李心潔心太軟 放生豪賭爛滾老公彭順

「鬼后」李心潔導演老公彭順,日前被斷正與 26歲o靚模李悅彤 Liddy又攬又啜肆無忌憚。據悉,彭順與 Liddy已暗撻大半年,早於今年 1月尾,記者拍得彭順偕 Liddy到銅鑼灣買眼鏡,其間二人不時情深對望,情到濃時女方更逗男方的下巴。

向來爛滾兼豪賭的彭順,原來有鋪專溝細廿年嫩模癮。 07年與當時只有 18歲的邦民女 Kama斷正上酒店房,及後又先後力追 JM文詠珊及「動漫 Maggie」李曼筠,而每次「穿煲」,他都自動向老婆投案。彭順今鋪斷到正一正,周一( 26日)他極速飛返大馬箍煲,但據知李心潔今次終心死,更兩度發了「離婚」短訊給對方。不過死剩把口的彭順,幾日後成功o氹番老婆。周三( 28日)黃昏二人聯名發聲明,婚姻似有轉機。偷食男遇正執迷女,彭順又成功過關。

忽然1周 第983期:微博發聲明 李心潔心太軟 放生豪賭爛滾老公
公然挑逗
Liddy在眼鏡舖多次採取主動,旁若無人挑逗彭順的下巴,o氹得男方極冧。

「他一直包容我,令我明白愛一個人很簡單,就是希望對方快樂。」李心潔多年來一直視彭順如「偶像」般愛慕。難怪彭順多次偷食,李心潔事後都選擇原諒。周三傍晚( 28日),李心潔和彭順在微博發聯名聲明,李心潔在言語間,似因為愛再次心軟原諒偷食老公,令全城嘩然。


箍煲有望
偷食事件曝光兩日後,周三( 28日)黃昏,李心潔與彭順聯名發聲明,指會共同面對過去、未來,快樂和痛苦,再三偷食的彭順看來又一次箍煲成功。

心潔潛水
老公偷食後,李心潔曾若無其實,面露微笑上載跑步相到微博,似乎已露出玄機。

銅鑼灣逗下巴

屋企有一個愛自己的女人,可惜彭順多年來從冇珍惜過。上周五( 23日)彭順被斷正與o靚模李悅彤 Liddy在圓方商場旁若無人攬啜。
據知,二人其實已行埋大半年有多,而且感情穩定,並非玩玩吓咁簡單。早於今年 1月 27日,記者便拍得 Liddy陪彭順到銅鑼灣買眼鏡,起初二人都顯得避忌,在店內隔開一張櫈坐,更不時頭擰擰看看有冇熟人,但很快二人就「忍唔住」愈坐愈埋。
其間,彭順每試一副眼鏡,都問 Liddy意見,更不時扮鬼臉冧對方,逗得今年 26歲的 Liddy陰陰嘴笑。之後二人又情深對望十幾秒,情到濃時 Liddy更逗彭順下巴,親密關係不言而諭。


偷食斷正
周一( 26日),彭順被拍得斷正與 Liddy公然在圓方商場又攬又啜,當老婆死嘅!

西環私竇
據知租住大坑的彭順,另外在西營盤高逸華軒設立 studio,有時用作他帶女伴幽會的鐵竇。

彭順和 Liddy離開時刻意保持距離,以免被途人發現。

升呢公屋妹

今年 26歲的 Liddy,生於湖南,隨家人來港後定居青衣邨公屋。 09年入行簽約 Az Pro.Ententanment拍節目《耳分高下》擔任 SING之天使「檸檬」一角,同年拍青春劇《南華夢飛翔》撻着羅鈞滿。 Liddy其後轉戰樂壇,但演藝事業依然毫無起色。暫時最「輝煌」成就,便是做小三撻着人夫彭順。

微博挑機

Liddy做小三不久,即在微博放上合照,擺明挑「正印」機。去年 11月, Liddy在泰國拍戲,彭順以「男主人」身份肆無忌憚飛去同女友慶生,冧女冧出面。

介紹女友拍戲


彭順雖然冇良心,但李心潔依然選擇做 100分後母,在大馬照顧老公與前妻所生今年 15歲的女兒欣欣。

據知彭順與 Liddy於去年 9月在友人飯局中認識,兩人很快便打得火熱。一直等上位的的 Liddy更有意無意向彭順透露「想試吓拍鬼片」。為免「上身」,彭順只介紹給徒弟導演黃柏基,擔正做驕陽電影《四非》女角,夥拍周柏豪。電影於去年 11月於泰國開拍,據知彭順更多次飛泰國探班,並以「男主角」身份陪 Liddy出席劇組聚會,更主動為女方慶祝生日。 Liddy更悄悄把相 post上微博,向男友「正印」挑機。

