女歌手可嵐最近自爆被打四年，但原來家暴只是揭幕戰，日前可嵐再指老公尤子威今年 4月迫她墮胎及多年來在深圳搞婚外情，家事愈揭愈臭。
記者獲得深圳二奶小玲發給尤子威的多個曖昧短訊。可嵐直認早知二奶的存在，她說：「我大肚佢已經有女人，生完個仔佢仲成日去深圳。」
被指扼殺了一條無辜小生命的尤子威，周三（ 16日）主動聯絡記者指被屈：「我哋（與可嵐）有商量過，呢啲嘢（落仔）係冇得迫！」記者更獲得多段可嵐跟丈夫爭執的錄音對話，躁底老公不斷以粗口辱罵可嵐，足以證明尤子威拒絕再照顧兩母子，相當無情。

手持有力證據
自上周可嵐自爆遭家暴要離婚後，她與老公尤子威即成追訪對象。手持老公躁證的可嵐再爆大鑊，指尤子威大陸有小三外，今年 4月更迫她墮胎。

可嵐（ Colleen）上周含淚撕破一家三口的幸福面具，向記者承認被打多年，日前再提供一段與丈夫在家爭執的短片，以及多段被對方粗口問候的電話錄音，可見她與尤子威的婚姻生活早已危危乎。

街頭流淚
周一（ 14日），尤子威在元朗街頭接受訪問，說到兒子時，他即時流下男兒淚，話好唔捨得個仔。

11年離家出走
2011年 3月可嵐腹大便便入養和生仔，但原來入院前她與老公吵大鑊。尤子威反對她在養和生，口角後可嵐嬲到離家出走。

小三死纏唔放

身心受傷的可嵐，一直知道丈夫在深圳收埋二奶。據知情者透露：「嗰個女人叫小玲 Seline，結婚前 Tommy（尤子威）已經成日上深圳搵佢，有時仲過夜。後來 Colleen有咗迫住結婚，初時我哋以為 Tommy已經甩咗個女人，點知仔都生埋， Tommy上深圳仲密過以前，個女人仲大膽到試過落嚟香港，去到元朗搵佢。 Colleen一早發覺老公有唔妥，每次睇到嗰啲肉麻短訊都好傷心，不過為咗個仔佢都啞忍。」

呻冇得見男友
居於深圳的二奶小玲，與可嵐一樣是 28歲。

小玲愛打扮，在微博經常上載化濃妝的照片。說話時嗲聲嗲氣，難怪連粗獷的尤子威都被她迷倒。

活躍於微博的小玲，不時呻與男友分隔兩地，不能經常見面。

記者就曖昧短訊上顯示的電話號碼，周二（ 15日）致電居於深圳的小玲，對方以流利的廣東話接聽。

記：你係咪認識 Tommy？
玲：我哋識咗好多年。
記：有指你係介入佢同可嵐婚姻嘅小三？
玲：吓……好似唔關我事，我哋已經冇聯絡。
記：你哋有冇拍過拖？
玲：（沒有否認）呢啲嘢你問番佢（ Tommy）啦！
記：你有冇發過曖昧短訊俾 Tommy？
玲：好耐好耐之前嘅事喇！
記：係咪 2011年發生？當時可嵐生完仔喎！
玲：我依家過緊新生活，唔關我事。

這 4年間，小玲還不時在微博抒發掛念男友之情，可見她的確曾周旋於可嵐夫婦之間。

連日來可嵐對外力數老公的惡行，句句到肉，可見她對這段婚姻已經不留情面。

尤子威周一（ 14日）為家暴事件自辯時都振振有詞，但記者問到有沒有實質證據時，他說：「冇！我冇佢（可嵐）咁有預謀！」對於可嵐的指摘，他說：「佢精神有問題。」

尤子威指可嵐是練武之人、好大隻；而可嵐又話老公曾當兵又識泰拳。其實兩人不時孖住去睇拳賽，夫婦二人都食過夜粥囉！

表面上對兒子不錯的尤子威，日前竟被爆想送兒子入兒童院。

產後被迫行房

可嵐更手持與老公尤子威多次爭執的錄音對話，躁底老公不斷以粗言穢語辱罵她。本刊記者聯絡現時身在內地工作的可嵐，她說：「個女人喺結婚前已經出現，佢（ Tommy）話同佢斷咗纜，但婚後一直有來往。到生完個仔就更加離譜，我聽到佢哋傾電話。佢（ Tommy）仲同我講好鍾意個女仔，每次嘈交，佢就借啲意上深圳搵個女人。我日頭要湊仔，夜晚要落舖幫手，有次真係好攰，拒絕咗佢嘅性要求，佢竟然話『你唔俾我搞，咁我去叫雞囉！』」
可嵐更驚爆早前被迫墮胎，「佢班朋友好多都有兩個細路，係佢話想要，所以我哋一路都冇避孕。到今年 4月有咗，佢就好決絕咁話要落咗佢。」可嵐稱在診所完成墮胎手術後，老公尤子威付錢後即離去，忍心她獨自歸家。

