吳卓羲重口味開題 男士們去廁所小解後會做嘅動作?(估一種食物)

忽然1周 第944期

喺無綫劇《衝上雲霄II》做鬼馬機師嘅吳卓羲,私底下都諗頭多多,媽咪姐叫佢出個 IQ題,唔使兩秒佢就出咗個有味題目。理論上男士們應該會估到,女仔就要運用想像力喇。知道答案後,大家都會心微笑!

IQ考考笑:吳卓羲重口味開題 男士們去廁所小解後會做嘅動作?(估一種食物)

關楚耀:究竟邊個出?
呢條有味 IQ題都真係幾考人,就連喜愛夜蒲嘅關楚耀都毫無頭緒:「香蕉?海參?可能係開大喎!」亂咁噏都冇用,最後要靠 tips先估中。

鄭俊弘:我真係唔知呀!
論歌藝,喺《星夢》贏到開巷嘅鄭俊弘係勁,不過 IQ就真係冇乜。佢聽完個問題冇用個腦諗,只係一味話唔知,到最後開估時話:「咁難點估呀!」唉!係你唔肯用腦啫。

鄭俊弘

張振朗:考唔到我!
呢條 IQ題唯一考佢唔到嘅就係最近喺《星夢》亮相嘅張振朗,唔使一秒佢就答到,「哈哈!呢條問題太簡單喇!又點會考到我呢!」

張振朗

張惠雅:震一震係咩呢?
「拉褲鏈囉!去完廁所之後震一震,係咪啫喱?海參?海草?」 Regen(張惠雅)呢位小妹妹果然想像力豐富,聽完問題試撞咗好多個答案,最後都係靠人通水先答得中。

張惠雅

鄭融:唔好考我 IQ!
成日發夢遊魂嘅鄭融,聽完個 IQ題??爆頭, dead air勁耐再以笑遮醜話:「我答 IQ題真係好差喎!」俾埋 tips都估唔到,嘥腦汁!

陳華鑫:我太純情囉!
去年落選港姐陳華鑫埋到曾志偉堆,有份喺《獎門人》做獎品小姐。好純情嘅佢聽完條題一頭霧水,「蛋糕?去完廁所咪拉褲鏈囉!真係唔知係咩食物喎!」記者不斷提水都估唔到,最後要開估。

陳華鑫