忽然1周 第943期

早前，有傳吳千語向林峯逼婚不成，一方面黐周柏豪一方面向男友索 8百萬買樓。事後林峯與女友齊齊發聲明，澄清逼婚傳聞及強調兩人經濟獨立。
不過，大咬吳千語換樓乃事在必行。現以 8萬月租堅尼地道豪宅的她，據知正o氹林峯，打算 9月齊齊搬入海景獨立屋同居。近幾個月來，千語與母親及經理人，四出睇過億豪宅。
據地產經紀消息，吳千語 6月尾到舂坎角海天徑睇樓時，當知道霆鋒與栢芝的舊愛巢放售，即表示相當感興趣，但後來該獨立屋突然封盤，令她買樓計劃打住。不過，千語仍向地產表示先租後買，暫時租住霆鋒隔鄰的單位，等待霆鋒獨立屋再放售，更表示 9月林峯返港，便可以落實租住。求證吳千語，身住港島區的她竟然扮懵話唔知舂坎角喺邊。

返港即癡纏
本月 10日，林峯出席完港姐活動後，即撲去中環陸羽茶室與女友嘆茶，吳千語一發現記者便立即黑面。
BB豬，我要買霆鋒間屋！（設計對白）
億 6濕濕碎！（設計對白）

與林峯拍拖以來，吳千語身價十級跳，由昔日月賺兩萬急跳至三十萬。不過，賺錢能力暴升的千語，富貴程度仍未可以令她周身名牌及月租 8萬堅尼地道豪宅。近日有指千語局林峯買 8百萬樓，但事實是千語的大咬程度遠遠拋離這個數目，皆因有地產經紀爆料，指吳千語 6月已吼中赤柱一帶的海景獨立屋。

謝霆鋒 08年以 1億買入舂坎角獨立屋，但他與張栢芝離婚後，獨立屋便一直空置，謝賢亦間中透過地產放盤。

專睇過億獨立屋

地產經紀爆料︰「 6月尾，千語同個中年女人兩個嚟睇樓，佢哋專睇赤柱一帶嘅獨立屋，間間都過億。吳千語其實鍾情舂坎角海天徑嘅三層三千多呎獨立屋，但冇乜放盤，當時只得霆鋒嗰間傾緊放，價錢億 6左右。但幫霆鋒放樓嘅四哥（謝賢）就對買家同地產好揀擇，要搵相熟地產放樓。吳千語一聽到霆鋒間屋放盤已經兩眼放光，話好想睇。但經紀聯絡四哥時佢就話唔賣住。
「不過，吳千語真係好鍾意嗰度，仲話可以先租後買。於是經紀帶佢睇霆鋒隔籬一個二千五百呎嘅租盤，月租十三萬八千。佢話 9月可以搬入去住住先，然後等四哥再放盤時睇樓，不過就要等男友 8月尾拍完劇返香港睇樓，至正式起租。佢仲即時打俾林峯問意見，之後再打電話搵男友時搵唔到，佢就喺微信度錄音，詐嬌問︰『 BB豬你係咪忙緊，做咩唔聽電話？』原來林峯叫 BB豬，真係好鬼寃氣。」
據知 7月中，四哥曾致電地產封盤，當經紀問他為何突然封盤時，四哥煩躁地爆了句︰「唉！佢哋兩個（霆鋒及栢芝）話要作為兩個仔嘅回憶喎。總之大家協議依家唔賣住，到可以賣嗰陣我至 call你啦。」

先租海天徑 21號

今年 6月底，吳千語透過地產經紀安排，睇位於霆鋒獨立屋隔籬的海天徑 19-25號 HORIZON DRIVE。該屋苑共有 8個複式單位，面積 2,500呎，月租 13萬 8，私隱度極高。

海景套房
單位共有 3房，主人套房接近五百呎，坐擁南灣無敵海景。
巨型廚房
廚房是家庭生活重心，單位廚房面積大而實用，可讓吳千語餵飽男友。
特色溫室
單位一樓有兩個大廳，兩廳中間則以一個特色溫室相隔，有充足陽光。
如廁望海
套房廁所亦望海景，可以一邊如廁一邊欣賞海景，認真寫意。

後買霆鋒屋

吳千語向地產表示可先租海天徑單位，兩年內有意再買旁邊的謝霆鋒與張栢芝結婚時曾入住的海天徑 Ocean Bay海景獨立屋。

三層獨立屋
獨立屋屬三層連一天台格局，總面積接近四千呎，每層都可飽覽海景。

實用大廳
經過私人停車場後，獨立屋的地下便是客廳和飯廳，面積達九百呎一層。
G/F

四房間隔
而獨立屋的一樓和二樓全部屬房間，其中位於二樓的主人房非常闊落。
1/F

2/F

愈住愈豪

沙角邨長大
吳千語出生沙田沙角邨，入行前一直與父母居於此，公屋租金頂多二千元。

8萬住中半山
黐了林峯後，吳千語立即由沙田進駐港島區，更一躍而上中半山，去年 9月以 8萬蚊月租堅尼地道的高雲大廈。

攞億元嚇窒峯爸

千語叫林峯落疊，但據知買過億豪宅一事一波三折，除了要等霆鋒單位復盤，更要過峯爸爸嗰關。儘管林峯近年返大陸掘金，年賺半億，要買過億豪宅綽綽有餘，但因為其財政一向由峯爸管理，所以當林峯提到要取過億巨額時，峯爸亦被嚇窒。
知情者說：「峯爸同朋友呻，個仔未試過同佢攞成億，仲同個仔講，個女仔識咗幾耐啫，仲未過門就攞咁多錢買樓。好彩阿峯都聽佢勸，租住先，買樓遲啲。」而作為磨心的林峯，雖然答應買獨立屋俾女友，但為免老父唔高興，惟有左右逢迎，對大咬 BB一直採拖字訣，建議女友先租後買。

