《超級無敵獎門人終極篇》第三集錄影

2013.05.28 16

資訊台

Bosco大口氣：《好心作怪》收30點

黃宗澤(Bosco)、周麗淇(Niki)、苗僑偉(三哥)同埋黃智雯成班《好心作怪》嘅演員，噚晚喺電視城錄影《超級無敵獎門人——終極篇》，近排無綫嘅收視唔多掂，呢套劇又有三哥、萬綺雯同周麗淇呢啲福將助陣，唔少人就話搵呢套劇救亡。

劇內做情侶嘅Bosco同Niki，為咗谷定收視，噚晚做足晒功夫，成日都黐埋一齊，Niki話為咗劇集做宣傳，冇所謂，Bosco仲話：「我哋都希望成績好，務求谷到收視爆燈，如果有30點收視(約192萬人次收看)，叫Niki著三點式，三哥著泳褲兼請食飯。」講嚟講去都冇你份喎？Bosco就笑笑口話：「我唔著你哋都睇過喇！」幾時有呀？

三哥就話：「唔係呱，咁睇得起自己，一攞就30點？不過我哋都有信心，但係冇話係救亡，拍嗰陣只係望套劇快啲出街，如果收得好咪食餐飯囉。」

好好好好大隻呀！

想辣死Bosco咩！

Nikki 同Bosco成日都黐埋一齊。

金剛連三哥都唔放過！

潘曉彤好cute啊~~~

黃智雯食壽司辣到面容扭曲…

曾志偉唔認遊戲抄《Running Man》

噚晚喺電視城錄影《超級無敵獎門人——終極篇》，講到有人覺得獎門人抄足《Running Man》，曾志偉話：「我都諗唔到邊一part係抄《Running Man》，我哋啲遊戲有170幾個，已經有100個係俾人抄襲咗，去到邊人哋都會覺得我哋係玩game嘅祖宗，唔同地方有唔同玩法，以前我哋都周圍去取經，所以冇所謂抄定唔抄，大家都唔好介意呢個問題，都係帶歡樂俾大家啫！」

嗱，獎門人95年開始播，當時已有不少觀眾話佢哋抄日本同台灣嘅綜藝遊戲節目，玩法相差無幾，但都叫重新包裝過，因而被奉為「玩game嘅祖宗」。不過時代不斷變緊，後浪推前浪，向韓國取經其實都唔係問題嘅，咁可能《Running Man》都有參考《獎門人》呢。

仲話《獎門人》先係玩game嘅祖宗喎。

亮點係後面嘅潘曉彤~~~

唔知係玩辣辣壽司邊個食，定係玩一家大細喺齊度？

Niki噚晚先錄影完獎門人，今日就要返杭州做嘢，好頻撲。

iPAD Niki瞓身玩狂晒「疑似」事業線

Niki全程施展「俯身功」，究竟胸前一撻陰影，係事業線，定係陰影？

之前有網民惡搞iPAD Niki(周麗淇)嘅相，令佢由iPAD身形變成大胸兼露點，相片於網上瘋傳。Niki就話「睇到得啖笑」，仲好謙咁話「我身材邊有咁好呀」。不過見佢噚晚喺將軍澳電視廣播城錄影《獎門人》嘅時候，著咗件外套，但又冇拉高條拉鏈，玩遊戲嗰陣又成日彎低身，就連辣辣壽司都要「俯身食」，結果心口位置露出「一撻陰影」，疑似係事業線……唔通……iPAD Niki要用行動證明佢唔係iPAD？

…已經好努力…好努力