《超級巨聲4》藝員版《星夢傳奇》首輪面試

之前無綫歌唱比賽《超級巨聲》反應唔錯,依家無綫推出藝員版《星夢傳奇》,今日喺電視城進行一連三日嘅面試,呢個畀無綫全台藝員參加嘅歌唱比賽,聽聞吸引咗無綫一半藝員參加,之前仲有傳話被力捧嘅蕭正楠、梁烈唯唔使經過遴選直接入圍。

今日下晝三點,報咗名嘅藝員到訓練中心試音,鬼妹陳明恩、林子博、麥嘉倫、周奕瑋、「家明」張景淳、郭田葰都有出現,而擔任評判嘅就有高層陳家揚同監製麥鎮東等四人。講到有指蕭正楠唔使試音自動入圍,陳家揚講明所有報咗名嘅藝員都要試音,每日約見五十人,問到有幾多人會入選呢?陳家揚話:「聽完呢三日先,聽晒所有人再決定。」至於係咪由全台藝員錄呢個節目嘅主題曲,佢就話有諗過但未決定。

有唔少無綫藝員唱歌比o依家嘅歌手仲勁,商天娥之前喺張國榮個紀念騷中嘅好表現,如果娥姐參加,肯定會名列前茅啦,不過唔喺香港嘅娥姐透過WhatsApp話佢唔知有呢個比賽,而且呢排經常唔喺香港,冇諗過參加。

而唱得之人(鬼妹)陳明恩雖然出過唱片,但佢表現好緊張,鬼妹話:「作為藝人應該比自己更多挑戰。」而娛樂新聞台記者林子博唱張學友嘅《愛是永恆》嚟試咪,佢話聽聞一班巨聲幫係唔可以參加,至於佢自己,就成日喺子女面前唱歌,得佢囡囡支持嚟參賽。另外,綠葉麥嘉倫對於蕭正楠呢啲唱得之人都可參加,覺得冇乜所謂。唔知會好睇過內地人氣節目《我是歌手》呢?

娛樂新聞台記者林子博。
娛樂新聞台記者林子博。
綠葉麥嘉倫。
綠葉麥嘉倫。

鬼妹陳明恩,唱得之人,入圍在望。
郭田葰。
郭田葰。

好多藝員等緊…