呂慧儀同翟威廉噚日喺灣仔宣傳無綫節目《最瀛自由行》，呂慧儀谷胸上陣，問佢點解咁性感？佢話：「唔係呀，我真材實料嘛！」

呂慧儀話之前去日本拍特輯，去咗浸地獄溫泉：「點知要男女共浴！」佢話好彩唔使全裸，不過池中有位伯伯剝清光，佢話「大飽眼福」喎。佢又爆翟威廉同池中有全裸靚女，不過翟威廉話完全睇唔到喎！提到陳豪同陳茵媺巴黎完婚，呂慧儀就表示恭喜。

而今朝，呂慧儀就無啦啦喺微博晒長腿，不過就貼咗塊膠，原來俾佢屋企隻貓貓抓傷咗，佢寫到：「寶貝虎兒，你生完氣沒罵我太好了，但你找我抱的時候肉緊得在我大腿上留下兩條深長淌血的爪痕了，知道你是不小心我也不捨得罵你怪你，只是皮痛心更痛，唯有記著自己要痛愛你，痛著愛你。請你記住我是皮薄易傷的，下次請小心的肉緊地抱抱吧！」哎，呂慧儀隻貓貓真係好得意，難怪咁肉緊嘅！

今日普通活動都谷胸。

呂慧儀踢爆翟威廉浸溫泉有全裸靚女。