飛虎變「飛釘」 唯唯俾志偉摸兩點

無綫劇《飛虎II》演員包括之前拍爆炸場口受傷嘅馬德鐘、羅仲謙同梁烈唯等，噚晚以飛虎造型到電視城錄影《超級無敵獎門人終極篇》，因為呢集會喺萬聖節播出，佘詩曼為首嘅女子組就以BB造型亮相大戰飛虎，主持嘅曾志偉、錢嘉樂等人亦以電影人物look出現。

馬德鐘日前拍《飛》劇受傷，佢依然要戴住手托，佢話：「粗重嘢由啲兄弟去搞，我嚟緊都想休息下。」《飛》演員以叠羅漢出現，着貼身tee嘅梁烈唯及袁偉豪等「飛釘」，志偉出手搣袁偉豪嗰兩點公然性騷擾。一眾人玩「紅綠燈」，男藝員企定時扮屙尿動作同擺出性感甫士，唯唯拉起衫時志偉又出手摸佢兩點，呢集真係三級！

呢班飛虎發晒姣咁，仲要俾志偉非禮！

馬神之前拍爆破場面整傷，仲要戴住手托。

成班飛虎…仲飛埋釘…

唯唯真係大隻咗好多

成班獎老扮鬼扮馬….

唔係扮緊蝙蝠俠下嘛…….?

天明抱住BB版老婆….

呢一打扮，咪就係《朱古力獎門人》嘅「王卡衛」囉!

點解要扮呢個動作呢….?

睇嚟大家好Enjoy….

唯唯仲比志偉非禮….

謙謙呢個表情，好難頂呀!

阿佘靚BB look 電金剛慘食檸檬

噚晚一班靚女好似佘詩曼、湯盈盈、周家蔚、姚樂怡、文頌嫻、鍾麗淇同埋梁靖琪以一身BB Look上去《獎門人》玩，位位靚女都著晒粉紅色粉藍色BB衫，仲不時扮Cute影相，認真搞笑。

而曾經傳過緋聞嘅佘詩曼同馬德鐘同場，玩猜拳食壽司時，阿佘主動要求用脷去猜，但結果輸咗要食壽司，當佢食咗一半時因為太辣，諗住狂電金剛叫佢幫手，但金剛完全唔受請佢食檸檬話：「冇用喇，我有女友。」之後阿佘又輸，飲水嗆鼻噴向天明，完全冇晒靚女形象。

係咪好cute?

嘟嘴賣萌

成班BB，雖然有啲做咗媽咪，都仲好有少女味喎!

來盈盈個大Pat Pat好突出

奉旨扮cute

個妹妹心諗….呢班姐姐搞乜鬼…

班飛虎….

盈盈十分搞笑

瞓晒喺度，話係扮生仔。

阿佘要食辣辣壽司

想電金剛幫手，不過金剛唔受，慘!

過氣緋聞男女 馬神阿佘啜波險咀

馬德鐘同佘詩曼喺06年因為拍《鳳凰四重奏》傳過緋聞，噚日佢哋多次被安排一齊玩遊戲，到啜乒乓波環節時都唔例外。

啜乒乓波環節例牌由男女對決，女方更加十分猴擒，阿佘同馬德鐘玩時差啲咀嘴，而姚樂怡同梁靖琪更加係狼啜唯唯同羅仲謙。輪到洪天明同老婆周家蔚玩時，當然唔使避忌，但天明竟搶含乒乓波，之後再吐返出嚟口傳畀老婆，真係核凸到冇人有。

而人妻湯盈盈就同許家傑玩，老公錢嘉樂喺隔離搞鬼出言嚇男方：「呢行飯碗好惡食，你簽咗幾年？」

咁親密，馬神唔怕老婆呻醋嗎?

哎呀…

只差一點點…..

梁靖琪好狼呀…

好似想咬甩謙謙個嘴咁….

天明同家蔚….唔使就住就住啦….

家蔚幾狼!

睇下家蔚個口…

姚樂怡都唔弱…

睇下搞到唯唯瞓地…

啜前熱身

志偉想話: 警告你…咪對盈盈出手呀….

咁樣許家傑仲邊敢啜….

家樂仔真搞笑…