13年因為一單三角關係緋聞，令 08年港姐季軍馬賽被無綫雪藏，雖然有指無綫已解凍，並安排拍新劇《東坡家事》，但角色發揮有限，更貶做大配角。

已經 27歲的馬賽近日得高人指點搬屋換車轉運，並打算用回原名司馬賽兒重新在娛樂圈發展。週一（ 6日）馬賽在新居外接受訪問時直說：「暫時無其他工作喺身……幾難聽嘅說話都聽過，我覺得我o依家係好需要做嘢。」用盡各種辦法都係想繼續做演員啫，司馬賽兒呢次係咪可以重生呢？

13年底，馬賽因為與內地女製片人汪子琦，和內地女富商 Laura的三角關係曝光而令純純兔形象幻滅，無綫更即時雪藏馬賽，事件擾攘大半年，去年 8月馬賽決定赴英進修，離開傷心地。

08年得獎後即簽約無綫，還有合約在身的馬賽未有打算解約，反而是平靜地等公司安排。「我暫時都係 TVB嘅員工，合約仲有一段時間。工作嘅嘢我都係等公司安排，總之o依家暫時都好好。」
5歲已立志要做演員的馬賽，雖然心情已平伏不少，但對於近月無工開，仍是耿耿於懷。據知馬賽去年返港後，即搵高人指點迷津，期間高人提到不同的顏色和方位，促令馬賽立即搵屋兼換車，高人更指，馬賽若用回本名會對事業更有利。
15年重新出發的馬賽，得高人指點後馬上由清水灣半島搬到同區的峻瀅，以及將馬爸爸 10年送贈、約 50萬的全新寶馬房車換成約 18萬的藍色二手甲蟲車，而據知她在浸大進修電影課程時，向學校介紹時，已經改口稱自己為司馬賽兒。