《大太監》拉票活動

無綫增「傑出獎」當安慰 曹永廉唔俾面
2012-11-25 17:47:13

無綫劇集《大太監》演員黃浩然、黎耀祥、曹永廉等,去新都會廣場出席拉票活動。早前有指曹永廉因台慶頒獎禮冇提名而唔開心,佢否認話:「我唔想為個獎唔開心,睇好陳國邦同黃智賢,初時入唔到係有啲失望,我只係希望有份坐,唔係話要攞獎。」

有指無綫現增設「傑出男女獎」,以安撫冇被提名嘅演員,阿廉話明唔會出席:「都未知詳情,一陣去到冇份咪又攞嚟(火羅),出年公司欣賞我再算啦。」

祥仔覺得傑出男女獎是鼓勵,被指分豬肉,他說:「太公有得分咪好,越多越好,最好分埋年齡同男女。」


雙喜做咩事揪住安德海衫領,係咪想報仇先?

同治遇襲…俾小釵蔣家旻襲擊呀﹗

唉呀,皇上駕崩…唔係,係碌咗落地而已。

李連英咁好笑容,因為已坐定粒六封視帝?

安德海同李連英講掂數未?只可惜,安德海咁好戲,都冇份提名爭男配角。

黃浩然對視帝打定輸數
[18:20] 2012/11/25

藝人黃浩然出席劇集《大太監》宣傳兼拉票活動,他對於首次獲提名無綫男主角獎項感到開心:「一年咁多套劇,得10個可以入圍,我當自己考第10名。(覺得陪跑?)唔好咁講,係對手太強,但目標係向視帝出發,不過唔係今年。」談到早前有有網友在劇內見到太監的「寶貝」牌,有一名是跟周星馳前女友于文鳳同名同姓,黃浩然聞言即笑說:「TVB的道具好搞笑,我之前拍《公主駕到》,我見到神主牌上嘅名都係用導演、監製名,不過都係得啖笑。」