楊怡向來以演技取悅觀眾，近日她於無綫新劇《真相》中再挑戰演技飾演大律師，雖然入行多年拍過無數劇，但她表示是次拍攝令她最吃力，因她在拍攝途中感冒菌入神經，導致半邊面麻痹及歪嘴，令她一度喪喊。

近年無綫力捧花旦之一的楊怡可算是一劇接一劇，近日她於無綫新劇《真相》內飾演大律師，她直言是一次大挑戰，加上拍劇期間身體不適，令她更為吃力。

楊怡表示拍劇期間，因感冒菌入神經導致半邊面麻痹。

「半邊面唔郁得」

楊怡日前接受本報記者專訪時說：「差唔多拍到三分一嘅時候，病得好辛苦，點知原來感冒菌入神經，令到我半邊面唔郁得，個嘴仲有少少歪嘴，嗰時好擔心，情緒好低落，仲成日喊，好彩兩個月之後冇事。」

對於首次飾演大律師，除了對白較難念外，楊怡感到最好奇是頭上的白色假髮，她說：「我好鍾意個假髮同件袍，原來個假髮要成兩萬幾蚊，可想而知律師嘅身份有幾高級。」問到童年夢想可有想過做律師？她說：「冇！不過阿媽就想我做律師、醫生、警察比較高收入嘅職業，雖然我最終都做唔到，但我家可以演呢啲角色，都算達成佢嘅目標。」

近年備受力捧的楊怡，很珍惜每個演出機會。

楊怡直言只有一個佘詩曼和楊怡，無人可以取代。

「冇人可代替我」

楊怡（右）在無綫劇《真相》飾演大律師，她表示挑戰性相當大。劇照

對於佘詩曼與無綫改簽部頭形式合作，令不少新晉花旦可上位，楊怡說：「阿佘邊有人可以代替到，就等於楊怡亦都冇人可代替，因為每個人都有自己演戲嘅方式，我留喺 TVB都係做好自己本份，加上 TVB有咁大市場，可以容納到好多唔同類型嘅演員。」

入行多年的楊怡一直默默耕耘，但她未有想過做姐仔，她說：「呢個字眼喺我心中唔存在乜嘢代表性，所謂姐前姐後三分險，我只係想演到好角色，畀觀眾睇到我嘅實力同功架。」

採訪：王崇穎　攝影：仇志德
髮型： BenLam of ii Salon
化妝： Marsha of A&V makeup school
服裝提供： Bread n Butter、 CHOUETTE
場地提供：曼聯餐廳