馬德鐘、鍾嘉欣、黃智雯同羅仲謙等合作拍無綫劇《飛虎II》，噚晚佢哋喺尖沙咀搞煞科宴，馬德鐘做老細畀咗五位數字埋單，大合照時啲演員大叫口號：「Delay No More。」

原來除咗想套劇唔好遲出之外，成班人根本想借啲意講諧音粗口，馬德鐘解釋：「拍劇過程好辛苦，十足好似打咗場仗咁，夏天咁日日全副武裝拍戲，真係好辛苦，呢個係大家心聲，要正常發洩。」

如果開第三集咁拍唔拍？馬德鐘話睇吓播出時觀眾鍾意先再考慮。

嘉欣BB就唔敢講諧音粗口喇，佢仲話係噚晚先知有咁嘅口號，唔怪得啲人叫嗰陣，嘉欣BB嚇咗一跳啦。

近日傳林峯自組公司仲撬走徐子珊，曾經同林峯傳緋聞嘅嘉欣BB話：「係咪0架？佢冇撬我，我忠於TVB，合約仲有一段時間。」她表示每年都會請一個月假休息，但今年太忙，即將又要開新劇，故中秋也未能返加拿大陪家人。

另外有傳苟芸慧同岑麗香因爭上位而不和，苟姑娘否認其事：「我有同香香有傾呢件事，仲話不如我哋喺人前French kiss，不過如果個個傳不和都錫，咪好唔得閒？」苟姑娘又指媽咪想佢多啲休息：「我心理生理都有事，真係想休息吓。」

大合照時啲演員大叫口號：「Delay No More。」

馬德鐘話：「拍劇過程好辛苦，要正常發洩。」因住重案組出動呀!

鍾嘉欣同黃智雯合照時扮咀嘴。

結果係面貼面。

嘉欣BB聽到粗口諧音嚇一嚇，係咪好似傅穎話聽到粗口會打冷震一樣?

苟芸慧否認同岑麗香爭上位不和。