馬德鐘、梁烈唯、羅仲謙、洪天明等，今天穿上特種部隊服裝，與女主角鍾嘉欣、王君馨、黃智雯等等，一同出席主演TVB新劇《飛虎II》試造型，王君韾性感露背騷長腿示人，而打扮密實的鍾嘉欣， 靠劇中雙手滿疤痕搶鏡。擔任女主角的鍾嘉欣，坦言是次演出是新嘗試，也預了劇中演出，將是拍劇生涯最為辛苦及大壓力，角色不但重使命感，還有燥鬰、暴力及多言等性格。

至於馬德鐘再度回TVB拍劇，不但獲安排切蛋糕慶祝生日，還透露轉了簽部頭約合作，不知會否再添食拍《飛虎III》。另外，跟苟芸慧傳出緋聞的梁烈唯，表示兩人在新劇中合演夫妻，他還開玩笑指傳緋聞到現在合作演夫妻，感情真是一日千里，並笑言要求加床上戲，希望苟芸慧伏在他的胸肌上演戲。

嘉欣BB拍《飛虎II》 玉手滿佈「疤痕」

無綫宣佈開拍《飛虎II》，今日安排首集冧莊演飛虎嘅馬德鐘﹑梁烈唯﹑羅仲謙﹑袁偉豪等，喺電視城試造型，成班壯男仲着晒飛虎裝束，好鬼Man！不過上集女主角宣萱，因為同無綫關係麻麻而推拍，結果由鍾嘉欣做女主角。

原來呢部劇係馬神同無綫轉部頭合約嘅首個工作，o依家佢地位超然，唔單止壓軸出場，仲安排咗個生日蛋糕同佢慶生，馬德鐘表現得好開心，仲猛講多謝：「我哋簽咗兩年部頭，唔知下套會唔會係《飛虎III》呢？」

而嘉欣BB就話今次有新嘗試，佢透露新劇內佢對玉手會「滿佈」疤痕，咁當然係假疤痕啦，嘉欣BB仲話深信呢套劇係佢入行以來，精神上最辛苦一套。

佢話：「戲裡面會有啲燥鬱，成日好多嘢講，仲好暴力兼好重使命感，我都覺得好大壓力。」真係令人拭目以待呀！

馬德鐘同鍾嘉欣合演新劇，嘉欣BB仲即場騷假疤痕，幾可亂真。

唔知嘉欣BB新劇內有冇突破呢？

嘉欣BB話新劇係佢入行以來，最辛苦一部喎。

成班飛虎猛男出場啦﹗

馬德鐘備受重視，大會仲同佢慶生添。

Man到爆﹗

同苟姑娘新劇演夫婦 梁烈唯自度床戲

噚晚去咗樂易玲生日派對嘅梁烈唯同苟芸慧（苟姑娘），喺新劇《飛虎II》飾演夫婦。

有報道話苟姑娘喪電唯唯，唯唯就拎嚟開玩笑：「我哋真係一日千里，之前話佢電我，0依家話我哋結咗婚，發生埋關係添！」

咁同苟姑娘有冇床戲呢？唯唯就話未知，但佢搞笑話會主動要求，仲即興自度「床戲」：「係咪要我露啲胸肌，跟住苟姑娘挨喺我胸肌上睇電視，我諗都幾好睇。」

唯唯賣花讚花香，仲越講越誇：「我嗰點好靚?，打埋燈襯埋啲紋理，苟姑娘嘅閃亮眼睛同我嗰一點，有互相呼應效果。」oh my god….

另外，唯唯話為新劇會操弗自己，佢仲會操弗埋苟姑娘，苟姑娘最近被指體態「圓」美，佢就話現時睇中醫調理，仲話會調節心態添。

苟姑娘同唯唯喺新劇演夫婦，唯唯今日仲即興自度床戲，相當搞笑。

唯唯自誇「嗰一點」好靚。

苟姑娘近日睇中醫調理身子。

羅仲謙同黃智雯

謙謙好型仔

日期： 27/6/2013
活動： 《飛虎II》造型
出席： 馬德鐘 、 鍾嘉欣 、 梁烈唯 、 羅仲謙 、
袁偉豪 、 洪天明 、 黃智雯 、 苟芸慧 、
王君馨 、 鄧健泓 、 高鈞賢 、 翟威廉 、
胡楓 、 王俊棠 、 王維德 、 許家傑 、
何君誠 、 何俊軒 、 林敬剛 、 曾航生 、
胡定欣 、 梁琤 、 彭懷安 、 王梓軒 、
蔡淇俊 、 李晉强 、 方紹聰 、 謝光耀 、
張明偉 、 曾海昌 、 陳光耀 、 施駿 、
曾守明 、 林景程 、 姚浩政 、 鍾鈺精 、
鄭嘉豪 、 利穎怡 、 楊家寶 、 王志康 、
劉嘉琪 、 徐玟晴 、 陳欣淘 、 林玥 、
余應彤 、 陳潔玲 、 何佩珉 、 石天欣 、
溫家偉 、 李悅瀚 、 譚坤麟 、 黃柏文 、
監製林志華 。
時間： 12:30
地點： 將軍澳電視廣播城一廠Common room