《萬千星輝賀台慶2013》花式足球綵排

露波罅變露排骨 平胸翠翠不敵張秀文豐乳

陳百祥(阿叻)今日率領葉翠翠、龔嘉欣、林夏薇等在將軍澳電視廣播城為《萬千星輝賀台慶》進行綵排,翠翠、歐陽巧瑩和張秀文烏身玩波時不慎露波罅。平胸翠翠更激現排骨胸,好嚇人。

林夏薇同龔嘉欣均獲無綫高層區偉林點名力棒,兩女均謂希望網民台慶日唔好熄電視,龔嘉欣話:「唔好啦,咁開心一年先一次,兩件事嚟。」林夏薇透露為今次花式足球整傷尾龍骨,但最後卻取消咗呢個高難度動作,令佢有啲失望。


左圖係張秀文,右圖係葉翠翠。請俾趣。

本來翠翠同呂慧儀想咁樣嘅…

跟住就咁啦…

呢個動作實露到啦

點知…

排骨胸!!

再努力趴過

終於露到喇

阿叻想點?


佢就係張秀文…

嘩…嚇一跳

歐陽巧瑩,早前參選港姐嗰個呢。


呂慧儀露底


沈震軒

熄電視日? 阿叻:若熄到得兩三點,我就跪住返屋企!

對於網民發起1119台慶夜熄電視行動,阿叻自信爆棚謂:「如果可以熄到,我哋只係為唔熄電視嘅人而做,都係咁多點,所以真係好慘0架,如果可以熄到得番兩、三點(收視),我就跪喺度,一路由將軍澳跪返屋企啦,熄喎,你要記住,香港有700萬人,睇電視得200萬人,熄機嗰啲(指台慶日),係平時熄開嗰啲,佢哋係唔係都熄機0架喇,所以唔該佢,熄晒,掹電掣熄喎,千祈唔好就咁用個掣熄,因為一撳就撳番著,有時啲貓狗行過都撳得番著。」

阿叻又謂,已經預料到會有好多網民抨擊佢,但佢仍堅信人要靠運動:「我噚日連輸八場馬,最後一場買條孖T,幾鬼陰公呀,以為分好少,點知分到120萬,開心到我老婆。呢個世界,最緊要所謂一運二命三風水,四積陰德五讀書,我哋全部都讀唔成書,所以淨係靠前面四樣,靠運行咗幾廿年,所以呢,一台獨大,唔關TVB事,佢係有運嘅啫。等如我一人獨大,都唔知幾多人都想替我。你話志偉略為想一人獨大,咪畀人迫咗落嚟囉。梗係啦,做嘢最緊要有運,有命,風水好,所以我一搬屋,TVB就買咗世界盃,我廿幾年冇搬屋喇。」

問阿叻噚日贏咗嗰120萬點用?佢話:「好鬼快使晒,噚晚已經請食飯,今日又請食飯,聽日又請客。」

《萬千星輝賀台慶》項目綵排
時間:12:00PM
地點:將軍澳電視廣播城
出席藝人:陳百祥, 葉翠翠, 張嘉兒, 呂慧儀, 龔嘉欣, 林夏薇, 陳自瑤, 李思雅, 張秀文, 劉佩玥, 歐陽巧瑩, 陸浩明, 李礎業