《飛虎II》鍾嘉欣受傷 痛到標眼淚

正在拍攝得如火如荼嘅TVB新劇《飛虎Ⅱ》,今日又出事!之前王君馨同羅仲謙等人已經因為拍呢套劇受傷,今日馬神馬德鐘同鍾嘉欣去到屯門拍一個爆破場面,當馬神抱起嘉欣BB逃跑時,失重心向前仆倒,甩手令嘉欣BB摔落地,嘉欣BB隻左手落地擦損,冇咗一小忽肉,盤骨撞傷,當場痛到標眼淚。

馬神就向前打咗個筋斗,手腳都有受傷,不過冇嘉欣BB咁嚴重。


望到都痛!嘉欣BB慘慘豬呀!


拍攝爆破場面前

仲同胡定欣開心合照

馬神受傷前

馬神打完筋斗卸力,都係受傷。

嘉欣BB隻手,冇咗忽肉呀!

工作人員都好緊張幫手睇住嘉欣。

嘉欣忍住痛

但都係忍唔住標眼淚

護理完…..

出事連環圖 馬神甩手向前仆

今日呢組鏡頭都幾驚險,因為係重頭戲,嘉欣BB同胡定欣個角色都要被吊起幾層樓高,不過今次就有替身代勞。

而爆破場面就走唔甩啦,劇情講做奸角嘅定欣脅持嘉欣,仲吊起佢,馬神要英雄救美,到拍第一次爆破場面時就出意外,開機後馬神向前號四五步之後,身後嘅雜物就按時爆炸,馬神就失咗重心向前仆,俾佢抱住嘅嘉欣BB就跌咗落地,手腳都擦損。而馬神就向前打咗個筋斗卸力。

睇嚟《飛虎II》場面都算真實,俾起依家播緊嘅《神鎗狙擊》,鎗戰同爆炸都係電腦效果,《飛虎II》真係有誠意得多。


出事連環圖

嘉欣的替身被吊起

定欣的替身被吊起

爆破前

剛爆,馬神唔小心失重心甩手

嘉欣跌落地

哎呀!


馬神向前打筋斗卸力

最後都係整親

馬德鐘:首先要同嘉欣道歉

今日TVB劇《飛虎II》去屯門拍爆破場面又出事,馬德鐘喺拍爆破場面抱起嘉欣逃生時,唔小心失重心向前仆,嘉欣就成個人跌落地,左手落地擦損,冇咗一小忽肉,真係慘慘豬!

意外發生之後,工作人員立即幫嘉欣用清水洗傷口,雖然嘉欣痛到喊,但佢仍然不忘慰問馬德鐘,而監製林志華立即停止拍攝,叫佢兩個上車休息,拍完即刻去睇醫生。問到嘉欣驚唔驚同頂唔頂得住,佢就眼紅紅點頭,然後又喊出嚟,之後平復情緒再埋位拍攝。

而馬德鐘手上就貼咗膠布,佢話:「膊頭有啲痛,因為爆炸時失重心,自然反應傾前咗,唔好意思,首先要同嘉欣道歉。」胡定欣慰問完嘉欣之後話:「意外真係避免唔到,總之做足安全措施,嘉欣冇嘢,只係嚟得太突然,最緊要啲骨冇事,嚇親啫。」


定欣喺《飛虎II》做奸角。


馬神事後話要向嘉欣道歉。

手臂貼上膠布。

嘉欣微博報平安 笑住晒勝利手勢

事後嘉欣去醫院治療,嘉欣為免粉絲及親友憂心,佢喺微博貼咗張喺醫院診症照片,相中嘉欣着住小背心,左手手㬹及手掌都貼咗紗布,而醫護人員亦為佢處理傷口,見嘉欣笑晒口兼舉起V字手勢,仲留言話:「大家不要擔心,我平安,我OK﹗我會快啲好番架喇。」


鍾嘉欣微博報平安,仲舉起勝利手勢,兼且笑容滿臉,粉絲唔使太擔心啦﹗(微博圖片)