本月初，陳錦鴻到港台出席講座時，依家將大部分時間投放喺家庭同患有語言障礙嘅囝囝身上。囝囝今年六歲，學習之齡，陳錦鴻要金睛火眼睇住佢大，故買餸煮飯一手包辦。當時佢話，同無綫就快約滿，依家考慮緊續唔續約：「我要多啲自己時間優先，出面拍一部嘅錢，等如無綫拍兩、三部，都要考慮。」原來陳錦鴻已經坐言起行。去哪兒？就是去HKTV，香港電視。不獲發牌那家電視台。

陳錦鴻90年由演藝畢業、加入亞視，94年轉投無綫，2014年，將揭開新一頁，就是轉投港視。很奇怪嗎？其實回溯到王維基在港視開台初期，已聲稱將會有批藝人於2014年後加盟；與無綫部頭即將約滿的陳錦鴻，據悉將於明年初過檔港視。

錦鴻接受電話訪問時謂：「我依家仲係TVB㗎，合約12月先完，喺呢半年係有傾，最final嘅答覆，其實都係想停一停，去出去睇人哋啲製作係點。」錦鴻又謂:「我當係一間製作公司，而唔係一間電視台，雖然佢哋依家喺度變化緊，我反而覺得冇問題，最重要係自由度好大，藝員部同創作部唔會close，我都期待，唔知佢哋會再開啲乜嘢。」

至於港視發言人則謂：「14、15年應該唔會有藝人加盟，但係我哋會照履行合約，就算拍唔成，錢會照俾。」隨着《Night Shift》正式關機，香港電視所有製作亦告全面停止，之前因未獲發牌而被裁的320名幕後工作人員中，仍有部份參與此劇拍攝工作，現在全部正式離開港視。

據了解，部份合約未滿的幕後，仍會留守港視，製作部員工會繼續完成此劇的後期工作，而創作部亦會繼續撰寫正在創作中的劇本，直至完工或明年初合約屆滿為止。

另外，藝員部仍會運作，繼續為黃日華女兒黃芷晴、黃美棋、陳宇琛、姜文杰、姜麗文等旗下藝員接洽工作，港視將餘下約百餘台前幕後，其去向將看王維基在未來半年的決定才有分曉。