第九屆華鼎獎頒獎禮 Angelababy喪加墊32A谷到32E

戶外行紅地毯 群星濕晒

《第九屆華鼎獎》頒獎禮今年移師香港舉行,今晚假九龍灣國際展覽中心舉行,現場有行紅地毯儀式。

咁啱TVB今晚假灣仔會展、為曾志偉舉行60歲大壽,兩個節目打對台,同樣兩者都舉行紅地毯儀式,不過華鼎獎就封咗九龍灣展貿徑,變成紅地毯區,但現場附近車輛頗多,加上天雨關係,唔少影星到場時顯得有啲狼狽,好似有份角逐最佳女配角嘅范曉萱,行紅地毯時要工作人員擔遮擋雨,但佢條靚裙亦畀雨水濺濕。

反觀擺壽宴嘅志偉,雖然生日P都搞紅地毯係怪怪哋,但人家個場,更加適合行紅地毯,起碼班嘉賓都冇咁陰功呀。


龍紋身的女孩范曉萱。

華鼎獎紅地毯儀式於戶外舉行,因為天雨關係,范曉萱到場時要人擔遮,而佢條裙最後亦被濺濕,陰功。

喪加墊谷咪 Baby絕對「胸」虛

同會展相比,今晚喺九展舉行嘅《第九屆華鼎獎》,雖則都係星光熠熠,只可惜連場「巨雨」,搞到一眾性感到場嘅「巨乳」亦失色不少。

當中好似剛奪得「中國最受媒體歡迎女演員」獎嘅Angelababy(楊穎)咁,明明得32A(上圍),但今晚就谷出32E嘅巨胸,可惜……突然豐滿只係假像,只係幻覺……因為近鏡一睇,啲「虛位」現晒出嚟。相比同公司嘅熊黛林真材實料激凸現身,Baby,真係胸虛……

除咗Baby拎獎,依家頒咗嘅獎項,包括「中國最受媒體歡迎男演員」,由王寶強奪得;「中國最佳動漫影片獎」得主則是《魅拔》。


Angelababy今晚真係谷到盡,效果好澎湃﹗

瘦到咁,令上圍更顯偉大。

幾時見過咁逼爆嘅baby?

但睇埋側面…Baby自己都冇眼睇。

絕對胸虛…

真係好多虛位剩。

Baby一邊行一邊拉裙,小心翼翼。

黑色的墊都現晒出來,仍然「填」唔滿。

Lynn真材實料谷胸 冇得輸!

嗰邊見Angelababy谷胸谷得咁空虛,不如睇番啲真材實料啦!Lynn Lynn熊黛林今晚現身九展,親身示範何謂廣闊充實嘅胸襟……輕輕鬆鬆谷一谷,就即刻有嘢睇喇!

今次Lynn Lynn呢條one piece唔講得笑,上有谷胸、下有高叉,風一吹,長腿即時盡現鏡頭前。不過見佢單拖出場,唔知城城對Lynn Lynn呢個look滿唔滿意呢?


行一行,風一吹,woooo…

風再吹,又woooooo….風繼續吹啦。

有真材實料,谷胸唔係難事

黃婉曼湯碗胸 vs 鄭希怡砧板胸

眾星今晚盛裝出席華鼎獎頒獎禮,當中英皇藝人佔大多數,包括老闆楊受成﹑謝霆鋒﹑容祖兒﹑古巨基﹑蔡卓妍﹑鄭希怡(Yumiko)、關智斌、吳浩康同衞詩雅等,唔講仲以為英皇又舉行春茗添。除了英皇群星外,斯琴高娃、劉德華、范冰冰、黃婉曼、溫碧霞、孫佳君亦打扮光鮮出席。

當中準新娘Yumiko雖然身穿低V裙示人,但就冇乜睇頭囉,無論正面睇或側身睇,都極其量得2D效果,好彩有個白滑露背爭返分數;反而擔任司儀之一嘅黃婉曼,就賣大包谷盡湯碗胸,呈現3D效果,好鬼Sexy,當黃婉曼喺佈景板簽名時,現場突刮怪風,佢條裙畀風吹起,唔覺意露埋一對玉腿,贏晒﹗難怪黃婉曼咁鬼風騷啦﹗


