羅樂林YouTube俾人唱《同是天涯羅樂林》

羅樂林 YouTube俾人唱「幾過癮」

羅樂林密密死都算係死得轟烈,「死訊」遠播五大洲,一時間做咗國際巨星,都咪話唔傳奇。近日有隊香港組合 N’Gine都忍唔住要抽羅樂林水,將佢 24小時死 5次嘅驚人事迹記錄喺首歌度,《同是天涯羅樂林》就咁誕生嘞!

呢首《同是天涯羅樂林》擺到明係將蔣志光、韋綺珊嘅經典歌《相逢何必曾相識》重新填詞,歌詞夠晒啜核同抵死 o架,好似「同是一人羅樂林,廿四粒鐘死幾鑊是奇人」、「世間都該知道佢是誰、紅遍日美外國勁過大作各大報都在訪問」,畫面就配番本報嘅動新聞同埋《喜劇之王》嘅片段,都咪話唔惡搞。

羅樂林聽過有樂隊改編歌唱佢,唔介意被惡搞。 資料圖片

羅樂林聽過有樂隊改編歌唱佢,唔介意被惡搞。 資料圖片

羅樂林「死訊」遠播五大洲,估唔到本地樂隊都嚟抽水。

羅樂林「死訊」遠播五大洲,估唔到本地樂隊都嚟抽水。

組合 N’ Gine將《相逢何必曾相識》重新填詞,歌詞仲好啜核。  YouTube圖片

組合 N’ Gine將《相逢何必曾相識》重新填詞,歌詞仲好啜核。  YouTube圖片

「改得押韻」

馮仁昭噚日打電話畀羅樂林,原來佢噚日接受港台訪問,都有聽過呢首歌。問佢對呢首歌有乜嘢睇法,佢就話:「其實好多嘢都好巧合,好奇怪,因為跟住嗰套《點解阿 Sir係阿 Sir》,又係有蔣志光演嘅。劇中有啲配樂好似都係用『同是天涯淪落人』,但套劇未出街,原來有班網友已經用呢首歌巧合地改編,所以好多嘢都係巧合。」羅樂林仲話唔介意俾人惡搞,反而覺得首歌改得幾押韻,幾過癮㖭!