楊怡吸人仔陸上最奸

楊怡最近獲無綫安排到大陸拍劇搵真銀，首次「入侵」大陸市場，她望憑奸角有一番作為，但強調對無綫忠心不二，絕不會因有成績而離巢。

楊怡雖然身在橫店拍大陸劇，但仍心繫新劇《魚躍在花見》，對於該劇安排在農曆新年期間播映，她坦言：「收視係會有少少影響，但唔太擔心，我個人好樂觀，最緊要自己有劇播！」自《談情說案》後，楊怡共拍了四套劇，現在仍有三套未出街，故可安心讓公司安排她返大陸拍劇搵真銀：「今次會同譚耀文合作古裝劇，係『女反一』（反派第一女主角），係我第一次拍大陸劇，人仔我嚟喇！」

楊怡有新劇在農曆新年期間開播，她坦言不會太擔心收視。

楊怡希望憑奸角一洗給人「鄰家女孩」的感覺。

讚吳卓羲

楊怡在劇中的角色類似在《宮心計》奸角「姚金鈴」，亦是後宮奸妃鬥法，楊怡坦言：「睇吓今次可唔可以去盡啲，喺香港上次已經去到咁，未必可以再有下次，哈哈……我想奸晒成個中國！（唔怕被定型？）之前睇吳卓羲喺《大丫鬟》中都奸得好出位，佢好少做奸角，初時都替佢驚，但後來發覺大陸啲觀眾係好理智。」

賣身TVB

楊怡坦言拍《宮心計》時非刻意轉型，今次入大陸亦是個好嘗試，皆因她自知不再是「鄰家女孩」，不想再做平實角色，問到是否借今次做踏腳石，要像佘詩曼般或離無綫向外闖？楊怡即笑言：「公司派我哋出去拍劇，無論名與利，對我同公司都好，我簽無綫一世架喇！」

服裝：NA QUEEN

鞋：STEVE MADDEN

場地：九龍海逸君綽酒店

楊怡拒效阿佘外闖：簽無綫一世！

楊怡憑《宮心計》的「姚金鈴」奸出名堂，最近更以「女反一」姿態強攻內地市場，但她揚言無意外闖，一世效忠無綫！

雖然新劇《魚躍在花見》即將出街，但楊怡卻身在內地「搵人仔」，她笑說：「劇集喺農曆新年播，收視會有少少影響，但我唔太擔心，最緊要有劇出街！」楊怡倒是說得輕鬆，其實她離港前已接受了多個專訪，為宣傳新劇出一分力。

楊怡透露自《談情說案》後，尚有數套劇「存貨」，故安心返內地拍劇：「今次係我第一次拍內地劇，要搵晒啲『人仔』返嚟！呢套係古裝劇，我係『女反一』，角色類似《宮心計》嘅奸角『姚金鈴』，都係後宮奸妃鬥法，睇吓今次可唔可以去盡啲！哈哈……我想奸晒成個中國！」她坦言最初亦擔心被定型，但眼見吳卓羲早前在《大丫鬟》中「奸」盡掌聲，才明白內地觀眾相當理智，自然奸得安心！

拒再做「鄰家女孩」

首次進攻內地巿場的楊怡，自知不再是「鄰家女孩」，故希望藉此作踏腳石，提升知名度。問到會否如佘詩曼般有意離巢外闖？她立即賣口乖：「我對公司忠心不二，我簽無綫一世o架喇！公司派我哋出去拍劇，無論名或利，對我同公司都係好事！」

訓練班出身的楊怡揚言誓死效忠無綫，果然識Do。

楊怡憑《宮心計》的「姚金鈴」奸出位，更勇奪多個獎項。

楊怡首次到內地拍劇已擔正「女反一」，演技備受肯定。

唔學阿佘耍花招
楊怡搵人仔不棄 TVB

楊怡將會拍攝首套內地劇，狂賺人仔之餘，仍不忘向 TVB力表忠心之情。

21世紀新世代，觀眾接受能力高，近年奸角當道，楊怡年前憑着勾心鬥角的《宮心計》中演奸妃成功上位，還可以乘勢到內地搵真銀，初嚐搵人仔的滋味，楊怡感謝公司鋪路，還表示會誓死效忠 TVB答謝知遇之恩。

楊怡出道多年，最拿手是做乖乖女，做好人，十套有九套如是，乖女形象深入民心，下周無綫推出的新劇《魚躍在花見》靚人靚景，楊怡又做一個本質善良、但為了報仇卻出賣自己感情的人。
講到新劇《魚躍》賣點，楊怡笑說：「今次喺日本拍，個景真係好靚，仲有就係我同謝天華合作，印象好深，記得有次我爛嘴，點知又要同佢拍咀戲，佢返到香港就爛嘴，之後佢就話係我用個口過咗啲菌畀佢，真係好好笑！」

在與謝天華合作的新劇《魚躍在花見》中，楊怡演她最擅長的乖乖女角色。　劇照

由乖女到《宮心計》的奸妃，楊怡仍要繼續為 TVB視后奮鬥。　劇照

內地再演奸妃

已在無綫獲多獎的佘詩曼，早前透露想飛出去看看世界。　資料圖片

當香港播映楊怡新劇的時候，楊怡已經在內地拍攝她的第一套內地古裝劇，她表示心情興奮之餘也帶點緊張，楊怡說：「我可以放心返大陸拍劇，自己仲有三套存貨，知道要返大陸拍劇，仲係做古裝奸妃，最初有少少擔心，因為香港同內地觀眾唔同，我驚佢哋接受唔到我咁奸！」

「誓死效忠 TVB」

返內地拍劇收入高、福利好，更毋須要日捱夜捱，吸引好多姐仔向外闖，想走想飛，佘詩曼即將滿約，早前透露想過飛出去看看世界有多大，楊怡說：「我唔會去 o架，我 TVB大，誓死效忠 TVB。」楊怡至今仍未登上視后寶座，當然要留在 TVB向此目標進發。
採訪：楊潔雯　攝影：陳順禎
化妝： TY　服裝提供： Na Queen