踏入最後倒數，預計下周一入院開刀生仔的周家蔚，前晚挺着42吋巨肚到影樓激影性感激凸（肚）照，將為人父的天明為?老婆開心，赤裸半身上陣，跟老婆玩頂肚又狂擺鬼馬pose，場面搞笑，說到兒子將於日內出世，天明說：「我仲未學識換屎片呀，BB仔啲嘢全交老婆搞，媽咪會幫手，最緊要個仔健健康康，阿爸（洪金寶）已為個孫改定名叫洪大仁，我覺得最好叫洪天天，倒轉讀就『天天紅』，幾好呀！」

撰文：彭燕燕

攝影：畢紹基

披上薄紗半掩胸的靚媽非常性感，拍攝中段，突然向老公提議「不如你抱起我呀！」見天明O嘴即笑着耍手叫囂「講笑咋。」見老婆鍾意玩，天明索性脫掉外套，赤裸上身與嬌妻玩頂肚，?到家蔚笑不停。

說到這次產前激影，周天蔚說：「這是我第二輯大肚相，請容我在此多謝芝栢婚紗，他們真的很細心，等BB出世後，便連同產檢4D相輯錄成大相簿，到百日宴那天給賓客欣賞。」

重視親子關係

剛從內地返港的天明說：「今次特登請假回來陪老婆生仔，之後仲要返內地開工，起碼要拍到三月，希望下半年可留港工作，多點時間陪妻兒。」　　說到育兒計劃，天明說：「屋企人想生多個女，湊個好字，希望兩年內搞掂，不過香港教育制度都好麻煩，未出世已經要搵定學校，又要返好多playgroup，我哋反而重視親子溝通，想個仔體驗生活，唔好以為自己咬住金鎖匙出世，生幾多個有咩用？真係要有時間陪伴成長先得，我自細在片場長大，因為阿爸要開工，平日見唔到就放假去片場見佢，跟武師學打功夫，真係唔想個仔都係咁。」在旁的家蔚則強調，希望可教導兒子成材，學會孝順和禮貌。

星B排隊出世

蛇年娛圈喜事重重，人人爭做星媽，2013排隊等生。

蔡少芬（39歲）未知，預產期：6月　　育有一女的蔡少芬早前宣佈有喜，為丈夫張晉再添丁。

林嘉欣（34歲），未知，預產期：7月　　為丈夫袁劍偉誕下女兒Kayla後，去年底宣佈懷第二胎。

湯盈盈（37歲）生女，預產期：3月　　去年11月與錢嘉樂結婚時，宣佈有喜。

Lisa S.（37歲）生女，預產期：7月　　為吳彥祖生B的她將留港待產。

挺着42吋巨肚、擺出S甫士的周家蔚，下周入院分娩。

天明從內地返港陪老婆影相，更赤膊上陣與周家蔚合照。