11月美國做人工受孕 朱茵懷第2胎兩個月

去年11月,黃貫中(Paul)發表「殺父論」震撼全城,事隔兩個月,他和太太朱茵仍然潛水,沒有公開解畫。

49歲黃貫中,近年情緒大起大落,但他坦言每當看見歲半女兒黃鶯,暴躁情緒便會自動降火。為了令阿Paul甩掉火爆性格,忽然1周收到消息,42歲朱茵甘冒高齡產子風險,11月到美國接受人工受孕,現已成功懷第二胎兩個月。

再次迎接新生命,阿Paul近日心情明顯大靚。上周二平安夜,他和老婆一家人到又一村會所慶祝時,不單全程護實大肚老婆;對着記者時,更罕有笑晒任影。至於朱茵,亦在周二大除夕當日下午,到九龍城買定初生B的「和尚袍」,為迎接新生命做足準備。

忽然1周 第962期:11月美國做人工受孕 朱茵懷第2胎兩個月

早前黃貫中在微博到發表一篇文章,內容講及Paul爸對Paul媽的惡行,還有Paul爸出手打朱茵,阿Paul當時說:「若你想再打我老母,我老婆,我怕自己會變自己的殺父仇人!」

阿Paul發表這一篇文章的時候,在美國做事,朱茵都有一齊去,但一向朱茵都好少會同Paul一齊出trip,今次特別一齊去,原來另有目的。阿Paul友人透露:「阿Paul嗰次去洛杉磯,除咗去結他廠買嘢兼同嗰邊啲band友夾band之外,其實最重要係陪老婆做人工受孕。阿茵要留喺嗰邊幾個禮拜,做完成個療程先返得香港。阿Paul本身個人心急又躁底,可能用咗幾廿萬又唔知得唔得,聽佢講又同老竇嘈咗幾句,於是挖番以前啲嘢嚟講,所以先窯『殺父論』上微博。當時阿茵都阻唔到佢。」

到12月,朱茵的月事仍未來,阿Paul就同她去中環的生殖科聖手的診所檢查,証實人工受孕成功,朱茵懷有第二胎。阿Paul朋友說:「阿Paul今次比上次仲緊張,對住阿茵寸步不離。就算之前接落內地登台嘅騷,都推得就推。」

大除夕當日下午,朱茵同兩個朋友去九龍城看童裝。當日氣溫回升,但朱茵都還穿着大褸,身型就點腫脹,當日他們主力看黃色同粉藍色的BB衫。照顏色來看,好有機會如阿Paul所願陀馬仔。朱茵買完BB衫,就去了又一村食飯,當記者上前恭喜,她心情靚靚回應:「哈哈,唔好問我啦,我唔會答你哋問題o架!」但上車前都有同記者講句:「新年快樂!」