《衝上雲霄Ⅱ》死忠fans:致唐亦琛機長的一封信

有睇開《衝上雲霄》第一輯,睇到噚晚第四集,Sam哥回憶起Zoe的滴,加上精湛演技,動容之餘,是否也有點不是味兒?係咪覺得好似有啲嘢唔對路?

劇中一些人物如Sam哥、Issac(吳卓羲)、CoCo(胡定欣)、Roy(馬國明)同Tony(鄧梓峰),都係承自第一輯故事,但點解關於第一輯的人物,如Vincent馬德鍾、阿Bell陳慧珊、Chris黃宗澤、Zita葉璇等,全部提都冇提過,好似喺宇宙中消失咗一樣。只係得唐生唐太(石修、韓馬利)有下落,但都係喺Issac口中,講過一兩句話佢兩個去咗南太平洋一個島生活咁大把。

冇理由0架,CoCo係Vincent個妹,阿Bell係佢阿嫂,咁CoCo去英國見Sam哥嗰陣,唔多唔少都會提下Bell依家生活點樣;又或者Roy由台灣返來香港發展時,都應該係咁易提下當年一齊受訓嘅Zita同Chris,仲有承父業從商嘅陳鍵鋒依家點樣。但,又係冇。


Captain Tong,你還愛阿Bell嗎?你們曾經歷了那麼多,何以能完全遺忘?

作為一個死忠fans,第二輯可以令胡杏兒死而復生,但馬德鐘就冇得翻生;阿Bell陳慧珊變成陳法拉,很難接受……就連第一輯旁枝人物都故意遺忘,就好似硬生生割斷血緣關係一樣。難怪網民Baggio都忍唔住,日前寫咗封信,俾Sam哥,今日於網上廣傳。有網民睇完後留言:「正到喊出嚟!」到底有幾正?一齊睇吓:

「致唐亦琛機長的信

尊敬Sam哥:

你好,我是你的一代粉絲。10年前,有幸與你有一面之緣。別來無恙?這次來信,主要是今天(集)收到惡耗,令妻蘇怡(胡杏兒),英文名又叫Zoe,中文名又……你知我講緊邊個就得了,不幸於多年前逝世,特來信慰問,望君節哀順變。願君早日重新振作,重操故業。

當然,基於劇情和收視的需要,很快你又要再衝上雲霄了,而且,很快你也會放下對令妻的情感,再去媾……哦,不是,再去愛了。

我來特意提醒你,十年前,有一位故人,叫阿Belle(陳慧珊),因為Triangel的從中作梗,誤會下嫁了你的好朋友Vincent(馬德鍾)。就在她婚禮後的下午,你倆在發現了真相,在草地上相擁而泣,感慨萬千,但無奈米已成炊,往事如煙,只好情約他生。你亦已放下,轉投蘇怡懷抱。但如今蘇怡已殞,Vincent更已逝多年,這豈不是上天憐憫當初你倆的無結果之苦戀,給你倆一個以為今生不再,再續前緣的機會?

對我這等硬粉而言,若你能和阿Belle重拾舊歡,才是最完滿的結局。可惜,阿Belle不知甚麼原因,也許被外星人綁架了,她神秘地消失,輕輕的不帶走一片雲彩。所以你往後40集,即使走遍地球,再也碰不著她了。而且,外星人甚至把你,她的小姑Coco(胡定欣)及令弟Issac(吳卓羲),對阿Belle及Vincent的記憶完全洗去。從此,阿Belle及Vincent就像沒有存在過一樣。倒像獨裁者要篡改歷史,但人民不會忘記!

不過,根據TVB官方劇透,你的新歡會是年輕飛機師學員Holiday(陳法拉)。作為男人,我好理解及明白並深切體會,何以你不願憶起和阿Belle的點滴,遺忘與她在羅馬的浪漫邂逅,畢竟,是廿幾同四十幾勾的分別呀! 十年前,你不正是貪圖蘇怡嫰口……不,是『活力』才對。

看見Sam哥又有充滿『活力』的新對象,倍感安慰,未來一定無恙。

祝衝上雲霄,出入平安

懷念那些年的一代粉絲敬上
2013年7月17日

P.S.如果我是你,我會好好的,認真地重新去找阿Belle,畢竟人生可重來的事不多。這可是肺腑之言。至於Holiday小姐,別擔心,I’m gonna take care her.」


阿Bell,你最近好嗎?


Vincent,大家都好掛住你。


Zoe…呢個髮型,先至係Zoe。


收到Sam哥朱古力的Zoe。


噚晚嘅Zoe