Toby嘉年親熱唔使備案
鬼妹仔性格的梁靖琪（Toby），最近首度與敖嘉年結劇緣，還飾演一對戀人，面對粒聲唔出的對手，Toby即使出交際手腕，找機會打開話匣子，結果冰山亦難抵Toby的熱情，不費吹灰之力便與嘉年成密友！
Toby與嘉年於劇集《花花世界花家姐》演一對鬥氣冤家，鏡頭前兩人儼如熱戀中情侶，甜蜜非常，不過原來《花》劇才是兩人合作的首部作品，Toby踢爆嘉年為人慢熱，要她出撒手鐧才能成事。
梁靖琪鬼妹仔性格，與人溝通有撒手鐧。
投所好由音樂講起
Toby回憶拍攝初期，指嘉年甚少說話，除了埋位，大多時間戴上耳機聽音樂，不與旁人有半點交流，結果她把心一橫，上前一手把嘉年耳機拉開，她笑謂：「我哋要演情侶，唔溝通點得，所以坐外景車時專登坐佢隔籬，咩都講一餐，第一句就問佢聽緊咩音樂，咁傾傾吓佢又OK喎！之後好快就熟落。」在旁的嘉年聞言即笑不停，自嘲為人怕醜，再加上怕被人誤會，故甚少主動出擊，沒料今次遇上鬼妹性格的Toby，兩人一拍即合，合作得相當愉快。
梁靖琪與嘉年在新劇中演一對戀人。
兩人表現好sweet，令旁人也以為他們拍拖。
為了投入角色，梁靖琪與嘉年先聽情歌，以便入戲。
自爆有張合作清單
Toby更賣口乖表示高興能與前輩嘉年合作，自爆心目中有一張想合作藝人的清單，嘉年排頭三位，她說：「其實之前本來有機會合作，但因為要做手術錯過咗，好在今次合作到，呢段時間喺佢身上學到嘢o架！真係獲益良多，仲Friend埋添。」
雖然現實生活中各自有另一半，但Toby與嘉年在劇中亦不乏親熱戲，兩人異口同聲表示未有向另一半備案，而且他們還挑選了一些情歌，於拍攝一些重感情戲份時，便會先聽那些歌曲來投入，Toby說：「呢個方法好work，嗰段時間好投入角色，真係同嘉年拍緊拖，有次陳山聰經過見到，都笑我哋使唔使咁sweet！咁即係代表成功啦！」
梁靖琪依偎在敖嘉年身上，二人的默契表露無遺。
性格開朗的梁靖琪主動帶起話題，使內向的嘉年被其熱情融化。
梁靖琪與敖嘉年在新劇飾演鬥氣冤家，現實中卻成為知心好友。