早上8時許，《變形金剛4》的攝製隊在鰂魚涌英皇道益發大廈附近進行拍攝，3名男子到場收陀地，向荷李活大導演米高比爾(Michael Bay)索取10萬元，其間有人更用磚頭等物品阻路，雙方發生爭執及推撞，過程中Michael Bay被撞傷面部。

警員接報到場調查時，其中兩名涉勒索男子即時反抗，一共打傷三名警員，另一同行男子亦被警員發現是通緝犯，全部被捕。事後Michael Bay拒絕送院，攝製隊繼續進行拍攝工作，案件交由東區警區反三合會行動組跟進。

遇襲受傷的警員送院治理。

在場警員向攝製隊了解情況。

其中一名疑犯遭五花大綁送院。

警員封鎖出事範圍進行調查。

事後攝製隊在現場繼續進行拍攝。

8招向變形金剛收數

今日呢單新聞，都可算近期最好笑嘅一單。
孖寶兄弟係咪食咗幸運星，居然夠膽喺變形金剛面前收陀地，以為係揚名立萬嘅第一步，結果係點？咪俾差人拉咗囉！事先聲明，我哋唔係教人收陀地，只不過覺得收數兄弟喺整件事處理上可以禮貌啲、低調啲，唔好搞到黃晒影衰香港嘛……

撰文：蘇芬妮

1. 點解唔叫狂派嚟收？叫唔到，叫狂舞派都好吖！
2. 一係叫齊三隻金剛去（商台18樓C座播音員、無綫嗰個、同埋隻大猩猩King Kong），夠晒親切感！
3. 學吓甜筒輝，去盡啲，踎底篤Michael Bay隻雀，分分鐘R到廿蚊慶功食牛汁！（後果可能豬過甜筒輝）
4. 同老外講數，唔係用廣東話啩？人哋想俾都唔識聽啦！
5. 立架餐冇用嘅，拎幾架變形金剛模型出嚟舞嚟舞去，人哋以為你傻的嗎，拿拿臨塞錢俾你睇醫生。
6. cosplay變形金剛出場，啲人見你咁有heart，當tips獎賞你。
7. 同Michael Bay講道理，煩到佢連戲都拍唔到，侷俾。
8. 收乜鬼嘢陀地吖，求其同索爆女主角影幾張合照，仲珍貴啦！分分鐘有得喺電影亮相，出鏡多過李冰冰添！