詠荷曾苦勸他再度求醫，但張為防食藥影響修身效果，堅拒接受治療。夫婦為此事爭拗不斷，近半年二人更分房瞓。
本刊連日發現，夫妻即使住在同一屋簷下，但每次兩人都是獨自外出，與以往一家三口經常聚天倫有天壤之別。
對於老公抑鬱復發，關詠荷憂心忡忡對本刊說：「佢情緒有問題！」
2/8 殘爆出街
關詠荷除了忙於宣傳新劇《情逆三世緣》，又要為老公身體操心。在萬寧獨自購物期間，她容顏憔悴，一臉落寞。
近日，張家輝擔正的《激戰》上映，而關詠荷孭飛的新劇《情逆三世緣》本周亦正式首播。兩人一向夫妻同心，過往例牌會為對方新片撐場，可是，今次二人在宣傳期間，卻未試過雙雙現身為對方造勢。
為夫買鎮痛貼
雖然夫妻處於冷戰期，但口硬心軟的關詠荷，仍關心老公張家輝病況。當日她便先後兩次幫操肌導致肌肉痛的老公買鎮痛貼。
3/8 獨自湊女
記者連續數天目睹關詠荷獨自帶女返興趣班，但一直未見張家輝同行。
暴瘦頂硬上
09年，張家輝憑電影《証人》榮登七料影帝後，片酬由 100萬躍升至 300萬一部，並且長拍長有。雖然事業順風順水，但他對自己在戲中的表現卻變得異常執着。力求完美的他，兩年前拍《大追捕》時，為演好監躉啞佬角色，強迫要短期內瘦身，令身心煎熬。他曾說：「拍呢套戲，我每日只靠烚蛋，用近乎無味嘅食物去醫肚。同時我要跟教練操肌。當時我唔想見人，因為試過有朋友見到我，衝口而出問我係咪有 cancer。」
1/8 緊張咬手指
07年患有抑鬱症的張家輝，近年因操肌過度，情緒再次陷入谷底。日前本刊發現他離開寓所，獨自到銅鑼灣購物。其間見他邊行邊兩邊望，又多次咬手指，神情緊張。
肉緊閉唇
刻意避見
當日關詠荷首先乘七人車離開寓所，先後買完兩次鎮痛貼後回家。但不足五分鐘，張家輝乘同一架車獨自外出相約胡楓，兩夫妻似避而不見。
雖然張家輝多次強調自己應付到，但當時情緒已變得極不穩定，老婆關詠荷亦擔心他會出事，已多次叮囑他要顧住身體，不要迫自己太緊。可是言猶在耳，去年中，關詠荷得知老公要再次節食和操肌，接拍打到飛起的《激戰》，二人即時為此爭執。
知情人透露：「 Esther（關詠荷）好緊張家輝， 07年家輝證實患有抑鬱症， Esther周圍搵醫生，除咗西醫同心理醫生外，佢仲試過上四川搵中醫同氣功師。家輝拍《激戰》，導演講明一定辛苦過拍《大追捕》，點知家輝都接， Esther好嬲，兩個人硬碰硬，點會唔嘈交吖！」
對於自己腹部一排「坦克車」肌肉，有苦自己知的家輝亦不止一次表示：「呢套戲比《大追捕》辛苦兩萬倍。最初食到個人脹晒先，每日隊廿隻蛋白同白烚雞肉，零澱粉質；然後就不停係咁操，仲要完全戒晒油、鹽、糖！連生果都唔食得，因為有果糖。去到後期，我連水都唔可以飲，梗係會唔開心啦。」
生仔冇望
據知，由去年尾接拍《激戰》開始瘦身後，張家輝和關詠荷關係亦急轉直下。關詠荷見對方性格變得一時低落一時亢奮，擔心他舊病復發，着他搵相熟醫生診治。但張家輝為防食西藥拖慢其修身效果，因此一直施拖字訣。由於擔心囡囡張童受影響，關詠荷便提議雙方冷靜下來避免衝突。知情人透露：「 Esther本身好硬頸，就算同老公鬧交都唔會忍讓。 Brittany（張童）係 Esther命根，佢唔想同老公鬧交嗰陣俾囡囡聽到，所以佢哋夫妻協議咗，家輝每次拍完戲，都會喺片場留到深夜，等 Esther同 Brittany瞓咗之後，先會返屋企。而且只會喺客房瞓，呢個情況都維持咗大半年。」
現已 49歲的關詠荷， 06年生完囡囡張童後，一直恨再追仔。兩年前，她公開說：「我時間無多啦，年紀唔細，不過我真係好恨、好想、好心急想追多個！我驚趕唔切！」可是，接近更年期的她，如今與老公分房瞓，處於冷戰中，可以說追仔願望幾近落空。
憂心閉翳
周日（ 11日），記者就張家輝抑鬱復發訪問關詠荷，她憂心說：「佢冇得食，搞到個人好忟！」當提到為何沒有現身老公首映，關說：「我會自己買飛睇。」問到分房瞓一事，她煞有介事說：「屋企嘅事唔會講！」
避忌黑面
周二（ 13日），張家輝宣傳新片，記者上前問他和關詠荷分房瞓一事時，他一度面燶燶，之後才說：「我……唔會答啦！」
關詠荷近日忙於宣傳《情逆三世緣》，但據知由於張家輝開到口要她收山湊女，因此關拍罷此劇後，會休息一段長時間。
張家輝連日出席宣傳活動，為新戲搏到盡。
搵契爺訴苦
