馬德鐘、羅仲謙、梁烈唯和黃智雯等，今天為主演的TVB新劇《飛虎II》拍攝接受掌上壓等體能訓練，眾人在烈日下不停冒汗，高鈞賢要拍攝被罰面向假牛糞做掌上壓的情節，至於飾演教官的馬德鐘，表示自備了冰毛巾消暑氣。

提到梁烈唯和黃智雯參加的TVB唱歌節目《星夢傳奇》，被指刪掉評判的狠批評語之事，梁烈唯指也有向公司反映，要求完汁完味播放，也覺得巫啟賢給的狠評語也很受用，覺得有讚有彈的評語會更好，對有參賽者投訴入圍要多番計算，梁烈唯還強調不清楚比賽賽制。另外，梁烈唯否認備受TVB力棒，指過十多年裡也是默默耕耘。

「巨胸飛虎」黃智雯 Big贏羅仲謙

無綫新劇《飛虎II》今早就去到屯門郊外拍外景，馬德鐘、梁烈唯、羅仲謙、黃智雯、高鈞賢等，着晒飛虎訓練服喺烈日當空下開工，雖然劇組已準備大量水解渴，但大家唔使埋位時，都匿埋一邊抖抖。而全場唯一一個女生嘅智雯，就不停用冰降溫，智雯自爆今朝已將啲冰放入身，豈不是好香艷？但放冰入身都會溶啦，呢招似乎唔多work，加上佢著住成套飛虎制服，應該都熱死。話時話，雖然只係制服，不過身材有料到嘅佢，上圍突出，成功胸贏另一「乳神」羅仲謙。

黃智雯雖然著得密實，不過真係「有料」到。

哇，遠睇都覺得智雯身材勁呀﹗

黃智雯仲胸贏大隻仔羅仲謙。

唯唯幫手開飲品俾大家。

嘩！！！上圍係幾驕人，但下身都唔弱…..

大胸謙嚟啦﹗

下腹未夠fit 照拍沖涼戲 梁烈唯出術：拉高條毛巾﹗

梁烈唯今日都有份去屯門拍《飛虎II》外景，唯唯上次開鏡都冇乜騷身材，今次望落去，身形又唔夠其他演員羅仲謙﹑馬德鐘同高鈞賢勁，佢話自己今次係玩「Cut」。唯唯仲爆有場戲係講佢同仲謙沖完涼，然後用毛巾包下身出鏡，佢話：「我六舊（腹肌）都OK，但下腹仍然未操得靚，可能將條毛巾拉高啲。」

有指《星夢傳奇》刪除咗佢同黃智雯被巫啟賢狠批片段，加上「卡拉之星」鄭世豪喺網上留言，暗示入選審批不公，唯唯表示同公司反映咗可以足本播放，而甄選過程係點佢就唔清楚，但唔擔心被指獲公司厚待，因為佢連埋拍電影，前後努力咗14年先有今日成績，佢話自己一直努力去做。

至於黃智雯話唔介意足本播放，兼且覺得評判說話令佢獲益良多，同樣佢都唔清楚甄選基制，只知道自己參加比賽目的。

梁烈唯自爆下腹操得未夠fit，佢笑言拍沖涼戲時，要將毛巾拉高。

羅仲謙好大隻。

梁烈唯﹑袁偉豪﹑馬德鐘﹑黃智雯及羅仲謙

加油呀﹗

今日天氣咁熱，要喺戶外拍掌上壓戲份，成班飛虎要頂住呀。

巨肌羅頌謙縮咗水 唔敢拖楊怡

無綫新劇《飛虎II》今日拍外景，而馬德鐘就係第二日開工，佢話好擔心會熱到有皮膚病，所以要特別注意個人衛生，帶備多條凍毛巾抺身，佢話上集喺冬天拍冇咁辛苦，而嚟緊要同鍾嘉欣拍落水戲，當佢知道嘉欣好怕水時，佢即話：「咁拍嗰日要約佢早兩個鐘試水，其實可以好放心，我有拯救牌，又有潛水牌等。」

另外，羅頌謙好有心，送咗支M4氣槍畀佢當生日禮物，又可以喺劇中用，哄得馬神好開心。謙仔送禮之餘，自己都買咗支一模一樣畀自己用。睇佢冇上集操得咁大隻，謙仔話：「o依家興玩cut，不過我唔夠家輝咁犀利，我戒唔到口。」咁女友楊怡有冇嫌佢細隻咗、唔好枕？謙仔就好尷尬咁話：「咩呀，Keep到嘅，唔會令大家失望，大家問吓佢。」咁楊怡會唔會心痛佢辛苦呢？謙仔就話只會擔心動作演出喎。

提議佢同楊怡效法林宥嘉同G.E.M.拖手現身今年台慶，佢話唔知有冇得出席，兼且自己冇咁大膽。

羅頌謙送咗支M4氣槍畀馬德鐘當生日禮物。

馬德鐘好擔心會熱到有皮膚病。

噢no，羅頌謙細隻咗好多啊!

揀正夏天拍古裝，慘：揀正夏天拍《飛虎2》，仲慘!

話晒係生日禮物，馬神當然愛不釋手啦。