何國鉦轟寇鴻萍唔識教女
唐貝詩被揭疑似女同志

有讀者報料指唐貝詩（右）曾有一 Tom Boy密友，兩人經常孖住影親密照。

寇鴻萍女兒唐貝詩日前在微博留言聲稱訂購盆景貓而被轟，契媽鄭裕玲也大義滅親出言指摘，但唐貝詩不但無悔意，還聲稱受到網絡欺凌。前晚寇鴻萍的時裝師好友何國鉦繼續狂抦唐貝詩，力斥她雖已二十多歲但心智仍幼稚不堪，又指寇鴻萍出口補鑊反而惹人反感，越幫越忙。此外，本報昨日亦收到讀者報料指唐貝詩與一名 TB打扮的密友的親密照，指二人有斷背之嫌。

唐貝詩日前在微博留言指成功訂購盆景貓，結果被網友及圈中人出言狂轟，惹起軒然大波，身為媽咪的寇鴻萍現身為愛女補鑊，可惜越描越黑。唐貝詩曾表示只是開玩笑，但卻未有歉意，反指自己受到網絡欺凌。

「心智咁唔成熟」

唐貝詩（左）被揭數年前經常和一些喜歡作 Tom Boy打扮的朋友出雙入對。

前晚寇鴻萍的好友時裝設計師何國鉦到尖沙嘴出席 LV Campanas藝術展覽，他亦有份狂轟唐貝詩，他說：「微博係一個公開平台，好多年紀細嘅小朋友會睇到，所以唔應散播不良訊息，佢都二十幾歲，但心智都咁唔成熟。」
唐貝詩聲言受到網絡欺凌，何國鉦繼續狂炳說：「佢媽咪唔講好過講，仲搞到其他人反擊，唔負責任唔識教女，作為媽咪應該引導個女先啱，唔係小事唔係冇錯，唐貝詩要承擔。」何國鉦坦言寇鴻萍明事理，相信日後見面不會尷尬，他說：「我相信佢會支持我教佢個女。」
雖然唐貝詩盆景貓事件發生幾天，不過仍有網友氣難平，有人在 facebook設立群組「不如你都試下做盆景人啦…唐貝詩」及「唐貝詩放進瓶裏面做『盆景詩』」等留言狂插。

何國鉦前晚現身時繼續轟唐貝詩盆景貓一事，指她心智未成熟。

寇鴻萍為愛女出言補鑊，可惜講多錯多兼越幫越忙。資料圖片

寇鴻萍繼續撐女

此外本報昨日收到讀者報料，當中有唐貝詩和一位 TB打扮的密友的親密相，報料指兩人感情要好似有斷背之嫌。
另外，寇鴻萍昨日凌晨致電到新城葉文輝節目，她除為女兒道歉外亦撐她雖已 21歲，但冇經驗不懂分輕重，又指女兒是要引導而非直斥其非。唐貝詩反斥吳家欣無資格批評她，寇鴻萍代她解說：「佢覺得有啲人唔知佢原意係想叫人唔好虐貓，佢覺得自己唔應退縮，所以咪留言回應，當然佢亦係嬲有人不停鬧佢。」她指女兒原意是好，可惜用錯表達方法及未有理他人感受。
採訪：藍文浩、葉雪　攝影：林德雄

第二頁：唐貝詩唔知衰 諸葛公主認低能
第三頁：唐貝詩四面楚歌 政黨插埋一份