《超級無敵獎門人終極篇》第二集 梁烈唯自爆一夜情 吳啟華一腳踏幾船

腳傷娜姐 玩《獎門人》好呆滯

周秀娜、吳啟華、梁烈唯、張繼聰、陳煒同小儀,噚晚到將軍澳電視廣播城錄影《獎門人》,娜姐、啟華和唯唯被分成一組,而張繼聰、煒哥同小儀就分成另一組。

娜姐因之前腳傷,所以左腳包住紗巾現身,佢收起性感,只以短褲示人,但上身打底衫嘅胸前就有兩隻眼睛,而一條短褲亦有好多人頭,佢笑言帶咗好多眼睛睇實。

不過娜姐玩遊戲時就完全不在狀態,更顯得呆呆滯滯,玩「超級無敵過過過」時,娜姐玩呼拉圈竟不及小儀,最終要靠獎門人等人幫拖,才蒙混過關。

之後佢哋又要打電話畀親友,要唔講「我」字就要對方講出佢哋個名,張繼聰卻處處碰釘,打畀一名女子(估計是謝安琪)時,多次漏嘴講咗我字,佢於是打電話畀另一男性朋友,誰不知對方就認唔出佢,最後更CUT線。反而唯唯就十分犀利,先後打畀女友及苗僑偉都成功過關。

《超級無敵獎門人終極篇》第二集

《超級無敵獎門人終極篇》第二集

《超級無敵獎門人終極篇》第二集

《超級無敵獎門人終極篇》第二集

《超級無敵獎門人終極篇》第二集

《超級無敵獎門人終極篇》第二集

《超級無敵獎門人終極篇》第二集

《超級無敵獎門人終極篇》第二集

鬥爆料 唯唯自爆試一夜情 啟華一腳踏幾船

到玩食辣壽司時,眾人都先後失手慘被迫食辣壽司,唯唯連食兩嚿之後已面露難色,當得知要再食第三件時,他即跪地向獎門人求饒,最終志偉亦放佢一馬。

之後玩真心話遊戲時,眾人都十分認真,問到試過一腳踏兩船未時,煒哥直認有試過,啟華先認有,但之後被追問幾時,佢又反口話冇,即被志偉寸佢話:「第一日識你咩,你起碼一腳踏六船,到底幾多個啫。」啟華先尷尬表示係未正式講分開前已同另一個開始,更死撐唔係一腳踏兩船。

之後又問試過一夜情未,唯唯大方直認試過兩次,佢話:「係好迷糊記得有兩次,第一次係21歲時,因為21歲係人生玩得最勁,蒲得最犀利,佢哋當我小綿羊,話見你醉就帶你返屋企休息,走前仲畀杯野我飲話會清醒,點知飲完就唔清醒,不過咁醜嘅事唔好提。」啟華回答係咪同工作拍檔發生過感情時,因佢曾表示想追求同劇對手蔡少芬,所以佢噚晚即話:「每次拍戲我都好投入鍾意對方,但只係鍾意角色,蔡少芬喺現實係大女人嘅女人,我又點會鍾意。」

而啟華噚晚帶同4歲多嘅女兒出現,佢解釋太太要同朋友食飯,所以就由佢照顧個女。大前日牛一嘅佢自爆慶祝時飲酒飲到斷片,生日願望就係希望《ON CALL 36小時II》收視理想。不過近日TVB劇集收視麻麻,佢就否認會有壓力,又覺得辛苦拍劇,但收視差就好慘。