睇下有冇走光先﹗

黃婉曼由兩男陪同下行紅地毯。

風騷得佢丫﹗

怪風一吹,露埋玉腿﹗

鄭希怡正面睇。

側身睇。

背後睇。

蔡卓妍著得幾靚。

不過條裙長得滯,佢顯得小心翼翼。

容祖兒全黑打扮,騷白滑玉背。

張敬軒﹑蔡卓妍同杜汶澤盛裝亮相。

古巨基孖住容祖兒出席華鼎獎。

范冰冰娘爆扮樹

失意於《鐵甲奇俠III》國際版嘅范冰冰,今晚應該唔會再失望啩……但有啲嘢好難講。佢今晚憑電影《二次曝光》,同《我願意》嘅李冰冰爭逐華鼎獎最佳女主角獎。

之不過,平時去開國際影展,都扮到自己好似一個景泰藍花樽咁嘅冰冰,今晚去九展出席,就著到有啲歐陸風——佢揀咗著LV綠裙,causal得多,但似乎同行紅地毯格格不入。

同場仲有chok爆嘅李秉憲,阿嬌鍾欣桐男友K先生,以及韓國女星韓嘉仁。李秉憲真係由行紅地毯chok到喺back drop前影相,但佢同冰冰一樣,都無可避免被淋濕身。


真係估唔到,冰冰以呢個look出場。

green day?

左起﹕阿嬌男友K先生、韓嘉仁及李秉憲。

韓嘉仁高貴迷人

李秉憲真係好chok呢﹗當然另一角度睇都係好型仔嘅。

阿Sa晒「飛機場」 否認跳水袋百萬

蔡卓妍(阿Sa)今晚身穿low cut裙出席華鼎獎,雖然凸顯「飛機場」身材,但都著得幾好睇,只係條裙長得滯,佢行紅地毯時步步為營。有傳阿Sa參加內地跳水節目勁袋百萬酬勞,佢就否認:「冇咁嘅事,節目為慈善籌款。」阿Sa仲話參加呢個節目,搞到個人瘦晒,好多參加嘅藝人都瘦埋,佢仲下意識仲摸一摸胸部添﹗阿Sa又話稍後返內地工作時,會嚴防H7N9:「男友(陳偉霆)叫我唔好食豬同雞。」


不過裙腳過長,阿Sa行紅地毯時都好小心,以防絆倒。

阿Sa否認跳水節目袋百萬酬勞。

張敬軒(右)被問到係咪加盟英皇,佢就話7月會有公佈。

杜汶澤望緊乜呢?

謝霆鋒承認賣樓 賺逾2千萬

憑電影《消失的子彈》角逐華鼎獎影帝嘅謝霆鋒,同英皇老闆楊受成孖住行紅地毯,凸顯一哥地位。有指霆鋒近日賣樓賺過千萬,佢直認不諱:「層樓七年前買畀阿爸,當年700萬買入,近日2,800萬賣出,阿爸0依家租住陽明山莊。」對於內地裸模干露露向佢大送秋波,霆鋒就話:「我未認識佢,有人畀過佢啲報道我睇。」對於干露露不停讚佢「優秀」,霆鋒只係講句:「多謝。」


謝霆鋒(左)同楊受成於「展貿徑」下合照。

憑電影《消失的子彈》角逐華鼎獎影帝嘅謝霆鋒,同英皇老闆楊受成孖住行紅地毯,凸顯一哥地位。有指霆鋒近日賣樓賺過千萬,佢直認不諱:「層樓七年前買畀阿爸,當年700萬買入,近日2,800萬賣出,阿爸0依家租住陽明山莊。」對於內地裸模干露露向佢大送秋波,霆鋒就話:「我未認識佢,有人畀過佢啲報道我睇。」對於干露露不停讚佢「優秀」,霆鋒只係講句:「多謝。」

