IQ考考笑

（提示：可以唱出嚟嘅音樂題）

平時古靈精怪，諗頭多多嘅 Eason，呢期一於俾佢發揮所長，自度一條 IQ題出嚟考考大家。不過 Eason呢條一百萬問題真係考起大家，無論後生輩嘅龍小菌、老一輩嘅家燕姐，抑或轉數快嘅森美，統統俾佢考起。 Eason唱歌有幾叻唔使媽咪姐講，估唔到諗 IQ題，佢都有一手喎！

森美： Eason諗就出事啦！

以為口才有番咁上下嘅森美會好快估到，點知學佢話齋，今次跌到一地眼鏡碎。「如果唔係音樂題，就係瀑布啦；如果係歷史題，就係呂布啦；如果係地理題就應該係哥倫布啦！」講完之後，森美扯白旗宣布投降：「唉！俾佢考起喎！今次要跌眼鏡啦！」

薛家燕：係咪人名嚟？

其實 Eason呢條題好啱家燕姐答，因為媽咪姐唔止一次聽過家燕姐唱，可惜家燕姐諗得太正路。唔肯放棄嘅佢，諗咗足足超過五分鐘，又打眼色問身邊人攞貼士，結果都係飲恨估唔到：「可以唱出嚟？哥倫布？好難喎！」

龍小菌：可唔可以答「瀑布」？

Eason呢條只有自己識答嘅問題，一樣考起中文 Miss龍小菌。自封 IQ零蛋博士嘅佢話：「枱布？唔得，枱布剪得爛喎；瀑布，唉吔，我估咗乜嘢答案。死啦， Eason救命呀，好難呀！」

陳明恩： Rainbow咪剪唔爛囉！

鬼妹陳明恩一知要考 IQ題，原本好雀躍，點知聽到條題後??晒頭。「咩叫煎（剪）唔爛？」記者花咗一輪唇舌先講得佢明。「咁 rainbow咪剪唔爛囉！」鬼妹答案其實幾有創意，弊在答案唔關音樂題事呢！

Eason開估： Ja Jumbo(布)