秘密返無綫拍劇 變臉劉愷威身價暴漲20倍

忽然1周 第949期

在無綫撈極唔起的劉愷威, 05年意興闌珊離開娘家北上掘人仔,最後竟然殺出財路,成為國內當紮小生。
人紅有樣睇,近年忽然變雙眼皮間尺鼻的劉愷威,樣貌幾乎倒模林峯加黃曉明,即使屢受質疑是後天加工,但仍無損星途。日前,記者發現劉愷威以第一男主角身份秘密返娘家拍新劇《風雲天地》(又名《縱橫天地》),除了有星級待遇,據知其每集酬勞,更由十年前不足一萬,升至廿萬。
今次吐氣揚眉返娘家,劉愷威意氣風發說:「以前點同依家比,今次返嚟想睇樓,兼過吓劇癮!」今年初晉身福布斯中國名人榜第 49位的他,果然有強國人氣焰。

秘密返無綫拍劇 變臉劉愷威身價暴漲 20倍
老友敍舊
劉愷威返無綫開工,拍住《真情》年代老友黃德斌,及早年在大陸拍劇認識的蕭正楠,三人還到無綫餐廳敍舊。對於劉身價暴升,黃德斌大讚對方:「能夠有今日成就,好戥佢開心,覺得佢成熟咗好多。」

月中便 39歲的劉愷威,曾經在無綫撈足十年,從未坐正「男一」。 05年的起心肝返國內捱騾仔,竟然成為搶手貨,更贏得美人歸。三年前他和國內花旦楊冪公開戀情後,人氣有增無減。保守估計,二人單以今年計,合共賺近 8千萬人仔。去年二人豪擲三千萬,購入半山梅道蔚皇居一個千三呎單位,為結婚作好準備。

揀愷威棄馬明

秘密返無綫拍劇 變臉劉愷威身價暴漲 20倍
返無綫拍新劇後,劉愷威與劇中女主角汪明荃、趙雅芝有多場對手戲,難怪他自言「以前點同依家比」。

人紅自然大把工作送上門,據知近日劉愷威拍攝由無綫有份投資、王晶監製和導演的豪門恩怨新劇《風雲天地》。過往在無綫拍劇,一直做配角甚至戥腳的他,如今挾着國內一線小生之名,新劇中躍升為第一男主角,近日他便從北京來港為新劇埋尾。
據知,《風》劇對劉愷威的待遇跟足內地劇組,除每日僅開工 8個鐘外,酬勞亦以人仔計。據知情人士透露:「最初晶哥在馬明同愷威之間二揀一,不過套劇係大陸製作公司同無綫合拍,遲啲會喺國內多個省市播,晶哥最後拍板搵愷威,即價錢貴好多,不過考慮到愷威喺大陸嘅知名度,晶哥話貴啲都抵喎!」

享特級待遇

上周一(上月 23日),本刊發現劉愷威在 TVB電視城拍廠景。未埋位前,他與同劇的黃德斌及蕭正楠先到 canteen吃下午茶後才正式開工。其間每隔半小時,劉愷威便會出廠抽煙「叉電」,煙癮甚大。直至晚上十時半,開工八小時的他準時收工,比其他由朝踩到半夜的演員,可謂舒服得多。記者更發現,當晚他如上賓般,有劇組安排七人車接送返回半山豪宅,該七人車更特別預早駛至廠門外等候劉上車。據知全 TVB暫時只得徐子珊有此待遇。

秘密返無綫拍劇 變臉劉愷威身價暴漲 20倍
廠外恭候
劉愷威返港拍一個月外景,劇組都安排七人車接送他回半山蔚皇居豪宅。當晚劉收工後,七人車直接停泊在錄影廠門外恭候他。
秘密返無綫拍劇 變臉劉愷威身價暴漲 20倍
返半山豪宅
秘密返無綫拍劇 變臉劉愷威身價暴漲 20倍
煙癮甚大的劉愷威,拍劇期間頻頻出廠煲煙,小心身體呀!

劉:睇定樓結婚

事業暢順,與女友楊冪拍拖兩年多的劉愷威,原來早已籌備出年與楊冪拉埋天窗。劉身邊人透露:「愷威雖然冇女友搵咁多,但佢好識買磚頭投資,除咗喺香港買樓,舊年楊冪生日,佢仲使咗過千萬,喺海南島買咗間別墅俾女友。其實愷威今次返港,打算睇吓啲獨立屋,買完樓就會着手搞結婚。」

日前,記者向劉愷威求證買獨立屋準備結婚一事,他笑笑口說:「有睇緊,一路有留意。(買嚟結婚用?)哈哈,隨緣啦,阿爸(劉丹)都有催。所以今次返嚟要睇定樓先!」對感情事侃侃而談的他,對於自己身價今非昔比,坦言:「唉!以前點同依家比。(今次係咪跟大陸價有 20萬人仔一集?)……我只可以講,係跟番大陸劇嘅合約去傾。其實除咗價錢滿意,最開心係可以見番啲老友同可以返嚟過吓劇癮。」真係恨死好多 TVB啲小生呀。

秘密返無綫拍劇 變臉劉愷威身價暴漲 20倍
昔日扁鼻
初入行的劉愷威,眉粗、鼻扁面圓及單眼皮。
秘密返無綫拍劇 變臉劉愷威身價暴漲 20倍
今日高鼻
自 10年開始,劉愷威雙眼皮分明,豬膽鼻變間尺鼻,輪廓比前細緻,自信返晒嚟。
秘密返無綫拍劇 變臉劉愷威身價暴漲 20倍
高調恩愛
劉愷威和楊冪公開戀情後不時肉麻晒恩愛,上月 13日楊冪生日,她與男友即肉緊咀嘴再放上微博。早前兩人拍拖返港度假,也日日行孖咇(右圖)。
秘密返無綫拍劇 變臉劉愷威身價暴漲 20倍

吸金情侶

劉愷威和楊冪貴為國內一線小生花旦,二人今年未計商場騷和拍國內廣告,純以拍劇和拍電影計,已吸金接近八千萬人民幣,難怪二人今年能夠雙雙打入福布斯中國名人榜 50名以內。