彭浩翔搵杜汶澤到澳門召妓
導演彭浩翔開拍笑片《飛虎出征》，找來杜汶澤、余文樂及曾國祥扮演飛虎隊偷渡往澳門召妓減壓。據悉，不少內地青春女模於片中有裸露鏡頭，杜汶澤亦不錫身，挑戰自己的底線。他不諱言經常因應酬關係到訪夜總會，不過笑指因有狗仔隊出現後，自己亦不敢亂來，且謂：「去到夜總會，好似我應酬啲小姐咁，又簽名又拍照。（拍戲老婆冇嬲？）有錢收佢唔理。」
余文樂去滾力保靚股
余文樂於新戲中奉旨去滾。談到拍檔杜汶澤要露肉，他笑謂任務交由對方，望阿澤「一脫成名」，自己會死守「後庭」：「我一定唔會「棄股」，如果唔係要從新再傾（片約）。」他又指從未到過夜總會見識，小時候最多只會夾錢唱K。而同場的曾國祥則透露導演有意找爸爸曾志偉客串一角，但未知對方檔期能否配合。
杜汶澤預告﹕同全體裸女肉搏
想像吓杜汶澤呢個表…同班全裸女神肉搏，仲露股…唔敢想像落去。
余文樂、杜汶澤同曾國祥今日喺旺角出席彭浩翔新戲《飛虎出征》開鏡拜神，阿澤話佢喺戲中會有肉搏戲：「故仔講我哋係飛虎隊員，偷渡去澳門叫雞，樂仔就唔肯叫。彭浩翔做咗好多資料搜集，所以好熟，應該會搵一班內地新女做夜總會小姐，佢哋會全裸，同我有肉搏。」
問阿澤有冇試過去召妓？佢話去過夜總會，冇叫過小姐出街喎！樂仔更加話自己除咗為工作之外，就冇去過夜總會，又表示色誘肉搏嘅戲畀晒阿澤做，樂仔解釋話唔係錫身，只係導演覺得佢冇嘢睇，除衫都冇特別。咁露股囉？樂仔話：「唔會喎！咁要再傾過，我唔會為呢部露股，我要保留住佢。」
彭浩翔嫌阿樂個身形唔靚，冇得露。
睇吓阿澤連拜神上香嘅姿勢，幾有星味﹗
你哋有冇興趣客串番一場？
前面嗰位仁兄，佢個八月十五都有啲嘢睇喎﹗
驚動埋警察到場，好彩冇飛虎隊啫﹗