彭順原本和李心潔租住大坑一愛巢,但近年彭順獨自搬到西營盤的高逸華軒,方便他和小三 Liddy幽會。知情人透露:「 Liddy出名主動,好識電人,佢之前同羅鈞滿拍過一陣散拖。不過嫌對方幫唔到佢,之後佢開始黐埋導演堆玩。佢同彭導幾乎一撻就着,彭導以往玩得小心,但對住 Liddy就冇晒符,俾條女上晒身都制。佢哋依家都發展到半同居階段,就知呢個女仔唔簡單啦!」

過大海豪賭


衰豪賭
不時唔黐家的彭順,溝女以外最愛賭錢, 10年被拍得在澳門豪賭玩百家樂,每次落注萬萬聲。

火麒麟周身癮的彭順,除了「偷食」唔抹嘴,還有鋪過大海豪賭癮。早前記者便影到他孖住細佬彭發,到澳門賭廳玩百家樂。知情人透露:「唔止百家樂,佢幾乎逢賭都啱。呢期佢就鍾意玩 Poker(德州撲克),每鋪過萬蚊,一晚上落十幾萬,如果輸得好甘,佢就鍾意磨爛蓆唔願走。」

結婚四年,李心潔與彭順對外經常晒甜蜜幸福。但本刊收到消息,李、彭夫妻關係近一年已由濃轉淡。經常留在大馬老家照顧繼女的李心潔,只會出席廣告活動才會現身香港。但留港期間,卻選擇上好姊妹梁詠琪的半山寓所借宿一宵,而非到大坑老公的寓所。

偷食男脫罪

今次彭順偷食東窗事發後,身在大馬湊女的李心潔隨即離開老家玩失蹤,更在周日( 25日)缺席當地一個佛學講座避見任何人。因此周一( 26日)彭順飛大馬箍煲曾試過摸門釘。但口才了得的彭順,最終??掂老婆出聯名聲明。李心潔執迷不悟,偷食男又再一次脫罪,唉……!


為老公造勢
今年 3月彭順在港舉行玩具展,李心潔專程飛來港,為老公的展覽造勢。

據知近月彭順與李心潔感情轉淡,女方每次來港都在好姊妹梁詠琪屋企宿一宵。

08年倪震與張茆夜場激吻,之後他引咎分手,但幾日後,又與周慧敏共同發聲明宣布結婚,十分戲劇性。與今次心潔原諒彭順如出一轍。

彭順齋噏宣言

四年前,彭順拖着李心潔步入教堂,許下婚姻承諾。可惜一直搣唔甩爛滾本色,一次又一次令身邊人受傷害。愛的宣言頓變愛的笑話。

‘心潔為咗幫我湊女,留港三年,當時佢事業衝刺期,加上我又去咗美國拍戲,佢為我犧牲可想而知,所以我絕對唔會辜負佢,會愛錫佢。’

‘人間有愛,只要有愛就乜都唔使驚,我會以雙倍嘅愛回報番佢。’

‘我鍾意心潔,當然想佢開心,我哋試過分開五日,之後發現唔可以冇咗大家,所以決定喺番埋一齊,當時我同心潔講:『呢五日換回我哋嚟緊嘅五十年』。’

專嗒嫩模

幾多歲嘅男人都鍾情嫩口女仔, 48歲彭順當然唔例外。據知他對年輕廿載嘅嫩口??模特別有興趣,導演果然識食。

拖 Kama上房
07年彭順被傳媒拍到和邦民女 Kama上房,幸得當時仍未結婚的李心潔力撐:「我相信佢!」斷到正一正,李心潔依然當冇事發生。自此,彭順溝女更加肆無忌憚。


JM派檸檬 Maggie嫌老
拍開鬼片的彭順, 08年忽然開套青春片《愛鬥大》,搵江若琳、 Janice Man和動漫 Maggie李曼筠孭飛,有指彭順忽然改戲路,是以拍戲為名溝女為實。一劇組人透露:「彭導有份搵呢套戲嘅女角,我哋都傳得好行,話佢開套咁嘅戲,全部用晒新女,都唔係志在票房啦。佢喺片場成日捉住 Janice Man隻手話教做戲,我哋知佢私下約過 JM單獨出去,但人哋冇睬佢囉!據聞之後佢就轉約 Maggie,但都食檸檬, Maggie私下同工作人員講,話嫌導演老!」

票房慘淡

彭氏兄弟於 99年首執導泰國電影《無聲殺手》入行, 06年電影重拍他找來荷里活巨星尼古拉斯基治及楊采妮主演,票房勁收約 4千萬。 02年他的《見鬼》在港票房也逾千萬,全球總票房更逾億,可謂一鳴驚人。但近年,兩兄弟所拍電影,無論量和票房都下降,票房都不足千萬。