充大頭鬼兩年山窮水盡

2011年的情人節，陳山聰狠撇結婚3年，較他年長12載，現年48歲髮妻Ponny Yeung（楊渡萍)，簽紙離婚當日陳山聰即陪何超雲過大海歡度兩人的首個情人節。2013年情人節後，陳山聰傳因錢銀瓜葛被超雲狠撇，他朝君體也相同，本以為「坐定粒六」等做何家女婿，埋門一腳慘被Out，只能豪食豪住但無錢過手的陳山聰窮到燶，急急向老友郭政鴻撲水「箍煲」外，就連給前妻的贍養費亦斷供了一段長日子，難怪Ponny私下向友人狂呻，為前夫付出10年青春，只換來一生遺憾。採訪：巫寧

任形象指導的陳山聰前妻Ponny自婚變後變得低調，只靠做運動及旅行來療情傷。男方為跟Ponny火速斬纜，急付50萬分手費外，更誓神劈願答應會按月再付贍養費，但說好的贍養費在年前卻開始斷供。「陳山聰成日喺超雲面前充闊佬，燭光晚餐、名牌禮物輪住送上，仲緊貼超雲上山下海，信用卡透支愈來愈嚴重，試過連4萬蚊歐洲機票錢都畀唔到，搞到旅行社要追數，前妻嗰筆，更加唔會畀啦。最慘係，但凡陳山聰同超雲有乜頭暈身㷫，Ponny都會成為新聞人物，兩年嚟令佢煩到發癲，連返葵盛公屋探媽咪都唔敢。」知情者說。

犯眾憎自作孽

農曆新年後，陳山聰經已聞到?味，所以曾悄悄返電視城向藝員科高層樂易玲及金牌監製李添勝「?撈」，「陳山聰同TVB仲有藝員合約，個個月都出緊糧㗎，但冇監製肯用佢，鬼叫佢當日恃住有後台所以意氣風發，得罪晒兩大製作阿頭曾勵珍同梁家樹咩，點會仲有運行？」TVB中人說。曾受過山聰氣的李添勝都忍唔住寸爆這位前愛將，指他翻兜TVB演情聖冇佢份，佢只啱做「騎呢」角色，句句有骨！

小聰子怕女王

「其實由拍拖開始，佢哋一直都係女尊男卑，陳山聰當超雲係女王咁服侍，唔敢反抗，就連同郭政鴻去九龍城打邊爐，撞到朋友都千叮萬囑對方，叫人唔好話畀女友知。陳山聰不事生產，有工唔返做全職男友，啱啱撻着時超雲就幾冧嘅，但好快就嫌棄佢唔夠Man，冇用，加埋『Love=Money』嘅錢銀瓜葛，加速『雲山戀』滅亡。」密友爆料道。可幸陳山聰急急往倫敦「發功」，冒雨買外賣、買藥o氹返超雲，「四失」陳山聰箍煲在望，難怪日前超雲突然在微博上載一張相片，寫上「Nothing it’s impossible， the word itself says ‘I’m possible!（沒有甚麼是沒可能，沒可能這個詞在字面上其實是我可能）」

有傳山聰及超雲在泰國度假期間在街頭吵大鑊，最後不歡而散，分手收場。

陳山聰前妻Ponny本已治好情傷，但如前夫跟超雲有問題發生，Ponny即再度成為新聞人物，令本已結焦的傷口再度滴血。

沙塵白霍事件薄

曾勵珍、李添勝

拍添哥的《天梯》時經常遲到早退，工作態度欠佳，仲以訂好機票陪女去旅行為理由，拒為延遲煞科的《天梯》埋尾，搞出一個爛攤子。

梁家樹、莊偉健

一次都唔肯幫莊偉健的台慶劇《萬凰之王》做宣傳。

伍詠薇、陳敏之

2011年，開心睇完煙花的伍詠薇在微博留言祝陳山聰生日快樂，但不夠五小時即怒刪祝福並取消關注陳山聰，原因是「友人」親自致電她不要再來往，她公告跟對方割席，並獲不少好友如陳敏之的支持。