影后楊千嬅﹑視后楊怡﹑歌后容祖兒同場出席活動

丁子高捲整容疑雲 千嬅反應大:「如果係,整容嗰個好失敗。」

影后楊千嬅﹑歌后容祖兒同視后楊怡,今日聯同曾志偉等人,到沙田馬場出席太子珠寶鐘錶精英盃賽馬日。佢哋每人夾100元買馬,但就輸錢收場,千嬅仲自嘲係「明燈」,話奶奶唔買佢貼嘅馬匹就會贏錢。千嬅着住超低V裙晒平胸,佢自嘲冇嘢睇,仲畀志偉話前後掉轉着都冇分別,好mean呀﹗

有指老公丁子高去眼袋兼變膠面,惹嚟整容疑雲,千嬅聞言反應甚大:「唔係呀嘛?你哋好耐冇見佢?佢一定唔會,如果係,整容嗰個好失敗,老公斷人米路。」

佢力撐老公冇整容,只係個樣殘咗,千嬅仲話:「係都我整,佢唔係食面口飯。」

另外,千嬅因抱重磅囝囝而搞到「媽媽手」發作,手腕發炎,右手仲要戴護腕,佢話:「0依家唔成日抱,要戴護腕兩星期先好,囝囝交畀媽媽湊,佢唔認得我,心傷,見我似見客咁,可能佢識social。」

視后楊怡﹑影后千嬅及歌后容祖兒難得碰頭。
視后楊怡﹑影后千嬅及歌后容祖兒難得碰頭。

影后楊千嬅﹑歌后容祖兒同視后楊怡
有乜咁好傾呢?

楊千嬅着晒透視裝,露前又露後,連護腕都騷埋出嚟,不過佢自嘲冇睇頭。
楊千嬅着晒透視裝,露前又露後,連護腕都騷埋出嚟,不過佢自嘲冇睇頭。


繼續係大笑姑婆。


個鞋踭好高喎!

怡唔搵羅仲謙教游水:佢淨係識救人

楊怡
楊怡早前因頸椎第5、6節頸骨突出,以及生骨刺而入院。

視后楊怡同天后容祖兒,今日出席馬場舉行嘅活動,楊怡話早前因為頸椎第5、6節頸骨突出,以及生骨刺而入院,不過佢冇時間留院做物理治療,所以醫生建議佢多游水,不過原來楊怡唔識游水?啵,咁點解唔叫以前做過救生員嘅男友羅仲謙教水呢?楊怡就話:「佢淨係識救人,唔使佢教,大個人難學,人越大越怕。」

早前生日嘅祖兒,獲男友劉浩龍(師兄)同朋友慶祝生日,師兄有冇製造驚喜呢?祖兒話:「都有少少。(禮物係咪貼身嘢?)唔講,唔係戒指。」

容祖兒唔肯透露男友劉浩龍送贈的生日禮物係乜嘢。
容祖兒唔肯透露男友劉浩龍送贈的生日禮物係乜嘢。

楊怡
楊怡原來唔識游水。