連體調情
林峯對女友非常豪氣外，更當正她 BB般對待。今年 6月，二人被拍到於中環開餐，當時吳千語吃得太飽，林峯纏綿地摸摸女友肚仔，錫到佢燶。《蘋果日報》圖片

未過峯爸關
雖然林峯今年 5月曾帶女友飛到洛杉磯出席胞弟大學畢業禮，順道安排機會見家長。但對於林峯豪擲過億買樓俾女友一事，峯爸強烈反對。

千語回應扮懵

周二（ 20日），吳千語出席時裝活動時，本刊上前向她求證睇樓一事，雖然她口口聲聲話冇睇樓，但身住港島區的吳千語，竟然扮懵話唔知舂坎角喺邊。

記：記者　吳：吳千語

記:有地產爆你去舂坎角睇樓。
吳：舂坎角？邊度嚟?？唔知道喎（問身邊的助手）。
記：喺港島南灣嗰邊。
吳：冇睇過。
記：係咪想換樓？
吳：其實，有睇樓嘅傳聞係因為我依家住緊嗰度租約完咗，每一次租約完都要去睇樓搵地方搬。
記：即係睇過樓？
吳：純粹睇租樓盤，唔係買樓。
記：賺錢多咗，想再住好啲？
吳：其實揀緊都係細單位，冇去睇 House。
記：係咪先租後買，等樓價跌再入市？
吳：唔會，依家都係租緊屋。
記：係咪會約埋林峯去睇，等男友俾意見？
吳：……唔會啦……（一提林峯，助手立即醒目將千語拉走。）

唔認吼中霆鋒獨立屋的吳千語，漏口風話自己租約滿四圍睇樓，明明住緊堅尼地道近二千呎單位，卻向記者「謙稱」睇樓都係睇細單位，莫非大咬 BB真的認為過萬呎才叫大屋？至於身在橫店拍劇的林峯，則透過經理人回應：「私人嘢唔講。」

風騷遊街
近日林峯經常在橫店拍劇，但留在港的吳千語卻異常風騷。上月 25日，本刊拍得她即使身穿 T恤熱褲在中環「濕平」，亦因「峯嫂」之名變得有星味。

猛男陪開餐
之後吳千語相約兩名女性朋友與大班西裝男到附近的熟食市場開餐，食得好滋味。

千語 BB扮傻
周二（ 20日），吳千語出席活動，記者就睇樓一事向她求證，她卻扮懵說：「舂坎角邊度嚟?！」

避提男友
當記者向吳千語再追問關於林峯出錢買樓時，其經理人便一手拉開她。

行頭十足

1月拎 3萬 Celine
今年 1月，吳千語高調到紅館睇林峯演唱會，當時她意氣風發，手拎 Celine的 Boston Cowhide梯形手袋，定價約 2萬 7千蚊，但炒價上試 3萬。

5月攞8Hermes
林峯與吳千語 5月孖住遊米蘭，二人高調返港，歷史性拖手。外遊期間，吳千語亦??掂林峯豪送價值 8萬的 Hermès Kelly bag。 Kelly bag並非人人買得到，全靠林峯大面，吳千語唾手可得。

四哥︰賣樓你（記者）都知

就代兒子霆鋒出售舂坎角獨立屋致電四哥，他明顯漏口風，更默認栢芝阻撓才突然封盤。

記：記者　四：謝賢

記︰據聞你幫霆鋒放賣舂坎角嗰間獨立屋。
四︰係咩！你轉行做咗經紀？賣樓你都知？咁叻嘅你！
記︰朋友做地產爆料，話層樓升值賣成億六？
四︰咁你轉咗行做地產先嚟搵我啦，賺番啲佣吖嘛！你朋友做經紀叫佢嚟搵我囉，你又唔係經紀，講俾你聽有鬼用咩！
記︰但話你突然封盤，係咪栢芝反對賣樓？
（本來談賣樓勁風騷的四哥，一聽栢芝個名即時謝晒兼趕收線。）
四︰唉！（長嘆一聲），唔知呀！呢樣嘢唔好問我。（說罷即匆匆收線）

發過豬頭

除了名牌上身和愈住愈豪外，吳千語亦因男友林峯帶挈，經常獲廣告商邀請出席活動，多人搵自然身價十級跳。而林峯今年亦暫停為無綫拍劇，主力開騷及拍內地劇搵真銀。女友咁大咬，唔狂搵錢點滿足到佢！