鄧智偉演唱會半價團購促銷 周永恆免費都唔吼

被喻為顧嘉煇接班人嘅 36歲新一代無綫音樂總監鄧智偉, 5月喺九展舉行兩場名為《平行回憶演唱會》嘅作品展,仲搵咗無綫嘅林峯、黃宗澤、吳卓羲同許廷鏗群星拱照,唔知係咪佢張宣傳海報用自己大頭做主相,加埋佢仲 chok過林峯嘅造型嚇親觀眾,聽講賣飛情況唔係好樂觀。喺 Groupon嘅網仲有團購優惠,兩張總值 800蚊嘅門票都只係要 399蚊仲加送海報一張,擺明買一送一都吸引咗過百人訂購。

周永恆聽到死敵門票唔賣得,即刻踩多腳話合理。 資料圖片

周永恆聽到死敵門票唔賣得,即刻踩多腳話合理。 資料圖片

Groupon嘅網頁上寫明 399有兩張飛,仲送海報㖭,真係賣大包。

Groupon嘅網頁上寫明 399有兩張飛,仲送海報㖭,真係賣大包。

鄧智偉當日舉行作品展記者會,樂易玲都有現身撐場。 資料圖片

鄧智偉當日舉行作品展記者會,樂易玲都有現身撐場。 資料圖片

彈海報勁 Chok

去年傳出向樂易玲篤鄧智偉背脊而被炒嘅周永恆( Roy),噚日接受電話訪問,佢聽到鄧智偉門票團購變相半價嘅時候,佢語帶雙關話好合理:「電視機有得免費睇同聽,佢作親啲歌全部都免費聽,你要消費者俾錢去聽,係會差少少,你喺無綫搞個騷就冇所謂,所以係正常嘅,唔係針對佢,而且黃宗澤、吳卓羲都係拍嘢,唱歌唔係佢哋最擅長,最勁都係林峯啫,佢又啱啱開完演唱會。」
Roy講明唔會買飛捧場,佢仲話好多年冇畀錢睇演唱會,就算有免費飛都冇興趣喎,佢又話張海報勁 chok:「對佢個人都冇興趣啦,之前冇興趣先唔撈,仲要搞到咁麻煩,睇佢嚟做乜鬼,呢個人以前對我傷害都幾大,費事再有乜嘢接觸。」


本文鏈接:鄧智偉演唱會半價團購促銷 周永恆免費都唔吼