女兒樣貌掀網上罵戰 湯盈盈氣哭 錢嘉樂:下個一定是兒子

去年 3月錢嘉樂與湯盈盈的寶貝女 Alyssa錢凱晴出世,一雙小眼睛與圓圓的面極像爸爸,一個小鷹鼻就像媽媽。現時一歲五個月大的 Alyssa,雖說不上是小美女,但肥肥白白,卻十分可愛。
錢嘉樂與湯盈盈從不介意女兒曝光,不時帶住小可愛 Alyssa在身邊,甚至做訪問。日前錢家三口的生活照刊登在一個網站內,事後 Alyssa竟然被網民揶揄醜樣、女生男相。據知盈盈睇完嬲到喊,而錢嘉樂則苦笑回應:「唔緊要啦!啲人話下個一定係仔。」為了湊成「好」字,盈盈最近頻頻去睇中醫,如果一擊中成功追仔,似樂樂都冇問題啦!

囡囡樣掀網上罵戰 盈盈嬲到喊 錢嘉樂:下個一定係仔

在父母心中,子女永遠都是最漂亮的。盈盈樂樂的掌上明珠 Alyssa最近在 BB網站內被嘲女生男相,掀起一場網上罵戰。有少數網民毫不留情地嘲笑 Alyssa醜樣似男仔,引來大批網民反擊,大鬧留言者連小朋友都唔放過,亦有指女大會十八變。
網民的一番惡評,身為母親的湯盈盈句句入心。據知盈盈知道 Alyssa被嘲後,傷心得攬女大哭一場,要老公錢嘉樂安慰一番,心情才能平復。「 Alyssa一出世就俾人話似足錢生,盈盈本來覺得冇問題,呢個女好乖好少扭計,成日做埋啲得意樣,全家人都錫到佢燶。但最近成日都聽到有人話 Alyssa唔靚唔似媽咪,甚至喺網上話佢醜怪,做媽咪嘅又點會開心,盈盈仲嬲到喊?!錢生同佢講唔使理外人點睇,最緊要囡囡健健康康。」知情者說。

女兒樣貌掀網上罵戰 湯盈盈氣哭 錢嘉樂:下個一定是兒子

口臭志偉:個女似爸爸係悲劇!(真實對白)

自嘲囡囡似元彪

其實唔止網民,就連獎門人曾志偉早前亦曾公開笑 Alyssa,指她長得太似錢嘉樂,就算他日離家出走也會很安全,因為沒人要。錢嘉樂當時亦笑住答:「獎門人話個女似爸爸係悲劇,但在我嚟講佢( Alyssa)就好靚,似邊個都冇所謂,喺我心目中係喜劇。佢依家係似元彪同孟海,不過大大吓會變靚女。」還自爆囡囡第一次着三點式,自己都忍不住問:「錢嘉樂扮女人?」
其實 Alyssa唔止遺傳了爸爸的樣子,就連性格都是樂天派,女兒甚少哭鬧又易湊,難怪盈盈經常帶住 Alyssa周圍去。最近盈盈不用拍劇,亦少接其他 job,原來是為迎接第二胎做好準備。「 Alyssa差唔多歲半喇,盈盈同錢生有共識再追多個。呢排佢成日同周家蔚、文頌嫻研究生仔同生女嘅秘訣,話用咩排卵方程式,同埋跟清宮圖造人。盈盈仲頻頻幫襯一個出名生仔嘅女中醫,雖然唔係包生仔,但盈盈都快 40歲,唔係話有就有,想生都要調理好身體,佗都佗得易啲。」知情者說。
7月 7日下午 3時許,湯盈盈帶住囡囡及外傭入迪士尼樂園玩,原來洪天明一家三口與文頌嫻早已在內等她。當日 Alyssa穿上一條黃色連身短裙,頭上夾了一個黃色小夾,明顯是由媽媽盈盈操刀,使男仔頭的她看上去有女仔樣。雖然有外傭同行,但盈盈全程抱實女兒,或放於腰墊上。肥嘟嘟 Alyssa應該都有 30磅重,抱足四個鐘都幾吃力。


一個墟
湯盈盈、周家蔚同文頌嫻三姊妹一見面即雞啄唔斷,又要湊 B又要交流生仔心得,話題當然傾唔完。

迪士尼 gathering
7月 7日下午三時許,雖然呢日落雨粉,但湯盈盈都帶囡囡 Alyssa去迪士尼玩。着黃色短裙嘅 Alyssa係可愛,但俾媽咪個 minnie頭飾搶晒鏡囉!

