無綫台慶劇《大太監》昨晚播出大結局，黎耀祥、米雪、邵美琪同梁烈唯等拉隊到荃灣跟觀眾一同收看，播完後祥仔和米雪出口為劇集拉票，但未有為個人爭逐視帝視后獎項出力。

飾演同治嘅梁烈唯喺劇中被祥仔餵毒藥而食，鼻涕一直流入碗裡面，再一飲而盡，七情上面，令觀眾大惡心。梁烈唯噚晚話：「我真係飲番自己鼻涕，5 take先完成，現場男攝影師都喊，多謝祥仔同米記。」會否抽離唔到角色呢？梁烈唯笑言真係不想，因為周圍嘅人都嗌佢「皇上」，令佢好享受。

至於「三順」陳國邦亦坦言係咪得獎都唔重要，佢話表示老婆羅敏莊想帶囡囡去電視城支持他，但俾佢拒絕咗，因為怕囡囡辛苦。

梁烈唯噚晚篤鼻涕，足夠資格爭視帝啦。

噚晚一齊拉隊睇大結局，竟然有死得太早嘅李詩韻，真係太好了﹗

梁烈唯話驚自己抽離唔到角色，係咪仲驚抽離唔到呢位咁靚嘅皇后？

東太后死咗而唔止係癲咗，西太后原來係大好人心繫家國，李連英本人接受到編劇呢種安排嗎？

倩蓉喺第二個版本結局冇死，但胡定欣同祥仔都話希望倩蓉死喎。

好多祥仔嘅fans嚟支持佢。

齊人喇﹗可惜個劇死得人多，想開續集有難度。

米雪不時走去fans度，為《大太監》呢個劇拉票。

米雪暗示《大太監》拍續集
[15:10] 2012/12/17

米雪與黎耀祥晚出席《大太監》大結局播放活動，獲邀上台為角逐視帝視后拉票，但二人不約而同選擇為「最佳劇集」拉票，可謂犧牲小我，完成大我，米雪坦言好視團隊精神。對於會否開拍續集？她說：「未接到通知。（外界形容她飾演的慈禧與史實有異？）我扮演慈禧前半生，由於篇幅所限未到戲肉，大家應該客觀持評。」暗示隨時會開拍續集。

梁烈唯飲自己鼻涕自殺
[15:10] 2012/12/17

在台慶劇《大太監》飾演同治皇帝的梁烈唯（唯唯）最後犧牲自已的性命幫慈禧保位，他與拍檔欣賞大結局時重溫自己的演出時仍忍不住拿紙巾拭淚，他說：「呢場戲拍咗五次，次次眼淚鼻涕一齊流，我仲要飲番自己啲鼻涕（劇情飲毒自殺），想起都噁心。」他形容這是入行以來最喜歡的一個角色，對於患性病後的爛面裝遭惡意評擊，他表示對造型倘算滿意，感激化妝部同事落足心機。

陳國邦攞獎第一時間錫囡囡
[15:11] 2012/12/17

有份角逐台慶頒獎禮「最佳男配角」的陳國邦表示，已交由太太羅敏莊助手負責為他訂造西裝出席今晚的頒獎禮。本來羅敏莊想抱囡囡到現場打氣，但阿邦不想家人辛苦，已婉拒好意，並搞笑說：「如果得獎，我會第一時間返屋企錫囡囡，老婆當然要日日錫啦！」果然Sweet爆！