全球最大、有75.36卡的完美水滴型鑽石，於上月28日在香港佳士得春季拍賣會以7,600萬港元成交，為這季創下第三個世界鑽石拍賣紀錄，大會公佈買家為亞洲私人收藏家，原來這位收藏家正是出名豪爽的向華強太太陳嵐，她直言「粒石買平咗」，並將鑽石命名為「中國之星」。

每年佳士得舉行的拍賣都吸引不少收藏家的目光，上月舉行的瑰麗珠寶及翡翠首飾拍賣會中，全球最大、75.36卡的完美水滴型鑽石是芸芸珠寶之中的焦點，成為不少買家的必爭之寶，最後創下第三個世界鑽石拍賣紀錄，以7,600萬港元成交，加上拍賣行佣金，向太共斥資8,611萬元。向太陳嵐向來喜歡收藏鑽石，她昨日在電話中直言很喜歡這顆完美水滴型鑽石：「見到就好鍾意，知道估價近億港幣，我就set咗個價畀自己，唔過8,000萬就買。」問她是否由老公向華強找數？向太謂：「當然，唔係邊個畀呀？」

向華強夫婦及兒子向佐大前日在威尼斯出席私人派對。向太愛收藏鑽石，笑言都想買翡翠但太貴。

全球最大、75.36卡的完美水滴型鑽石「中國之星」。

命名「中國之星」

向太為鑽石命名為「中國之星」，她說：「我都係買咗先知有命名權，中國冇命名過好貴嘅鑽石，所以就叫做『中國之星』，又可以係公司個名，我身為中國人都覺得好光榮。」向太視鑽石為投資及收藏，但有人出好價錢不排除會轉讓，她謂：「呢粒石買平咗，鑽石有價目表，每卡幾錢都有根據，好似呢粒石，每卡至少18萬美金，??家只係14萬8千美金，真係買平咗。」問到向太會私人收藏「中國之星」還是會作展覽？她表示：「諗吓先啦，等冇咁忙，可能會開間珠寶店呢。」

向太成億買珠寶 唔覺意買多咗

向華強太太陳嵐日前喺佳士得拍賣會以8,611萬港元（連佣金），投得重達75.36克拉嘅水滴形鑽石吊墜。

今日向太帶住呢顆「中國之星」同囝囝向佐喺中環出席發佈會，向太話呢個係心頭好，會留嚟重要場合配戴。問佢呢顆吊墜係咪收藏中最貴一件首飾？佢話鑽石係，但10幾年前都買過一條翡翠頸錬，依家已經升到過億。

向太今日同阿仔向佐出席發佈會。

向太話如果首飾太多、賺到錢都會賣番出去當投資，仲好豪氣咁話：「因為有時都會傻傻地、唔覺意買多咗，或者戴過一次唔鍾意。」咁呢粒「中國之星」會唔會賣？佢笑話隨緣啦，如果開雙倍價錢都會考慮，擁有過就得喇。被問到平時會否戴上巨鑽時笑說：「平時借給你也不敢戴。」

「中國之星」

戴咗幾層豪宅上身…

超大粒…

珍珠加鑽石…

向華強，是一位香港知名的電影出品人、中國星集團董事會主席，同時也具有監製、演員等多重身份，較廣為人知是他在賭神電影中龍五的角色。向華強育有2子1女，較為出名的有近年於娛樂圈發展的向佐。而在香港娛樂圈也有傳言他另一個身份是黑社會社團三合會「新義安」龍頭。

陳嵐，原名陳明英，中國星集團董事會副主席。出生於台灣，1980年代嫁予向華強並移居香港。陳嵐與丈夫向華強均熱愛電影，夫婦二人早年經營永盛娛樂製作公司，曾出品多部電影包括《大內密探零零發》、《烈火戰車》等。其後，陳明英與丈夫更於1997年創立中國星集團，繼續出品更多電影，包括《孤男寡女》、《瘦身男女》、《忘不了》等。