陳茵媺500萬代言奶粉 陳豪心情靚狂隊酒

忽然1周 第949期

上周六( 28日),陳茵媺( Amiee)終於由加拿大返港安胎,陳豪頭都唔得閒梳,清晨就去接機。見佢哋兩個全程拖實,真係 sweet到隔籬街都聞到陣甜味。所以,周日( 29日)知道 Amiee揸車出街俾人撞埋嚟,好彩醫生 check過,證實母子平安咋。

不過,最緊張梗係就嚟做老竇嘅陳豪,佢啱啱拍完晒新劇《點對點》,準備全面停工陪 Amiee安胎,起碼唔使大肚婆再揸車先啦!但收到風, Amiee今次返香港,除咗安胎待產,其實都傾緊幾個嬰兒產品廣告。據知兩大奶粉商荷蘭美素佳兒同美國惠氏Illuma都斟佢做靚媽代言人,個價仲搶高到成 500萬!而且唔包未出世嘅陳小B。咁好價錢,加上陳太一向鬼妹仔性格,覺得佗 B都可以做嘢,所以好大機會接,只係揀緊品牌。


街市慶功
煞科宴喺北角渣華道街市熟食檔舉行,陳豪同大家一齊起哄賀導演求婚成功!


隊啤面紅紅
揸住杯啤酒嘅陳豪,飲到面紅紅,「好多開心事,自己結婚又生小朋友,依家到導演結婚。」

見到導演求婚,陳豪好似自己結婚一樣咁高興,伸長手用電話喪影相,好鬼 cute!

陳豪同《點對點》台前幕後慶祝煞科,邵音音話陳豪好尊敬前輩,仲話想佢生個仔,傳宗接代!

導演黃浩然喺煞科宴上,突然跪地向女友求婚,同陳豪一樣咁浪漫喎。

Woo,陳豪終於等到老婆仔返嚟,仲要咁吸金,當然笑到合唔埋口啦。早幾日,喺北角街市熟食檔見到佢,同成班工作人員慶功, high隊啤,又狂影相,龍友上身。啱嘅,陳茵媺不經不覺有咗 5個月,陳小B好快出嚟同大家 say hi,呢位廿四孝老公兼老竇係時候練定攝影技術,同老婆仔女影沙龍咯!


日夜趕戲嘅陳豪,上周六( 9月 28日)清晨 5點幾,眼紅紅咁去機場接老婆陳茵媺機。兩公婆俾半百傳媒包圍,十指緊扣, nice爆任影。

Amiee撞車後,多數留喺陳豪精心布置嘅比華利山別墅愛巢養胎,出入就由老公做司機。

陳豪喺機場見到細路女,都忍唔住望多幾眼,恨 B恨到出晒面。唔使心急!就到你喇。
陳豪有「筍盤」之稱,就算婚後都一樣有好多女埋身!但放心,呢位 Deep V女係 TVB姐仔張雪芹,呢日佢哋喺天后拍緊《點對點》啫。
依然多女
陳豪有「筍盤」之稱,就算婚後都一樣有好多女埋身!但放心,呢位 Deep V女係 TVB姐仔張雪芹,呢日佢哋喺天后拍緊《點對點》啫。

42歲嘅陳豪,有咩未見過吖!就算俾大班囡囡包圍,依然處變不驚。一停機就狂 send message,或者打俾老婆報到兼傾偈, good呀。

你睇又俾女圍喇!不過係劇組工作人員啫。大家對陳豪真係特別細心,褸都會幫佢除埋,「筍盤」果然係「筍盤」!