米雪﹑黃宗澤（Bosco）﹑岑麗香﹑王浩信同胡定欣等，今日為新劇《貓屎媽媽》試造型。講到近日唔少TVB藝人有意離巢發展，好似謝天華暗示約滿後唔再續約。

Bosco就笑笑口話：「我喺度呀，不過唔好話頂住，公司仲有好多人，有人走自然有人入。」Bosco自爆同無綫仲有好長合約，所以佢仍然飲緊TVB嘅奶。

新劇內Bosco會同岑麗香有感情線，問佢會唔會擔心緋聞，Bosco就笑言：「驚呀﹗你哋唔好送緋聞畀我就好喇，等我安安樂樂拍套劇。 」香香就話：「最好唔好啦，不過0依家觀眾好聰明，分辨到真定假。」對於近期佢舊愛胡杏兒有疑似情慾片流出，Bosco就話唔係事實唔回應。

另外，王浩信於新劇內就相當重口味，浩信會同「細細粒」陳嘉佳做情侶，但同時亦與朱咪咪有濕吻戲，哇﹗同朱咪咪濕吻？？唔怪得咪咪今日鬼咁風騷啦﹗呢場戲令人期待啵﹗

兩個大男人呢個甫士想點？

黃宗澤同岑麗香新劇內有感情線，會唔會傳緋聞？有心理準備先好啵﹗

王浩信同陳嘉佳（右）演情侶。

當朱咪咪遇上岑麗香。

咪咪姐發功啦…

哇…浩信頂得順嘛？

作狀送埋香吻添…

咪咪姐對浩信嗒晒糖，好風騷啵。