鍾嘉欣靠相睇搵男友

鍾嘉欣（Linda）昨日出席活動時表示公司很痛錫她，不時給她出席活動搵真銀，年頭已賺了不少，更笑言想買對鑽石耳環獎勵自己。問她有否獲追求者送贈時，Linda說：「呢啲禮物係要好穩定嗰啲先會送，自己未收過。」她又表示父母最近催她找個男朋友，不過她嘆謂：「做我哋呢行好難，識圈外嘅人就更難，除非有人介紹或相睇啦！」

陳智燊覓全天候手錶

無綫男藝人陳智燊（Jason）早前為明珠台主持節目，並為節目冠名贊助的鐘錶品牌拍攝廣告，他說：「拍手錶廣告擺甫士都幾有學問，手唔可以擺得太高，要凸顯到手錶嘅同時，又要唔刻意，有一定難度。不過我幾年前去過瑞士鐘錶展，累積咗啲經驗，呢次大派用場。我自己都有儲錶，但出發點係諗住用嚟襯衫，所以比較鍾意膠錶，鍾意佢可以襯啲Casual Wear，通常一年買一、兩隻，近年開始想買得精啲，唔想買得太多，怕唔識珍惜，依家物色緊一隻可以喺不同場合都啱戴嘅手錶，不過我仲耐心尋覓緊。」

陳智燊拍攝手錶廣告，名副其實「時刻都咁靚仔」。