忽然1周 第943期
陳法拉與老公薛世恆婚變,一度遠飛美國進修短期課程,正當外界以為她離港治情傷,其實她正為自己的將來鋪路。據知法拉早年曾向薛大少透露想趁後生讀碩士,薛大少當時承諾會一力承擔學費及外家的生活費。點知書未讀兩人已分開,法拉即向外放風有意繼續向學、減少幕前演出,同時亦透過律師向薛大少提出每月索取 20萬贍養費供養外家。
情到濃時少不免山盟海誓,如今關係不再,唔知薛大少的承諾會否兌現?若然傾唔掂數,法拉與薛世恆分分鐘法庭見。
男人要有口齒囉!(設計對白)
承諾唔代表一生一世o架!(設計對白)
女人最怕人又冇錢又冇,陳法拉與薛世恆結束七年情後,隨即飛往美國進修短期的演藝課程。 5月已約滿無綫的她,亦向外表示不再續約,原來她已為自己定下一連串大計,向薛家索取每月廿萬贍養費。
繼續讀碩士
05年在美國艾文理大學 Goizueta商學院獲得工商管理學士學位的法拉,早年曾向薛世恆表示想攻讀碩士課程,男方亦非常贊成。知情者透露:「法拉話做多幾年幕前想返美國讀碩士,薛大少當然舉腳贊成啦!佢不知幾想個老婆唔做,可以快啲幫佢生仔。大少仲應承法拉喺佢讀書期間會幫佢養埋外家?!不過法拉呢幾年忙到爆,邊有時間去讀書吖!偏偏分開後,法拉就急急走去美國讀啲短期課程,話俾全世界知佢有意向學,仲向薛家提出因為佢將會去讀書,賺錢能力減弱,所以要加多啲贍養費養埋外家,因為薛大少口頭承諾過喎!」
據知法拉與薛世恆婚後每月都由薛家發放生活費,因為她在無綫搵錢能力都唔弱,故每月只拿取 10萬左右。今時唔同往日,離婚後法拉為保障自己誓要力爭到底,故以讀書為由,向薛家提出每月最少 20萬的贍養費。
瘦到離晒罩
上周五( 16日)晚,陳法拉出席化妝品牌活動,穿上火紅色 tube dress,離罩情況相當嚴重。不過她否認為情消瘦,「我好食得,可能近排做得運動多。」
雖然與薛世恆情已逝,但法拉仍住在何文田愛巢,近日出入乘坐薛老爺新買入的四十多萬七人車,司機與豪宅她都能繼續享用。
自己接 job
上周四( 15日),法拉首次為《衝上雲霄 II》做宣傳,活動後被大批 fans圍住合照。之後她再到金鐘太古廣場的寫字樓,冇約一身輕的她,原來自己去傾接 job。
雙方律師拉鋸中
近月在紐約讀短期課程的法拉, 8月 11日終於返港為電影《奇幻夜》及新劇《衝上雲霄 II》宣傳,此行除了工作,還要處理離婚事宜。現階段正由雙方律師互相協議磋商,若薛大少對法拉提出的要求沒有任何異議,兩人才會正式動筆簽紙離婚。不過由於薛世恆在家地位下滑,工作上更有名無實,經濟大權仍在父親薛濟傑手中,故贍養費多少全部都要過老爺薛濟傑一關。「依家雙方律師來來回回傾緊,除咗 20萬贍養費,其實仲有其他財產上嘅要求,大致上都係鑽飾同物業。法拉同大少都想私底下傾掂,唔想最後搞到上法庭,佢哋最近都有喺電話度傾,不過仲未達成共識。」知情者說。
11年薛世恆外婆病逝,陳法拉以大少奶身份出現,有指當時她與薛大少已在美國註冊結了婚。
與法拉鬥足 5年的諸葛紫岐,甚得老爺薛濟傑歡心。近年不時伴住老爺左右,依家佗住薛家金叵羅更加得寵。
二少奶晒幸福
薛家大少奶風光不再,二少奶諸葛紫岐就母憑子貴。周三( 21日),身在溫哥華養胎的她在當地慶祝生日,仍然面尖尖,在微博晒幸福。
稱與薛生有聯絡
其實薛家對法拉都不薄,即使她與薛大少已分居,但她仍可住在薛家為她租住的何文田「半山壹號」豪宅,近日更乘坐由薛老爺登記,從未曝光的七人車出入。雖然備受婚變困擾,但法拉每次出席公司活動都強作輕鬆,笑面迎人。上周首次為《衝上雲霄 II》宣傳的她,聞薛世恆即封口,「我同薛生都有共識,毋須再講我哋私下嘅事,大家仍有聯絡。(會唔會復合?)我媽咪都冇問我呢個問題,唔答喇!」感情事唔講,但她卻透露自己離開無綫後非常搶手,「我仲係自由身,呢段自由日子好開心,手頭上有好幾個劇本,當中有英文劇本。其實都有幾間大公司搵我簽約,我依家唔係為錢,最緊要係大家夾得到,都係睇定啲先。」據知法拉因為想繼續進修,所以會香港、美國兩邊走,就算簽新公司,都要對方肯遷就。
法拉勇於面對婚變,薛大少就繼續潛水。已被削權的薛世恆在 Neway投閒置散,平日根本不用返工。本刊記者周三(21日)致電 Neway寫字樓找他,接聽電話的員工表示:「你哋唔使再打嚟搵薛生喇,佢唔會喺度,亦唔會回應。」
失魂遊街
上周六( 17日)下午 3時許,法拉獨自步出何文田寓所,踢拖行去土瓜灣。一路上見她心神恍惚,在街頭拿着手機不停玩微信,過馬路都唔睇車,認真牙煙。
之後她更企在馬頭圍道呆望近一分鐘,可能連自己都唔知想去邊。
陳法拉最近在電影《奇幻夜》中傾力演出,驚嚇效果一流。
在《衝上雲霄II》中被指欲哭無淚的法拉,雖然被網友狠批戲屎,但她解釋拍時有落淚也有哭不出來,但導演最後選擇了喊唔出的版本。
口講無憑
有指薛世恆曾口頭承諾供陳法拉到美國進修,同時會承擔其家人的生活費。但原來口講無憑,並無法律效用。據梁永鏗律師表示:「呢筆生活費係有條件交換下進行,首要係對方冇收入同埋真係讀書先得,但離婚後一般口頭承諾要有第三者在場先具法律效力。另外,離婚手續係各自聘請律師處理,贍養費係指生活費用,銀碼係由雙方協議,但絕少多於過去生活所需。至於分身家呢,就需要留意呢段婚姻有幾成熟、有冇小朋友去衡量。近年香港參考咗英國法律,接受男方加女方身家除二作計算,所以女方未必一定分到男方身家。」
矛盾的新生活
失婚法拉不時在微博吐心聲,日前她提醒自己要記住曾經讓她快樂的人,又post了與在紐約讀演藝課程的同學最後一次聚餐的照片。看得出她仍未忘情,但又想話俾全世界知她已經開始其新生活,都幾矛盾。