FACE週刊 第288期

仲有唔夠一個月就到無綫《萬千星輝頒獎禮》，又係小生花旦爭獎之時。視后大熱徐子珊、楊怡鬥餐死，估唔到連出外登台都要鍊過。

週日（ 25日）徐子珊到東莞出席登台活動，收 40萬「人仔」 嘅子珊台上唱得風騷，點知唱到尾聲，死敵楊怡忽然上台踩場。據知楊怡為狙擊徐子珊，情願收少子珊一半價錢， 20萬「人仔」都要同台撼過。比楊怡貴足一倍，子珊未攞視后先贏個勢。

交戲扮啜
上到台二人即刻交戲，唔只攬晒腰，仲扮咀，係扮咋，冇真係錫?！

忽然踩場
週日（ 25日） 喺東莞舉行 嘅金域半山群星演唱會，宣傳海報上完全冇楊怡。

下月 17日為台慶頒獎禮，年年視后都係焦點。今年原本楊怡氣勢最強，年頭一套叫好叫座的《 On Call 36小時》，台慶前又有《名媛望族》搭晒棚博攞獎。可惜爆出疑似「車震」事件令形象插水，而她在《名》劇的氣勢亦一般，爆出 嘅係老薑劉松仁同江美儀。加上無 綫今年玩公投，最佳劇集同視帝視后都民選，楊怡贏獎岌岌可危。

不知道，對手太多了！真實對白
今晚請了你的視后勁敵上來，你知是誰嗎？真實對白

楊怡雖然收少子珊一半，不過都成 20萬人仔，又可以嚇子珊一跳，所以 喺台上都有得戚笑容，反而子珊就不經意撥晒髮，似乎有啲唔耐煩。楊怡上台前，司儀問子珊知唔知邊位視后勁敵上台，子珊冇答楊怡，只係話好多對手。

1首歌收 10萬

至於做硬雙料視后 嘅子珊，週日（ 25日）到東莞登台獻唱，為東莞豪宅盤「金域半山」於東莞塘夏中心小學體育場舉行「一起走過的日子」音樂會，邀請了古天樂、黃家強、許志安等明星，招待樓盤買家。
據知子珊今次登台價跟以往一樣企硬 40萬人仔，一毫都冇得減。記者現場所見，子珊台上表現風騷，經常笑到四萬咁口，唱足 4首歌，其間更走到老遠同粉絲握手。

多謝大家支持！真實對白
二人難得同台，司儀即時測試兩位人氣，問台下觀眾撐邊個攞視后。當晚子珊明顯多人撐 啲，佢即刻笑到見牙唔見眼。

落場握手係指定動作，難得子珊仲走去坐得超遠 嘅粉絲前握手，其間更叫保安唔好推粉絲。

徐子珊唱 咗 4首歌分別係〈半圓〉、〈小酒窩〉、〈愛如潮水〉同〈讀心術〉，全程冇走音，只係甩 咗少少，收貨。

減價踩場

當子珊表演完畢諗住落台之際，突然被司儀叫停，話有神秘嘉賓到場，原來係死敵楊怡。
由於表演的宣傳海報並沒有楊怡份，所以全場觀眾都嚇一跳。至於點解會突然現身？知情者說：「原本佢（楊）諗住開 40萬，想同子珊同價，可惜人哋唔肯，最後問佢 20萬肯唔肯，佢咪又死死地氣肯制！不過海報就改唔切喇！」
由於無端端俾死敵踩場，子珊塊面開頭 燶 燶哋，不過之後二人都扮冇嘢，又攬又扮啜嘴。爭獎前，一於交足戲。

100萬
當晚壓軸嘉賓古天樂，身價達 100萬，唱咗〈男朋友〉和〈像我這一種男人〉兩首歌咋。咁好搵，難怪古仔咁少返香港。

80萬
安仔當晚身價亦有 80萬，唱咗〈真心真意〉、〈爛泥〉、〈讓愛〉全部舊歌，但台下觀眾反應熱烈。

子珊雙料
楊怡下年先做視后

年頭一套《 On Call 36小時》，台慶前又有《名媛望族》，楊怡原本穩奪視后，可惜《名》劇播出前爆出「車震」事件令楊怡形象插水，加上她在《名》劇表現一般，令佢攞視后呼聲愈來愈低。據知上週二（ 20日）曾勵珍，樂易玲等高層開頒獎禮會議，已決定畀「我最喜愛的電視女角色」子珊，加上子珊人氣夠，視后亦會順利當選。不過無綫亦要安撫楊怡，所以下年初開拍 嘅《 On Call 36小時 II》就會安排喺台慶月播，等楊怡下年攞番視后。

上週三（ 21日）台慶頒獎禮公布名單記者會，企中間嘅楊怡、徐子珊成為焦點，但子珊就對楊怡相當避忌。

甩底台慶
徐子珊為咗台慶表演練到周身傷，反而楊怡就以腳傷為由缺席台慶，但翌日竟然趷吓趷吓出席賺錢活動。《蘋果日報》圖片

1秒姦贏

徐子珊和楊怡實力接近，不過論劇集入屋程度，就以徐子珊《雷霆掃毒》飾演 嘅毒后稍勝，反而楊怡 孭飛 嘅《名媛望族》爆出 嘅唔係佢，而係老薑劉松仁和江美儀。

徐子珊喺《雷霆掃毒》由頭帶到尾， 喺劇中被輪姦一幕，更係網民最期待，可惜到播映時只得一秒。

《名媛望族》楊怡都搏盡，咬松哥下唇，亦有被羅莽強姦戲，可惜觀眾反應不大，反而着黑絲襪的三姨太江美儀仲搶過佢。