劉鑾雄賣2億粉鑽+3.7億藍鑽 贈甘比女兒!

瑞士日內瓦佳士得拍賣行今早舉行拍賣會,一粒重達16.08卡的艷彩粉紅鑽競爭激烈,最後被香港某著名富豪,以2850萬美元(約2.2億港元)投得,拍賣行發言人話,這個成交價打破了同類型鑽石的拍賣紀錄,買家還將鑽石命名為「The Sweet Josephine」!

又是Josephine!猶記得09年香港富商劉鑾雄(大劉)以7,400萬,投得稀世藍鑽,當時鑽石命名為「Star Of Josephine」,因為他同情人甘比所生的女兒劉秀樺,英文名叫Josephine,當時他送了鑽石給女兒做生日禮物,難道這次又是大劉投給女兒的?

消息指,這粒鑽石確實是由大劉投得。大劉晚上回應時直認贈粉紅鑽給女兒:「是我買嘅,買來送給我個女!」

據外國媒體報道,今早香港華人富豪投得的枕形切割艷彩粉紅鑽(Fancy Vivid Pink),重達16.08卡,十分稀有,為歷來拍賣最大粒的粉紅鑽。250年來只有3粒10卡的粉紅鑽出現過市場,這顆枕形切割的鑽石為歷來拍賣最大顆粉紅鑽,色澤獲評為Fancy Vivid Pink,是粉鑽中得到最高評級。

其實大劉真是好疼甘比的女,之前已經有報道指,2011年大劉以約4.6億元買入渣甸山高士美道5號屋,而這間屋是買來送給女兒Josephine的,年僅7歲的甘比囡囡真是小富婆,單是2枚粉鑽再加豪宅,身家就有7.54億港元,哇!哇!哇!這些機會呀…..

大劉再以3.7億元投藍鑽

11月12日,大劉又再出擊,以3.7億港元投得藍鑽,蘇富比拍賣行透露,買主隨將鑽石命名為The Blue Moon of Josephine,再次以囡囡秀樺的名命名,大劉今日透過秘書證實這粒12.03卡藍鑽亦是由他投得。

大劉今日下午12點15分左右,由兩位助手陪同下,去福臨門食午飯,問及劉生係唔係送咗兩粒鑽石畀囡囡秀樺,大劉只係望一望記者,未有回應,約1點13分,一身黑色冬裝嘅甘比坐車抵達,問佢劉生係唔係送咗兩粒鑽石畀囡囡、怕唔怕大劉其他囡囡介意,甘比冇回應,只係箭步行入福臨門,成程冇展露笑容,表情比較嚴肅。

約1點44分,大劉同甘比一齊走人,大劉心情似乎唔錯,罕有向在場記者揮手,問及送兩粒鑽石畀囡囡有冇特別意思、怕唔怕其他囡囡介意、囡囡係唔係好抵錫,大劉亦冇答,只係護住甘比行,二人全程好從容,不時展露微笑,大劉同甘比坐同一架車離開,大劉一直用右手扶住甘比左手,甘比先上車,跟手大劉都上埋車。