商人陳振聰偽造及使用華懋已故主席龔如心遺囑罪名成立，昨日被判監12年。原來陳振聰的「傳奇故事」不但引起全城關注，更惹來不少電影人「垂涎」，欲在案件告一段落後爭拍有關陳振聰與龔如心的電影。蕭定一意屬樣貌激似陳振聰的顏福偉夥拍阮小儀，重演陳爭產的故事，顏福偉（福仔）昨得悉後，以短訊寸爆陳振聰：「貪心只會帶來更多的煩惱和痛苦。」

華懋集團創辦人王德輝90年被綁架案，曾先後被拍成電影《重案組》及《綁架黃七輝》，07年華懋已故主席龔如心病逝，曾有電影人想開拍有關「小甜甜」傳奇一生的故事。不過，商人陳振聰自爆與龔如心的一段愛情故事，以致他偽造假遺囑被判監、最終貪字得貧的下場更引人入勝，在昨日陳振聰因偽造及使用龔如心遺囑罪名成立，被判監12年後，不少電影人欲搶頭啖湯開拍有關陳振聰故事題材的電影，包括電影公司老闆蕭定一及電影《爆3俏嬌娃》的監製黃永峰等。

■顏福偉與阮小儀被睇中重演陳振聰及龔如心的故事，幾乎可以假亂真。
設計圖片

■陳振聰為爭奪龔如心遺產，不惜公開二人的親密關係及照片。

片商爭飲頭啖湯

蕭定一昨承認有意開拍以陳振聰為題材的電影，並意屬樣貌激似陳振聰的顏福偉扮演陳振聰，夥拍曾被網民指最適合扮演龔如心的阮小儀主演。蕭定一昨在電話中說：「有興趣拍呢個題材，男主角我覺得顏福偉好似，女嘅我睇網友話小儀最適合，畢竟呢段愛情故事係中年先開始，所以男女主角可以演到尾。」阿一預計電影製作費最少一千萬，他解釋：「因為劇情要交代佢哋奢華生活，千萬走唔甩！」

剛拍完電影《爆3俏嬌娃》的監製黃永峰，亦有意打鐵趁熱開拍陳振聰傳，搶飲頭啖湯，他昨接受電話訪問時說：「我哋呢幾日keep住開會，打算籌拍陳振聰傳，呢個真係城中熱話，大家對佢嘅愛情故事心中有數。我哋想改戲名《甜甜搵你愛》，呢個名唔係要影射人，只係想交代愛情故事好sweet。男嘅想搵陳山聰，佢嘅經歷演起嚟代入感大啲，對手就考慮配剛脫罩嘅龍小菌，因為佢畀人好神秘感覺，好貼近撲朔迷離嘅故事女主人翁。我哋打算拍呢段廿年愛情故事，女主角老版會換上夏蕙姨（黃夏蕙），觀眾睇戲都想睇重口味，導演想邀請好有喜劇感嘅林敏驄，成個製作預計一千萬左右。」

■陳振聰昨被判監12年，案件一結束，不少電影人爭拍以他為題材的電影。資料圖片

陳山聰不置可否

雖然被視為扮演陳振聰最適合人選，但顏福偉不感興趣，身在外地的他昨透過短訊回應：「你會認為我會拍嗎？我當然不會啦，請大家respect已故的人，我會為她念經，希望她早登極樂國土。」問到對陳振聰被判監12年睇法時，他回應：「貪心只會帶來更多的煩惱和痛苦。」至於被睇中扮龔如心的小儀，昨在電話中笑說：「我已經俾唐英年老婆取締咗?喎（曾被指激似唐英年太太郭妤淺）！如果真係嘅話就同公司傾囉，因為呢啲job，好多時都係公司決定。」對於陳振聰被判監12年，小儀則不予置評。

與陳振聰同被戲稱為「振山漢子」的陳山聰，昨在電話中不肯回應被邀扮陳振聰一事：「我冇回應，亦唔知佢判咗刑，唔好意思，我唔得閒，唔同你講住。」

逐個Look：子丹宇宙最似

甄子丹

陳振聰經歷高低起伏，若要拍攝成電影版，當然要找有卡士兼飽歷風霜的演員擔當，甄子丹可說是首選，既是票房保證且形神俱似。若只求樣貌，亦可找張耀揚、顏福偉、周立璟，甚至揼本邀請大哨朗拿度演出。若要吸引觀眾眼球，由好男人陳豪扮陳振聰亦未為不可，分分鐘為原裝粉飾形象。不過還是陳山聰最穩陣，兩人遭遇及名字相似之餘，而且實有檔期。至於小甜甜方面，樣貌與身高相若的小儀基本上是穩膽，副選則可從矮人國尋找，相信糖妹、鄭融及樂瞳都可勝任。

陳山聰

朗拿度

周立璟