最近無綫處境劇《愛·回家》收視勁過兩部有視帝坐陣《神探高倫布》同重頭劇《金枝慾孽貳》，《愛·回家》噚晚喺將軍澳電視廣播城筵開十五圍，劇中演員徐榮、朱慧敏、黎諾懿等同一班粉絲一齊出席歡聚晚宴，無綫助理總經理區偉林並宣佈《愛》劇加開到500集。

《愛?回家》劇組演員

湯洛雯用五年決戰娛樂圈

湯洛雯出席劇集《愛·回家》慶祝播放一周年活動。大會宣布將該劇加至500集，首次拍劇的湯洛雯在220集才加入，問自她加入劇集後收視即撼贏黃金兩線劇，可感到自己是福將？她謙虛地說:「唔係，係大家努力，唔關我事。(拍劇後覺得更受歡迎？）依家開始有人嗌我個角色個名詩詩，之前出到街啲人都只係話『嗰個咪咩港姐囉』，所以都好開心入到嚟咁受歡迎嘅劇。（媽咪爹哋有睇？）媽咪有，爹哋喺大陸做嘢。」問可有憑劇集收入大增？她說:「依家啲騷都好穩定，不過我仲係港姐約，所以唔係計騷。（港姐約幾時完？）張約15個月，今年尾會完，之後應該都會轉為經理人合約，其實之前都傾過藝員約，但係冇簽。（怕經理人約時間長？）唔怕，做藝人都需要時間去培養同訓練。（預咗賣身？）唔係，我預咗五年時間畀自己喺呢個圈發展。」

湯洛雯一入組就即加開500集

《愛．回家》之「齊齊@愛回家」歡聚晚宴

《愛‧回家》劇中演員

鄭欣宜紀念肥姐搞突破

負責唱《愛·回家》主題曲的鄭欣宜出席播放一周年，談到母親節，她表示將和幾位叔叔姨姨食飯。問會否前往拜祭亡母沈澱霞（肥姐）？她說:「因為我係基督教，通常會祈禱，好少拜，除非有親朋戚友想去先會陪埋一齊去。」對於下月為紀念肥姐舉行的《開心果永遠欣想你》演唱會，她表示現在準備進度理想:「我會喺幾個特別環節搞突破，不過係咩就暫時仲未講得。（學媽咪踩雞蛋?）唔會啦！太危險，而且話依家啲蛋係脆弱過以前。」問爸爸鄭少秋會否出席演唱會？欣宜說:「唔會，當日佢要做嘢，唔喺香港，所以唔會出席。（會唔會嬲？）唔會，大家喺呢個圈都明白，有嘢做好過冇嘢做。（叫秋官拍片支持？）呢啲我唔知，等大會安排。」