夫妻關係一度繃緊，日前（ 2日），本刊發現關詠荷中午獨自乘車，離開寓所逸廬，到跑馬地萬寧買鎮痛貼。回家十分鐘後，她再乘車折返萬寧，買另一款止痛貼。返家不夠五分鐘，就輪到張家輝離開寓所，乘坐同一架七人車到銅鑼灣，接載契爺胡楓到附近的皇冠假日酒店飲下午茶。當日所見，面對胡楓，一直眉頭深鎖的張家輝，滔滔不絕向契爺講說話，而胡楓亦一味點頭聆聽。訴苦個半鐘頭，張家輝臨走前才露出歡容，心結看來已解開少許。
往後數日，記者發現張家輝兩夫婦依舊是各有各生活，無論關詠荷湊女返興趣班，抑或張家輝到商場購物，都是分開行動，與以往一家三口經常聚天倫的光景甚為不同。本刊事後致電胡楓，他在電話中說：「嗰日係我搵家輝飲茶嘅，我唔知佢兩公婆有嗌霎喎。唉！不過兩夫妻梗有意見唔啱嘅時候，嗌完咪冇事囉！」
2/8 契爺問候
結婚十載的張家輝和關詠荷時有拗撬，身為張家輝契爺的胡楓，當日便相約家輝到銅鑼灣皇冠假日酒店，慰問對方。胡楓回應記者時坦言：「夫妻梗有意見唔啱嘅時候，不過嗌完咪冇事囉！」
同歌神冇交流
當年在電影中曾扮學友的張家輝，在當日飲茶期間，剛巧遇到同樣是胡楓契仔的歌神，但二人卻未有傾談。
昔日溫馨
未接電影前，張家輝和關詠荷經常和囡囡一家三口晒溫馨，但近日卻鮮有見到三人行外出。
張家輝09年憑《証人》奪得金像影帝，當晚他亦攜眷出席（右圖），但剛過去的頒獎禮，關詠荷卻沒有現身支持老公。
賣舊居勁賺
張家輝一家原本住貝沙灣，前年以 3,500萬成功放售單位，獲利 1,200萬，現時他們以 11萬月租跑馬地逸廬，但住進新屋後夫婦卻頻生拗撬，似乎新屋不利人和。
上星期，《激戰》上優先場，當晚不少圈中藝人到場祝賀張家輝，但關詠荷卻罕有沒有亮相。
關詠荷：個人好忟
對於老公抑鬱症復發，周日（ 11日），記者訪問關詠荷，初時她仍說家輝已經控制到情緒，但其後卻忽然「唉」了一聲說：「佢嗰時戒食戒得好清，樣樣唔俾食，搞到個人好忟。佢係情緒有問題……但係講真，個個人情緒都有問題啦，我諗佢……應該唔係嚴重嗰隻嘅。不過佢上次拍戲整斷手指尾後，我好擔心佢再出事。總之，佢知道做咩事識得同老婆囡囡交代就 OK。」
至於張家輝，周二（ 13日）他出席《激戰》首映禮，被記者追問是否抑鬱症復發及與老婆分房瞓半年，他面有難色想了一想，連續吐了「唔、唔、唔」三聲後，才說：「我……唔會答啦！」隨即遭助手拉走。
捱餓影響情緒
張家輝為新戲《激戰》谷肌減肥，每日單靠烚雞肉及蛋白為主食充飢。家庭醫生關嘉美表示：「如果正常人攝取唔夠每日要求嘅卡路里（男人 3千至 4千卡一日），對肉體同情緒都好大挑戰，要睇佢嘅 IQ同 EQ處唔處理到，但一定會影響到情緒健康。試問一個人食唔夠，都瞓唔到覺啦，情緒一定好 down。」
朱古力肌後遺症
張家輝為《激戰》操得一身朱古力肌肉，令人艷羨，但背後苦況卻不足為外人道。試過有次到澳門拍攝，他忍唔住偷食牛肉火鍋頂癮。當時他說：「再唔食我會黐線！」
爭拗不斷
張家輝和關詠荷兩公婆表面恩愛，不過私底下曾為工作及愛女問題，多次不咬弦。
要求全面息影
今年初，關詠荷出山為無綫拍新劇《情逆三世緣》，撞正男主角歐陽震華因急性肺炎入院，而延期北上拍攝外景一個月，搞到愛女冇人照顧成個月。有指張家輝曾要求老婆全面退出娛樂圈，對此，他直認：「最好佢以後唔好再做嘢，因為我需要一個老婆，個女亦好需要一個媽媽。」
谷愛女做資優生
關詠荷為培育愛女 Brittany成材，由西貢搬到名校區的跑馬地。在女兒讀幼稚園時，已安排她就讀學費高達十四萬元的德瑞國際學校，催谷她的英語及德語。此外，關詠荷亦特別請了七位有碩士銜頭的老師教女兒中、英、數、長笛、體操、溜冰等學科。但據知張家輝對關詠荷的軍訓式教女法頗有微言，擔心愛女應付不到。
抑鬱發脾氣
07年，張家輝與張靜初在雲南拍電影《紅河》時，因思鄉病發而患上抑鬱症。當時關詠荷明言：「佢嗰陣真係好易發脾氣、好暴躁，惟有叫佢睇書放鬆吓心情。」不過張家輝卻玩踢爆：「佢（關詠荷）冇乜理我，但朋友就對我好好，好似青雲咁，成日鼓勵我。」
張家輝澄清：我無不開心
對於張家輝為拍《激戰》操大隻因過度禁食及狂灌大隻奶粉，而令早年患有抑鬱症的他再復發，暴躁的他更引發夫婦爭拗，二人最後要分房睡。昨日記者聯絡家輝，他若無其事的說：「剛剛至同阿女睇完老婆套劇（《情逆三世緣》），呢幾年工作一直好忙，不在家老婆陪女瞓，我無不開心，《激戰》優先場過百萬好開心，票房不好才會不開心。」