Baby攞獎:唔知自己做過啲乜嘢

方才Angelababy拎咗個「中國最受媒體歡迎女演員」,由黃秋生頒獎。Baby上台時話好多謝媒體朋友,仲話「搞好關係係好重要嘅事,今年係第二次拎傳媒歡迎獎,其實我都唔知自己做過啲乜嘢。」至於獲「中國最受媒體歡迎男演員」嘅王寶強,就喺台上多謝成龍及劉德華等等。當講到會繼續努力時,更激動走音。

此外,蔡卓妍(阿Sa)負責頒「中國最佳新人獎」,由《十二生肖》嘅張藍心奪得。佢上台時心情非常激動,謂:「《十二生肖》是我第一部電影,非常謝謝成龍大哥。」


秋生為Baby「加冕」。

幾咁肉緊﹗

情深抱抱

興奮若狂嘅王寶強同Baby

2013華鼎獎得獎名單

最佳影片:《寒戰》
最佳導演: 成龍《十二生肖》
最佳男主角:謝霆鋒《消失的子彈》
最佳女主角:范冰冰《二次曝光》
最佳男配角:杜汶澤《DIVA華麗之後》
最佳女配角:范曉萱《聽風者》

最受媒體歡迎男女演員:王寶強/楊穎
最佳新人獎:張藍心《十二生肖》
最佳新銳導演:徐崢《人再囧途之泰囧》
最佳編劇:羅志良﹑楊倩玲《消失的子彈》
最佳電影動作指導:成龍﹑何鈞《十二生肖》
最佳電影音樂:李代沫﹑吉克雋逸《二次曝光》「在我想起來」
最受媒體歡迎電影歌曲獎:張瑋《太極2:英雄崛起》「英雄崛起」
最佳電影製作機構:「博納影業」及「英皇電影」

最佳動漫影片:《魁拔》
最佳微電影:《父親》
最佳海外演員:李秉憲
最佳跨界演員:小瀋陽
終生成就獎:鄒文懷
年度成就獎:葉德嫻


杜汶澤(左)獲中國最佳男配角時,仲逗得韓佳人好高興啵。

范曉萱拎中國最佳女配角,恭喜﹗

韓佳人(中)好靚女,難怪阿澤都嗒糖

杜汶澤唔知講咗乜,逗到韓佳人掩面。

握到手呀,阿澤掩不住的興奮。

范曉萱話唔會多拍戲,反而專心炮製專輯。

阿澤話過埋星期六金像獎先慶祝喎,咁有信心?

小沈陽獲中國最佳跨界演員獎。

徐崢獲中國最佳新銳導演獎。

張敬軒獻唱武俠電影歌曲。

劉德華型爆現身。

華鼎影帝謝鋒同影后范冰冰開心合照。

劉德華跪低 頒獎畀葉德嫻

劉德華負責頒「年度成就獎」畀葉德嫻(Deanie姐),華仔今次於上台都係跪低頒獎畀對方,佢話上次金馬獎已經跪低頒獎,仲搞笑話唔通今次要趴喺度頒?華仔又話:「如果你哋每人問一個問題,能令觀眾起哄,我就以另一方式頒獎。」

大會司儀連問幾個問題,阿牛講:「我老婆係馬來西亞人﹗」華仔即答:「這個不能問。」(朱麗倩係大馬人)黃婉曼話華仔好重視家庭,華仔再答:「這個不能問。」而另一司儀再講:「揀老婆要同媽媽似,咁華仔標準係點?」華仔都係嗰句:「這個不能問。」阿牛再搭嗲:「阿嫂今晚食咗咩?」咁當然冇答啦。

司儀又問華仔,佢同Deanie姐關係親密到稱呼對方做媽媽,問到兩人關係究竟有幾親密?華仔就爆原來Deanie姐多年前曾為佢同人嘈交,佢話﹕「Deanie姐多年前為我與人嘈交,佢話點解我個仔咁多年都入唔到圍?係咪識做人就得,唔使識做戲0架?」


劉德華跪低頒獎畀葉德嫻,全場起哄。

劉華被司儀喪問私人事,華仔全部冇答。

華仔扶實Deanie姐。

華仔同Deanie姐關係相當親密。

「兩母子」四目交投,幾開心。

鄒文懷獲頒中國終生成就獎。

同成龍相擁。

全場起立向鄒文懷致敬。