湊仔公
呢日得洪天明一個爸爸現身,班女人 gathering,佢拖住囝囝 TJ周圍行。

買公主波波由天光玩到天黑, Alyssa都好乖冇扭計,離開前盈盈買咗個公主氣球俾囡囡。

「仔女都係自己嘅」

對於女兒被指女生男相,錢嘉樂周二( 22日)出發去澳門為電影睇景前苦笑回應:「冇所謂啦!啲人話阿女似仔,下一個一定係仔!(係咪想追多個仔?)我哋係有計劃嘅,就算唔係仔都一樣開心,兩個女我都 ok,女我都錫,仔女都係自己嘅!有小朋友係開心嘢,凱晴快歲半喇!呢段時間我真係好開心,亦希望佢有個伴一齊長大。(盈盈最近有睇中醫調理?)佢有做運動,女人補吓都需要嘅!」
自從錢凱晴出生後,錢嘉樂修心養性,除了努力搵錢養女外,有時間亦留家湊女。無論女兒似邊個,都是父母的心頭肉,希望盈盈亦可以釋懷唔好動氣,下胎生個男版盈盈,唔好俾錢生嘅基因贏晒!


腰圓凸肚 隨時有孕
湯盈盈生完個女即成為纖體代言人勁減 30磅,但近月翻脹不少,相信為了生第二胎已放棄減肥。這日她與囡囡逛超市,彎身時現粗腰肚凸,而腳踏蝴蝶涼鞋仔的 Alyssa亦似足媽咪肥嘟嘟,好可愛。

手瓜起??
盈盈左手拎住袋超市戰利品,右手抱實 Alyssa行返屋企,依舊行得好輕盈。另一日盈盈抱住熟睡的 Alyssa外出後回家,單手抱 B再幫佢撥扇,呢位廿四孝媽咪真係訓練有素,擁有強勁嘅臂力。
女兒樣貌掀網上罵戰 湯盈盈氣哭 錢嘉樂:下個一定是兒子
女兒樣貌掀網上罵戰 湯盈盈氣哭 錢嘉樂:下個一定是兒子
湯盈盈從不介意女兒曝光,早前兩母女更一齊影雜誌的封面,因為 Alyssa頭髮短似男仔,故每次盈盈都為她夾上小蝴蝶,打扮女仔一點。

囡囡樣被揶揄

早前有 BB網站刊登了三張錢嘉樂提供的一家三口生活照,但 Alyssa竟遭網民嘲笑。整個 post有二百多個留言,有涼薄網民批評 Alyssa醜,引來過百人反擊護 B。



涼薄派

護 B派

搵追仔聖手

湯盈盈、周家蔚與文頌嫻三姊妹夾啱時間大肚,最近又蠢蠢欲動想生第二個,不時圍埋研究怎樣可以一擊即中「追」到心中所想。據知湯盈盈幫襯的女中醫趙少萍,周家蔚懷第一胎前都是找她調理身體。有指客人服用她開的中藥後,九成都生仔。
趙少萍曾任香港中醫學會會長, 65年在廣州中醫藥大學中醫全科畢業,行醫約四十多年,在業界有「婦科聖手」之稱。記者曾以生仔為名求診,趙少萍解釋她以養卵為大原則,增加客人的受孕機會,她更教人記錄排卵的時間,從而掌握受孕的好時機。除陳慧琳外,原來才女梁芷珊、藝人陳松伶都是她的客人。

湯盈盈、周家蔚與文頌嫻三姊妹同年生 B,現在又一齊計劃生第二胎,睇吓邊個成功跑出先?
湯盈盈、周家蔚與文頌嫻三姊妹同年生 B,現在又一齊計劃生第二胎,睇吓邊個成功跑出先?
趙少萍位於灣仔的診所,貼滿 Kelly的簽名海報。 Kelly幫襯超過十年,除了醫好困擾她多年的經痛問題,仲調理好身體誕下兩子。
趙少萍位於灣仔的診所,貼滿 Kelly的簽名海報。 Kelly幫襯超過十年,除了醫好困擾她多年的經痛問題,仲調理好身體誕下兩子。