堅稱冇第三者

離港搵銀
可嵐在家暴事件後，除為回應傳媒疲於奔命外，更頻頻離港到內地及澳門等地工作搵錢。日前被影到她在港澳碼頭買咖啡後過大海做騷。

被千夫所指的尤子威，周一（ 14日）於元朗街頭接受記者訪問。他多次強調從沒出手打老婆，談及囝囝由誰照顧時，他更忽然在街頭流淚。其後記者問及是否曾有第三者出現，尤子威即時無語及多次擰頭，最後才細細聲答：「冇。」
至周三（ 16日）可嵐再公開被迫墮胎及老公有小三的證據。尤子威即主動聯絡記者，改口風表示小玲是其前女友。對於迫老婆落仔一事，他辯稱「我哋有商量過，我冇迫佢（可嵐），呢啲嘢（落仔）係冇得迫！個胎喺佢個肚度，我哋有冷靜傾過。其實搞咁多事出嚟咪又係為錢。我梗係俾人屈啦！佢一路都話有避孕，如果冇咪出句聲，我用安全套囉！佢錄我音一定係早有部署，係陰濕。（可嵐口中嘅小玲，你認識嗎？）……小玲……係我以前女朋友嚟！（咁你有冇講過話唔俾你搞就叫雞？）冇！」
尤子威聲稱墮胎是經二人商量後才決定，但在 WhatsApp中顯示，他在得知可嵐懷孕後兩小時便叫她搵醫生把孩子打掉。一段破碎婚姻，再加家暴，沒有一個贏家，最受傷害是無辜的兒童。

小三微博示威

這 4年來小玲不時在微博發放來港的照片，以及向男友講出感性的心底話。

元朗嘆魚生食涼粉

尤子威是元朗的壽司店老闆，咁啱小玲又曾經去元朗食魚生及 B仔涼粉，好明顯來港見情郎。

姣 Send短訊

尤子威的手機，不時收到小玲所發出的短訊，全部內容都係話好掛住他，唔會放棄呢段婚外情。可嵐發現老公不時把這電話號碼的聯絡人轉名，以為可以瞞天過海。

爭執聲帶　自爆欠債 300萬

可嵐提供的 3段錄音聲帶，都是與老公尤子威在家發生爭執時的錄音，尤更自爆欠債 300萬。（想聽錄音足本請睇片）

5月 30日　唔要個仔
在這段錄音聲帶中，可嵐問尤子威為何要鬧兒子，對方即以大量粗口回應：「我冇話要，你咁叻你自己照顧佢囉！點解要我養。 X家鏟，生來做乜？」兩人互相對罵後，可嵐問尤子威：「你打我又好威咩？」尤繼續鬧：「走囉！ X家鏟、 X街、死乞兒……」

6月 2日　拒絕照顧兩母子
二人最初冷靜地商談分開的安排，可嵐問尤子威是否想搬走及離婚，尤直認：「我唔想同你一齊！（咁交俾家事法庭處理！）唔使判！我唔會要（仔）啦！你想要錢咪告囉！我仲爭三百幾萬，不如分一半債俾你，銀行卡數七萬幾，分三萬俾你！你乞 X人憎、我唔 X理，我搬 X走咗你食屎啦！業主問你拎租，睇你點 X樣安排，我冇 X錢俾；電費我冇 X錢俾，你咪睇吓中電點 X樣安排囉！」另一錄音是二人同日在家猛烈爭執，清楚聽到可嵐不停尖叫狂呼。尤子威就承認正在屋內狂擲東西及踢爛物件。

二奶寸爆可嵐自編自演宮心計

今日凌晨時份深圳二奶小玲發功。在微博隔空呼應尤子威，夾擊可嵐，佢話：「這個世界有時就是這麼醜陋，有些人總能一次又一次，自編自演宮心計現代版。現在無助的啞忍只是不想給人利用 永無休止的炒作出位。不值得……」

到今日中午近二時左右，小玲再次更新微博，斬釘截鐵否認同尤子威仍有來往，更表明同對方已成過去式，並再次明寸放料嘅可嵐：「可能我真是太以為清者能自清了，沒及時關掉微博，讓那有預謀的人又有機會偷我的相做文章，還說到我人生好像只有一位過去式，真是當後來的現任是死的嗎？好吧，雖然知道真相的人始終有限，但就算沉默啞忍別人暫時的誤會，我也不想助長這些惡行。其實到最後想從中獲得些什麼？或者，又是一個錢字。」